ناس كتير بتستغرب ايه الإنجاز يعنى اللي فى الحركة الى حصلت دى، واللي يخلى اسم شعب مصر يترشح لجائزة نوبل فى سابقة هى الأولى من نوعها بترششيح اسم شعب لنوبل، ايه يعنى شباب واستخدم تكنولوجيا ولو كانت التكنولوجيا موجودة أيام ثورة الضباط الأحرار كانوا استخدموها (وكل عصر وله أدواته)...ياجماعة الفرق هنا فى اختلاف رهيب مع كل الإحترام لكل حد وكل موروث ثقافى...ولعدة أسباب:
أولاً: السمة الشعبية: شعبي 100% ، بعكس الإنقلابات العسكرية وإن اللي قام بها أفراد لا يترأسهم زعيم أو جماعة..أو خلافه..بل العفوية والعفوية المنظمة بدقة
ثانياً: يعنى إيه العفوية المنظمة دى...آمال إيه الفوضى دى اللي أحنا عايشين فيها ليل ونهار دى تبقة اسمها ايه؟ تساؤل جيد وبيطرح نفسه، لكن عايز تعرف ليه انبهر العالم بشدة..هسيبك مع الصور دى واللي هتوضحلك إن الشباب لما قام واتحرك اشتغل على مقومات الدولة ومحاور التنمية الكاملة (وأقصد بمحاور التنمية هنا: الحاجات الي لو عايز اطور بلد أو أنميها اشتغل عليها)...فالشباب اهتم بحماية: مطالبهم بالأساس وفى خلال ده: اشتغلوا على الناحيتين: فكرة الحق والواجب: انا عايز أبقة مواطن وبطالب بحقوقى لكن ليا واجباتى برده
ودى كانت العبقرية فى الثورة دى: اللعب على فكرة الحق والواجب..وأنا مواطن مسئول بتحمل تبعات أفعالى وبعمل إصلاح ذاتى وبطالب بمطالب محددة: عدالة ..حرية ..ديمقراطية..ومساواة إجتماعية
جانب التخطيط التنموى واللي بجد أبهر العالم، فهم لما ثاروا ثاروا ثقافياً واعلامياً وصحياً وامنياً وتعليمياً وسياسياً واقتصادياً
ومحاور التنمية 4: بعد ثقافى واجتماعى - وبعد بيئى- وبعد اقتصادى -وبعد سياسى
وهم اشتغلوا على الأربعة دول بنجاح، وبعفوية شديدة جداً ومن غير كلام فسطفائى ملوش لازمة ومحاضرات مكلكعة وخطط خمسية تشرح أبعاد الموقف...لا لا خالص كله كان بالسنس ونظام: 1+1 = 2...مش محتاجين حسبة برمة..وده إن دل فيدل على إنه كيف النظام اللى البلد كانت عايشة فى يفتقد أبسط مقومات الحس السياسي والتنموى
!!
عايز اثبات اتفرج على خريطة ميدان التحرير واللي نشرتها البى بى سي: تخطيط كامل متكامل لأى دولة محتاجة تمشى أمور حياتية بسيطة: هتلاقى المستشفى والمصلى والمدرسة وحضانة الأطفال والطوارئ والأمانات ومكان السكن ومكان الزبالة واماكن الحمامات ومكان شحن الموبايلات ومكان السايبر والانترنت والمدونيين ومكان شراء كروت الشحن والغذاء والماية وأماكن الترفية والإجتماعات والمسارح العامة والمتاحف الفنية المفتوحة والمسرح الكبير..يعنى الصراحة تطبيق عملى لفكرة الجغرافية المعلوماتية بالمشاركة الشعبية (ومن غير اسماء مجعلسة عملوها كة لوحدهم يا سبحان الله) يعنى مش حسبة برمة ..مقومات دولة وفى الأخر: يتقال إن الشعب المصرى غجر وبهايم وغير مؤهل للديمقراطية
BBC handy interactive map
واللي كان معبر جداً على البعد الإجتماعى أو الإنسانى: واللى كان من مظاهرها امتزاج الإرادة الشعبية بالفرحة والغضب والتضحية بالذات فى نفس الوقت (ياجماعة بجد فى الثورة دى: ناس كتير عملت حاجات كتير يمكن ممليتش الدنيا زعيق ويمكن ممشاركتيش فى التورتة: بس ناس كتير وهبت من مالها ووقتها وجهدها وصحتها وأرواحها كتير..ناس خسرت وظايفها وناس ضيعوا فرصة للسفر علشان الحلم ده..ناس وناس كتير)..فى ملحمة أكتر من رائعة: شاف فيها العالم: البسمة والفرحة والقسوة كمان
Keep fun and protect ur self: Rec:The Telegraph
من كبير لصغيرك: وقف ونادى بأعلى صوت: بحبك يا مصر
لكن يمكن البعد الإنسانى تجلى فى الصورتين الجايين دول: الوحدة والتعايش السلمى...مع الإيمان القوى...واللي بتبهر حتى كل من يهاجم أى متدين
-الصور اللي جاية مصدرها: موقع جوودد نيوز
Solidarity Humanshield -Rec.: Good News
Prayers against fire and water- Rec.: Good News
وكذلك البعد الثقافى والمتثمل فى الحفاظ التراث الثقافى والفنى والتاريخى،بأفكار شبابية بحتة..ويمكن نط عليها الكبار
Ordinary PPl different backgrounds but all share same national sense: Ref.: Reuters-UK
Egyptian Flag: Youth Ideas: 150 m -Ref.: BA
وكذلك البعد الصحى والبيئى فى أجمل الرسالات والتعبيرات الحضارية: سواء فى البر أو البحر
Clean Tahrir Square- Ref.: Good News
Save the Fish: The fish ask Mubarek to leave - Ref.: Good News
وده كله غير البعد السياسى وذكائه فى معرفة مواطن القوة واللى نبعت من الشباب: أتمناها دولة مدنية برلمانية: قوامها العدالة والحرية والديمقراطية
People + Army= One Hand- Ref. : Yahoo.com
News photos
وهفضل رافعة علم بلادى وأفتخر: مصرية
No comments:
Post a Comment