الطيب أحسن

دايماً كنت بقولها لنفسى إنتى خليكى فى حالك والطيب أحسن

مفيش حاجة فى البلد فكك ولا حابة تغير يبقة اتغيرى إنتى الأول والطيب أحسن

ملكيش دعوة وانتى مالك...مش محتاجة من الدنيا ومفيش حاجة نقصانى وانا بين أصحابى وأهلى وبعمل حاجة انا بحبها

ده بينفخ وده بيعبط مافى مشكلة ..خليكي الطيب احسن.ولو حاجة حصلت زعقيلك شوية نفسي الشحنة وحلصى والطيب أحسن

وطول عمرى وفوق الـ30 سنة بتربى على كلمة يا بخت من بات مظلوم ولا بات ظالم والطيب أحسن

اللى عايز حاجة هيعملها بس يشتغل على حاله ويضبط المسائل والنتوريكينج مهم واوعى تفتكرى انه نفاق انتى مش هتنافقى خليكي بس فى حالك والطيب أحسن

وأوعى تفتكرى إن دى سلبية مقننة أو جبن أو سكوت عن الحق..إنتى بس اشتغلى على الحاجات اللي تفهمى فيها واللي متفهميش خليه لناسه ..ومن تدخل فيما لا يعنيه رأى وسمع ما لايرضيه والطيب أحسن

ويا ستى ولو الناس كلها بتشتكى يبقة الناس كلها محتاجة تتغير فكل واحد منا يبدأ بنفسه وهنتغير والطيب أحسن

عاجبك العمل الأهلى اشتغلى فى حالك وابعدى عن الخطوط الحمرا واللى غيرها والطيب أحسن

بلاش دى وبلاش ده...فكك من ده وده والطيب احسن

وثبتى الأسس الراسخة من الأخلاق علشان تكبر العواميد وتبقة منارات بقدرة قادر...والطيب أحسن

وبقيت طيبة علشان ابقة أحسن..لكن لقتنى لسه خايفة والكل خايف ومن أسوأ لأسوأ ومجتمعى أسوأ لأسوأ...وكله بينافق واللي يقول غير اللى على هوا السلطة مجنون واخرق ونقرا الفاتحة.....والكل بيتفنن فى وضع المحاظير من باب من زاد وفى...ةكلْ بيرمى بدلوه إزاى نقدر نخنق أكتر لأنها أكيد هتفرج عليا كل ما خنق أنا...والشغل كدة إزاى اللي بايده يخنق بحاجة على التانى يخنق بيها علشان يظهر انه إزاى متفانى فى خدمة رب العمل أو المدير...وحتى بيوتنا بقت كدة...والكل بيجرى فى سباق الحياة المسعور إننا نجيب فلوس نعمى بها العيون...ومبقيناش نربي عيالنا علشان عارفين إنها ملهاش لازمة ...وكبرنا وسط الناس واحنا بنربي بعض ...اعمالاً بمبدأ اللي مربهوش أهله هتربيه الناس,,,واقول طيب لكل حاجة لأنه الطيب أحسن

فياريس ارحمنا بقة خلاص كفاية كدة ...قعدنا نقول هنرمم هنرمم لغاية لما هرمنا

إنت شخت وشاخت معاك إرادتنا ...وشاخت معاها أحلامنا ومفيش امل وخلاص مينفعش تقويم ولا بقت عمليات تجميل ولا صبغة ولا حتى فوتو شوب نافع ,,,نحسن الصورة بيه شوية

يا ريس مش حاجة لشخصك لكننا محتاجين نشوف خلق جديدة تجدد معاها خلق الناس وأخلاقهم

خلاص الناس جابت أخرها من كل حاجة وحتى الأمل فى التغير أتوئد قبل ما يتولد

حركة التغيير الوحيدة اللي شايفاها فى مجتمعنا: هى للخلف در
!!!!!!

