اتهدوا بقة

by Amira Sobeih on Tuesday, February 22, 2011 at 1:27am

عمالة أقول يا بت خليكى مواطنة متحضرة انتى على أعتاب ديمقراطية وحوارات جديدة بقة..وهتطلعى بطاقة انتخابية قبل يوم 9 مارس فلازم تعيشى فكرة الرأى والرأى الأخر..وتلاقى ناس تقولك مش عارف ايه ومين مفيش مشكلة



ويجيلى حاجات وحاجت أشوفها أسمع وأطنش عادي جداً جداً: يقولو الشرطة غيرت الشعار وبقت فى خدمة الشعب: وتنزل الشارع لسه الشرطة مشتغلتش ووكأنهم جهاز العروسين مستنينا نطلعهم بالزفة...



وعادى جداً ألاقى القسم اللي أنا تابعو له مش شغال علشان أطلع البطاقة وحضرتك مطلوب نعمل ايه يعنى؟؟ تانى ...قلتم أدونا فرصة نعمل مظاهرتنا ووقفتنا أتفضلوا.....قالوا مسيرة قلنا ومالوا الناس نزلت وأكلوا البومبونو وأخدوا الوردة من الضابط ده وأدوها للضابط ده ..وعيشونا فيلم: بحبك يا حسين..ومالو ...كفاية بقة انزلوا بقة خلصونا





أشوف سيادة أركان النظام الأول: الفريق أسامة سرايا حاطط بالبونت العريض : لكل فاسد يوم...ومالو إن الله تواب رحيم..والرجل تاب

وأناب إلى الشباب



ومالو خلو الراجل ياخد الدور فى بطولة فيلم: النسيان والحق غير وشك...فى مهرجان النفاق الأعظم

..ومالو



أشوف مبادرات: الواد العميل أبو حظاظة خضرا وكأن نص شباب مصر مش لابس حظاظات ومش عايزة أقول حاجة تانية..عادى..(وكأن اللون الأخضر مش لون البيئة للى ميعرفيش) وأبو علامة تي شيرت أسد منور (وكأن محدش بيشترى ماركات) ...لكن اكتر حاجة بقة سمعتها وإن دلت فتدل على حاجة أكتر من الغباء: وكدليل على انه عميل وماسونى وعيل أجندة أنه اسمه وائل غنيم ..وإن غنيم ده مش اسمه التانى وده نسبة إلى وجدى غنيم...الله الله

وكأن شعب مصر ملايين منه منزلتش فى الشارع



وكأن مفيش أدمن غيره على الصفحة



وأشوف مباردات: أحبك ياريس ..وحشتنا يا ريس...ومبادرة ليه تامر يضرب ده رمز مصر...وماله خلى الشعب يعيش عادى



ألاقى ناس زعلانة على مصالحها ومالو..ألاقى ناس متخوفة من فزاعات الدولة الدينية والفوضى ...والإقتصاد..ومالو ومالو ومالو ومالو



وأشوف قرارات زي زيادة: أبناء العاملين إلى 20% وتعينهم..كنوع من أنواع المصالحة مع الشعب وكأننا مزلناش مظاهرات ضد التوريث ..وعادى قشطة



المظاهرات والأحتجاجات الفئوية ومالو...الناس معذزورة..مأفورنها حبتين ومالو



ألاقو حملات: الأخت محجبة ولا لأ...وفيديو الحصان الأخضر الرابع ..ومالو ومالو



ألاقى الناس فى ليبيا بتتفرمت زى الفراخ والمعونات مش بتدخل لهم لسبب أو أخر..وملقيش طيارة تروح تاخد المصريين من هناك..برده كتير عليا



وكلو بقى أجندات فى أجندات





ألاقى ناس تقولى الريس مش يصح يمشى بالشكل ده وخلوه يكمل والخ الخ الخ...لكن الاقى بعد ما يمشى وخلاص بقة عايزين نشتغل ونشوف حياتنا: ناس زعلانة بجد وبتنادى إنه يرجع وتقول فين أيامك ياريس..كدة يبقة كتير أوقى بقة


يعنى بعد ما شفتم بعنيكم الأخبار وبعد ما المجلس الأعلى للقوات المسلحة نفسه قال: إن كان فى محاولات مسح البيانات الرئيسية من البنوك الرئيسية ..وطبعاً الأسباب معروفة ليه


وألاقى بشر تيجى تقولى: فعلاً خسرنا الأمان بتهوور شعب متسرع فى اتخاذ قرارته وخسرناك يا ريس...وفى ناس زعلانة بجد


لأ كدة بجد فى حاجة غلط...يعنى بدل ما نشوف حالنا بقة ونبدأ نشوف أشغالنا..






يخرب بيت كدة...اتهدوا بقة بطلوا استفزاز فينا بقة