نطق القذافى خيراً

by Amira Sobeih on Tuesday, February 22, 2011 at 10:13pm

سيبك من طلة السيد المعمر القذافى المعهودة واللى كل مرة لازم يذهلنا فى كل مرة يطلع بيها علينا سواء بنظريات جدية وكلام يطير العقل ..وطبعاً نيولوك الجامد واللى رغم منه إنه النهاردة كان لابس الزى التقليدى إلا إنه مصمم لازم يطلع بحاجة والنهاردة كانت إن الكم الشمال مقطوع من تحت (تقريباً دلالة على مشاركة المعاناة مع الشعب)...إلا إن كلامه النهاردة امتاز بالعديد من النقاط اللى الواحد لازم يقف عندها واللى تلخص معاناة الشعب الليبى معاه

واللى ما إن نسمعها حتى نترحم على السيد الرئيس/ محمد حسنى مبارك ونقول تلقائياً المثل القديم: يا ناكرة خيرى بكرة

تشوفى غيرى





السيد القذافى استهل كلمته بالنص -واللى كما قال البعض لن نتمكن من ترجمتها لأى لغة إلا قبل ترجمتها إلى العربية أولاً): من يريد العزة والكرامة أخرجوا من بيوتكم شدوا الجرذان ..إننا لم نستخدم القوة بعد..ولكن إذا وصلت الأمور للقوة سنستخدمها حسب القوانين الدولية



ولادكم يموتوا ..الشرطة ماتوا..لكن ولادهم ماماتوا..ولادهم فى أمريكا وأوروبا ..ماذا أصابكم...ما...هذه العصابات من الجرذان..هؤلاء لا يمثلوا شئ من الشعب الليبى ولا حتى واحد من مليون...هؤلاء الجرذان أعطوا اولادكم حبوب

وسكروهم...اصحوا واخرجوا من بيوتكم

ثم استمر فى توكيد نظرية ابنه حول العزة والكرامة وكيف انه المصريين والتوانسة عايزين يخربوها وإن الناس مش هم الناس وإن المصريين عايزين يدخلوا البلد وكذلك الأمريكان ...لكن زى ماهو حارب السادات والطليان واللى مش عارف ايه وايه لن يستسلسم ولن يسمح بذلك ..فهو كما قال وبالحرف الواحد:

# أنا مجد لا يمكن أن يفرط فيه ليبيا والعالم

ناهيك ما تدل عليه هذه الجملة، شد الأخ على إنه إزاى كان بيحمى البلاد ولم يحكمها لن الحكم كان للشعب وقال بالنص أيضاً:

# :احنا تركنا السلطة للجان الشعبية والشعب من 1969 وتركنا لكم كل شئ.أنتم المصريين بيضحكوا عليكم..شوفو البرنامج الذى

وضحه لكم سيف الإسلام



ذلك السيف الذى لا أعرف له صفة فى الليلة دى كلها الصراحة لا هو رئيس حزب ولا أمين سياسات ولا حتى موظف فى دايرة

ماعلينا نرجع تانى إنه بيتكلم عن الإصلاحات وطلع بالفكرة الغريبة واللى مش عارفة ايه الفهلوة اللي فيها يعنى وخد بالك من الكلام وتركيبه ..لوغريتمات يا ربى.. وبالنص أيضاً:

# من بكرة هنشكل شعبيات كبيرة وأعتقد إنها تشكل بلديات بإدارات بلدية..لأن كل بلدية تريد بلدية

وطبعاً ما ننساش توجهاته العظيمة للشباب المغرر بها واسطوانة نداء للأباء..والله آباؤنا دول تعبانيين أخر تعب معانا يا جماعة



# الشباب بيتعاطى حبوب وبياكلو موز ..وهيتعالجوا فى اللجان الشعبية ...لازم كلنا نخرج



وبغض النظر عن نصايحو الغالية للشباب واللى لازم ولادنا يعملوا بيها بعد ما حكى قصة الولد اللي فى المدرسة والمش عارف تاريخه...والتى تخلص فى نتيجة مفادها إن الأخ معمر القفاذاى شكلوا هياخد اسكوتر بدرى بدرى على شرم..لأن ده متنفعلوش

عمرة خالص دلوقتى..لازم ياخد دش ماية دافية بعد الدش الماية الساقعة الأولانى اللي جبله لطشة برد ده





وطبعاً بقية الحاجات من عينة كيف إن دول مش الشعب دول مندسين

:

# قلة قليلة ارهابية ..تحول ليبيا إلى ارهابى استعمار...اقبضوا عليهم وسنحاكمهم ..جذوهم..والعقوبة هى الإعدام لمن يرفع السلاح على الدولة





يظهر إن أخوكم الكبير يا شباب رفيق الشعب/ معمر القذافى جاب من الأخر والمفيد واللى مفروض يحصل معاه ودى بقة



وهو حكم الإعدام....سبحان الله استشهد بالدستور القديم والذى هو تمرد عليه وثار عليه...وبما إنه ثار على الدستور وبالدليل مش محتاجين محاكمة ..وكدة نطق حكمه بنفسه...والله الموفق حد يجيب مفتى الديار الليبية ...ولا بيقولوها ايه هناك

!!!