النفاق زاد من كتر ما حاولنا نستر عيوبنا ونجيب أغطية نغطى نفسنا بيها فلابسنا العمم والخيم والطرح وقلنا الطيب أحسن وبرده مفيش فايدة

مازلنا عرايا ومش مستورين وكل من هب ودب بيتحرش بينا من جميعه بدئاً من التحرش الجسدى والفكرى والنفسى وحتى البصرى والسمعى

فخلاص معليش خليها عليك المرة دى إنت بقة..وخلى الطيب أحسن وخليها تيجى منك إنت

ويا سيدى يا بخت من بات مظلوم ولا بات ظالم ..ده الطيب أحسن

حب عادى

مسك إيديها وخطف قبلة سريعة وابتسم ببطء ورفع عينيه وهو بيتأملها ...وهو بيتفرج عليها وهى بدوب بين إيديه ...وبيشوف نفسه بيعيش اللحظة وبيسبل ...وقعد شوية يتأمل ملامحها ...مش حلوة خااالص ومش عاجباه ..بس مش عارف فيها حاجة إيه هى...نفسه يعرف

وأتامل قالها تعرفى إن فى بنات كتير حلوة بس من غير طعم...وعض شفافيفه إخس هو أنا قلتها بصوت عالى ..ولا لسه فى مقولتهاش...وبسرعة ضرب بطرف عينه ملامحها وهى غرقانة من الكسوف...يا نهار أبيض دى شكلها مسمعتيش أساساً...وأبتسم أوى من سذاجتها ..واللي احتار هى سذاجة ولا برراءة ولا حاجة تالتة أو رابعة ..مثلاً بلاهة أو غباوة

وسرح فى كل أوبشن وانعكاساته على العيال..وقالها تعرفى أنا مش عايز أخلف
!!!!

أوبسس دى أكيد قالها....وأكيد هى سمعتها

بصلهاا وسكت رد فعلها...ولكنها فضلت ساكتة تتأمله ولقاها بتبتسم هى كمان..ومفهمش يا ترى ده غباء ولا هى كمان بتفكر وبتسأل نفس أسئلته بس عليه....أوبااااا....لا ....لا..لا يمكن

أوعى فكرك يروح لبعيد أنا راجل وصحيح أوى أوى كمان...بس أقولها إزاى دى مش عايز منك عيال أصل الصراحة مش بينلك شهادة ضمان
!!

بصى شايفة الأتنين اللي هناك دول ..تفتكرى كام سنة..12 ولا 14 ششكلهم ميزيدش عن 15 سنة...تربية الأولاد أصعب حاجة ..مش كدة...فكرة المسئولية والإنجاب مرعبة


وانتظر ردها لكن فوجئ بيها مش ممانعة وبتسمعه...واستغرب...لأ دى غبية غبية بجد...ولا بتلعب بذكائى...أعرفها إزاى دي.......مممم

اتكلمى ..فهمينى أنا ليه قاعد هنا معاكى وبعمل ايه....مترن يا تليفون الغبرة...خلاص مفيش حد عايز يقولى حاجة...حتى نداء الطبيعة رافض يندهنى ...وابتسم ابتسم جداً لما اكتشف إنه مش قادر يقوم حتى


وبصلته قلتله تحب نقوم؟

ايه ده يا خوفى يا بدران ...أتاملها متخلينا شوية حابب نقعد

وأتأملها وهى بتتكسف وبتدخل جوه نفسها فى حركات لولوبية متكورة والمفروض يفهم منها إنها مكسوفة وبتتقل ..وهى بتوشوش نفسها كأنه حاطط ودنه فى بقها مثلاً: لا خلينا نمشي أحسن نتأخر
!!!

قالها أوكى زي ما تحبي..متر متر من فضلك

وابتسم وهو بياخد نفس عميق يااااه خلصنا القعدة ...وشافها وهى بتبتسم وبدوب فى مكانها...وأخدها من ايديها وهو حاسس براحة بس مش أوى..مش مبسوط ولا مضايق ...بس عادى...بس الأكيد انه هيروح البيت وأكيد هى كمان ..وأهو يوم عادى فى مشوار حبه العادى فى حياته العادية جداً...التى تاهت فى زحمة الدنيا ...وعادى يعنى

Alex Rough Waters -Action Movie - أنواء قاسم السكندرية

بعد أعمال التجديد والتحديث بكورنيش الإسكندرية الأسمنتى ..خلاص البحر قال كلمته واعرب عنها بالصوت الحيانى فى أنواء قاسم للسنة دى

!!!


ارحمونا من الكورنيش الأبسمنتى والأرصفة العالية اللي هتدخل موسوعة جينز فى تكسير أربطة الركب الخشنة لكبار السن وغير كبار السن


واللي غالباً البحر مش هيكسر بخاطر محافظ محافظتنا وهيدخله موسوعة جينز فى اول رئيس بلدية يصمم مجارى طافية لسباحة الغوص العميق فى البحث عن رصيف ...بدل الرصفان اللي غرقت تحت الماية واتفتت


اتفرج على:

Alex in Rain -Rough Waters action .mp4
Part 1: http://www.youtube.com/watch?v=0E-5sJO3SnY

Part 2: when we stacked over there
http://www.youtube.com/watch?v=bsG0elIV_TY


فين أيام لما كنت صغيرة شوية كدة وكانت شوارعنا الأسفلت فيها مش كله أسفلت كدة كانت مربعات ..وكانت كل الأرصفة بلا استثناء صغيرة وعلى طولها فى مزاريب بتاخد الماية لفتحات بعيدة مش زى البلوعات اللي فى نص الطريق تاخدك وتاخد عربيتك بالهدر المتين..أظننا محتاجين نعيد نظر ونرجع اسكندرية القديمة ببيوتها اللي كان فيها تدفئة مركزية بالغاز والأسانسيرات المفتوحة الى عمرها ما كانت ما بتتعطل وإذا عطل أى واحد منها كانت عندك العجلة المانيول تلف البكرة بايدك...ومش محتاجة أفكر قد ايه كانت بتنفع خاصة مع ناس اللى بتعانى من فوبيا الأماكان المغلقة...وكانت اكيد مفيهاش حالات تثبيت


أفتكر أول من قدم لى الفكرة: عبدالله صُبيح ،عند تنظيمه لأحد الندوات فى "نادى الفى أو إيه" كرئيس لأحد اللجان تمهيداً وتعريف بنتائج أحد المؤتمرات المعنية بالمياه فى أواخر التسعينات عن المياه والسكان، وةلذى تم عقده فى القاهرة وقتها، ومن بعدها بدأت الأخبار ومتابعتها وأفتكر إن المرحوم/ عادل أبو زهرة -عميد العمل التطوعى البيئى فى مصر من وجهة نظرى- الله يرحمه- قد حدثنا ونحن صغار كثيراً ونادى بفكرة إعادة ترسيم الاسكندرية وكان من أشد المعارضين لفكرة إعادة ترسيم وتوسيع الكورنيش ورفع دعاوى قضائية ضد المحافظة فى التسعينات ضد تلك مقترحات المشاريع من اعادة الترسيم وضد مشروع سان استيفانو ...واللي كسب بعضها بالفعل مما دفع القائمين على مشروع سا ستيفانو باعادة بعض التصميمات وخاصة بتلك المتعلقة بالمارينا واكافيهات الشاطئ واللي تم انشاؤها بعد وفاته وتقاعس العاملين بالبيئة من بعده أو بالأحرى غياب من يشغل مكانته ..واللى غرق بالفعل بعضها فى أخر أنواء اجتاحات اسكندرية -مثال ما حدث فى "لاتينو"

http://www.facebook.com/album.php?aid=311610&id=594902149&fbid=10150103426932150

وغيره نادوا بفكرة غرق الدلتا لكن المسئولين فى مصر كانوا دايماً بينفوا ده على أساس إن الفكرة مجرد اشاعات ضد مصر وابتزاز جهات أجنبية


وحسب بعض المصادر بتصرح بخصوص فكرة غرق الدلتا: نفى العديد من العلماء والمتخصصين في معهد بحوث الشواطئ بالإسكندرية وقسم علوم البحار بكلية العلوم جامعة الإسكندرية والمعهد القومي لعلوم البحار والمصايد مسألة غرق الدلتا وأشاروا إلى عدد من النقاط الهامة أهمها:- اعتمدت الدراسات التي أشارت إلي غرق الدلتا علي مجرد رؤية مستقبلية نظرية وعامة عن ارتفاع درجة الحرارة وذوبان الجليد وارتفاع مستوي سطح البحر دون الوضع في الاعتبار العوامل المميزة للدلتا والسواحل المصرية واحتوائها علي حواجز طبيعية مثل الكثبان الرملية والظلال وأعمال الحماية الصناعية.


- أن القياسات التي أخذها أكثر من جهاز بحري مثبت بموانئ الإسكندرية وبورسعيد والبرلس والتي تقيس منسوب البحر علي مدار اليوم منذ عشرات السنين - أوضحت أن متوسط ارتفاع سطح البحر يبلغ 2 مليمتر سنوياً أمام سواحل الإسكندرية والدلتا وأنه لن يتعدي 20 سم بحلول القرن القادم
http://www.aldiwan.org/articles-action-show-id-67.htm


أكد الدكتور محمد عيسى، رئيس الإدارة المركزية لهيئة الأرصاد الجوية، أن الدلتا لن تغرق بسبب ارتفاع سطح البحر، قائلا إن ما تنشره الصحافة بخصوص هذا الموضوع ليس موضع ثقة أو يقين، لأن هناك بعض الجهات التى تمول الترويج لبعض الأفكار، من بينها التسخين العالمى وارتفاع مستوى سطح البحر.

------

على فكرة للى ميعرفيش الأنواء اللي شغالة دلوقتى هى أنواء القاسم..والحقيقة أثبتت إنها قاسم بجد لأنها قسمت اسكنرية وأرصفتها والعواميد...الخ

Ethics not exclusive

Ethics are not exclusive to anyone who ever is despite of his color, religion, ethnic group....etc is..

there are many religious people over there, who are not really religious....

lately i got stuck with the stairs, cannot reach the heaven where the "Crème de la Crème" blessed with sun rays .....nor cant fly to the bottom where i enjoy the darkness red!!

and this applied to everyone and each of the many groups i have met all over through in my life...
(WHAT EVER THEIR VALLUES ARE..)

I stuck with me..I am not them..nor those

what i valued most in my life...is my family..I have a very unique family: i looks like my dad while some of my sisters and brothers are not ...i've three sisters each one of us has a totally different personality and features, and so my brothers :)

for examples: one has brown honey-colored eye, one has hazel-colored while the third has pure green-colored eye,

one loves to dance, one loves to film , and the third loves to sing......each one has her own way in talking and socializing with others

my dad taught us being different doesnot mean being wrong...my mom used to love her rainbow and praising such colorful boat...

each one has a totally different colorful world...under the same sky...

one of the main challenges i used to face is introducing my brothers and sisters ..and how we are all totally look different with different tracks in life but one way......

and i do remember how i used to be mad of such silly wonders about "how come we can all manage to live in one home ..and how dad and mum manage all this paradox!!!"..and my answer was hay you...come on...you forgot that we are brothers and sisters!!!

as i see my small world with different colors form wonderful rainbow...

as well as i see the big world with all the different colors could form a wonderful rainbow..

many people who i have met claim that they ride "the first class victoria" ..where only the sun raises there over their heads only!!!

surely they may have the wonderful sight but guess what not the whole story for sure...

I do believe that Values as Ethics, Dreams,Faith, Good by all its aspects and means are not Exclusive

so Plz take off the exclusive sign....

التطوع فى بلادنا

شباب مسؤولية الشعوب ممثلة بأصحاب القرار فيها نحو استيعاب واستثمار هذه الشريحة من مجتمعاتنا، والتي تمثل نحو 65% من إجمالي السكان؛ مما لاشك فيه أنها قوة كامنة وطاقات خلاقة يلزم العناية بها وتسهيل الصعاب أمامها لكسبها لصالح المجتمعات وتنميتها

علماء الإقتصاد يضعون معيار تقدم الأمم ومعرفة مستقبلها من خلال استثمارها للإنسان وخاصة الشباب فهم الثروة الحقيقة وليس أرصدة البنوك ..


إذا أردنا أن نعرف مستقبل أمة فعلينا أن نعرف ما موقع شبابها منها ما الذي يشغل بالهم، وما هي اهتماماتهم و أهدافهم، وتلبية وفهم كل ما يتعلق بأمور حياتهم اليومية. فالأمم المتقدمة هى تلك الأمم التى تنجح فى استثمار كافة طاقتها، بما فيها ثروتها البشرية خاصة عقول الشباب وسواعدهم، ولعل أحد أهم مظاهر استثمار طاقات الشباب هو العمل التطوعي والتنموي.



تتجسد فى العمل التطوعي أسمى معانى المشاركة والتواصل بين الإنسان وأخيه الإنسان.



إذ أصبح العمل التطوعي ركيزة أساسية في بناء المجتمع ونشر التماسك الإجتماعي بين المواطنين لأي مجتمع، والعمل التطوعي ممارسة إنسانية ارتبطت ارتباطاً وثيقاً بكل معاني الخير والعمل الصالح عند كل المجموعات البشرية منذ الأزل (ولعل هذا ما يفسر اقترانه وأحياناً تقليصه فى مفاهيم الحج والعمرة والخدمة الكنسية) ولكنه يختلف في حجمه وشكله واتجاهاته ودوافعه من مجتمع إلى آخر، ومن فترة زمنية إلى أخرى، فمن حيث الحجم يقل في فترات الاستقرار والهدوء، ويزيد في أوقات الكوارث والنكبات والحروب، ومن حيث الشكل فقد يكون جهداً يدوياً وعضلياً أو مهنياً أو تبرعاً بالمال أو غير ذلك، ومن حيث الاتجاه فقد يكون تلقائياً أو موجهاً من قبل الدولة في أنشطة اجتماعية أو تعليمية أو تنموية، ومن حيث دوافعه فقد تكون دوافع نفسية أو اجتماعية أو سياسية أو حتى اقتصادية.





التطوع كعمل خيري هو وسيلة لراحة النفس والشعور بالاعتزاز والثقة بالنفس عند من يتطوع؛ لأنه فعالية تقوي عند الأفراد الرغبة بالحياة والثقة بالمستقبل حتى أنه يمكن استخدام العمل التطوعي لمعالجة الأفراد المصابين بالاكتئاب والضيق النفسي والملل؛ ليشعر الفرد بأهميته ودورهم في تقدم المجتمع الذي يعيش فيه؛ مما يعطيه الأمل بحياة جديدة أسعد حالاً..



ويمكن التمييز بين شكلين أساسيين من أشكال العمل التطوعي:

1- العمل التطوعي الفردي

2- العمل التطوعي المؤسسي:



في المجتمع مؤسسات كثيرة يحتل فيها العمل التطوعي أهمية كبيرة وتسهم(جمعيات ومؤسسات أهلية وحكومية) في تطوير المجتمع .

وجدير بالإعتبار، أن النشاطات التطوعية تجذب كلأً من المرأة والشباب على وجه الخصوص



ولكن الخطير هو أن يتم منع تلك الفئتان من المشاركة, وهو ما يحدث الآن فى مجتمعنا العربى، من خلال تحجيم فكر المجتمع المدنى وشل ذات يمينه خوفاً من تطور تلك المشاركة التطوعية إلى مشاركة واعية للحقوق المواطن...ومن ثم مطالبات بتلك الحقوق..إلى أن تتطور إلى مشاركة ومطالبات سياسية ومطالب حوكمة رشيدة.



وأول خطوات تضييق الخناق تتمثل فى عدة نقاط متلازمة، تتمثل فى:



1- إلباس وقصر العمل التطوعى على المفهوم الدينى المتمثل فى شنطة الخير والخدمة الكنسية والأيتام ودور رعايا المسنين والتبرع بالدم ..وما شابه.



2- التعليم والبحث العلمى: وقد يبدو للوهلة الأولى عدم ارتباط هذا بذاك، ولكن حتى يتسنى خلق جيل جديد من الشباب الواعى يجب توافر مقومات التفكير السليم له، ذلك التفكير الذى يفتح آفاق تواكب معطيات عصر جديد.

والبحث العلمى: فى ابتكار وسائل وطرق ..وبل من يتبنى مشاريع البحوث ليعبر بها حصن الأدراج الموصدة.

3- الشفافية والرقابة والمصداقية: كثير من المبادرات والمؤسسات التنموية ومنظمات المجتمع أصابها ماأصاب المجتمع من فساد مؤسسى وفساد أفراد..وكثير من نضالها أصبح من قبيل صراع المصالح الفردية والشللية لا صراع من أجل التنمية الحقيقية.

والقليل منا من ينأى بنفسه ويترفع عن مثل تلك السخافات.


4- التكفير: وقصر تيجان الحكمة على أصحاب الصولاجان: ابتلى المجتمع المدنى بآفات أصحاب العقول والرؤى من أعيان مجالس الحكماء والفن الغارق فى تكتلات النور الفجة، من هؤلاء الذين ينظرون بنظرة دونية لكل من لا يلبس عبائتهم أو يرفع شعارهم، وأصبح شعار المجتمع المدنى: أنت معنا أم ضدنا؟...أو شعار: لعنة الله على الكافرين وكل من يكفر بصراطنا المستقيم.....
فالجميع هو صاحب الصراط المستقيم...ودونه ينتمى للطبقة الدونية المغيبة ..من العامة الغوغاء والسفهاء.

ونحن فقط القادرين على نشل المهمشين والغافلين من بؤرة بؤسهم..نحن من يملك مفتاح السعادة فى جنة الخلد.


5- العشوائية والإرتجالية والصحوبية يا معلم: الكثير من المبادرات قوامها علاقات فردية بدون رؤية واضحة ومستدامة، هوجة وهتجيب عاليها واطيها، وانسي يا صاحبى على أول مفترق طريق.


6- أنا لقمان الحكيم سأبنى يوتبيا: وأخيراً وليس آخراً، ابتلى منا من يخدع نفسه بأنه غير الجميع، وأنه من سيبنى يوتبيا، فهو المنقذ المنتظر الذى سيغير الجميع، وما يلبث صباح فجر حتى يصير أول المتغيبين والمتغيرين، أو يعيش فى غيبوبة الحلم الكبير غير مدرك للواقع الفعلى من حوله.

فمن منا تطوع...ومن منا تعلم...ومن منا علم؟


يا أمة تنعق بأنها أمة "اقرأ" وما رأيت فى طرقاتها أسطر مكتوبة غير "أترضاها لأختك؟" أو "نؤيد ونبايع" أو "محلات الأكل والملابس" أو "هنا الحضارة وأهل الكرم والرفعة" وتتلفت حولك ما تجد غير تلال الزبالة والوجوه المعدمة



freedom....

freedom of mind is not freedom of thinking but freedom to implement our thoughts ...and challenge the logic limits even those of ours :$

أفتكر لما كان وكان: حلم أكبر من الخيال..حلم موته من المحال

كانت الأيد فى الأيد...والحلم واحد ...لكن الرؤية مختلفة وكلنا بنشق الطريق لكن كله راكب طريقته ووسيلته

للأسف النهاردة جالى ايميل على قد ما فرحت وفكرنى بحاجات على قد ما بكيت ..بكيت بحرقة أوى...افتكرت بكاى من 3 أشهر مضت فى دموع هربت وعصت التماسك فى السويد..ما رحمتيش رجلى اللي واقفة على أرض غريبة

أفتكرت حلم عشته وعاشنى...وافتكرت إنه كان نهاية دورى فيه هى السنة دى

وأفتكرت إنه بعد أسبوعين بالضبط من دلوقتى ويوم 15 اكتوبر كان مكتوب فى أجندتى اللي عملتها بايدى ..واللي جمعت ورقها مخصوص علشان مككنتش لاقية وقتها نتيجة أو اجندة ل10/10/2010 إنه يوم احتفالي باعتزال العمل الأهلى الشبابى لبلوغى سن ال30 ...فى الوقت ده كام سنة وبالصدفة من 12 سنة كان أول اجتماع أحضره بمناسبة أول اعداد لحملة بيئية لأحضرها للحفاظ على البيئة والعمل على مشروع قانون ينادى به نشاط شباب للحفاظ على البيئة بعد فاعليات مؤتمر عن المياه كان قبله بشوية كتييير

وبالصدفة فى نفس الوقت بعدها بسنتين كنا بنحضر بمناسبة تأسيس مشروع مبادرة عايزن نعملها جمعية أيام ما كنت لسه عضوة فى نادى إذاعة صوت امريكا من بعض اعضاء المركز الثقافى واللي اتصادف إنهم كانوا زملاء مشروع أصوات شبابية فى منحة الأميديست وكان بيهدف لحاجة اسمها: مشروع التكوين المعرفة الفكرى لأجيالنا الجاية...حاجة كدة

وبالصدفة برده بعدها بسنتين فى نفس الوقت كنا بنعمل بعد تأسيس رابطة للشباب كان الناس مصريين إنها مبادرة نعم..وكنا بنجرى زى النهاردة فى أروقة مكتبة الإسكندرية استعداداً لإحتفال بافتتاحها ..وبنعمل تعبئة شنط مشاركين وقوائم متطوعيين..وحاجات من كدة نسيتها وبفتقدها من سنين دلوقتى

وبالصدفة وبرده بعدها بسنتين وبالصدفة استلم من الشركة اللي كنت بشتغل فيها شهادة عن إكمالى دورة تدريبيبة عن جودة إدارة الأعمال وحاجة تانية اسمها سيجما 6

وبالصدفة وبعدها بسنتين وفى نفس الوقت كنت براجع مسودة دراسة كانت قدمها قدم السعد عليا واللى كانت اطبعت فى كتاب..واللي شفت اسمى ولأول مرة فى كتاب مشاركة فيه مطبوع بره مصر

وبالصدفة تانى وفى نفس الوقت بعدها بسنتين كنت بحضر اجتماع لفظ النفاس الأخيرة لحلمى رسمياً

ومخاض طفل ميت لحمل دام 9 سنوات ...كان فيهم وجوه كتير..وذكريات أكتر

كنت بقول بسن الثلاين هقف مع فلان وفلان ..وأقولهم فاكرينى أول مرة شفتونى كنت إيه ورحت فين..ودلوقتى رايحة فين

كنت كاتبة إنى هقول لحد خلى بالك: إأنا مكنتش أعرف إنى همشي الطريق ده ولا كنت عارفة سكتى ..أنا كنت ماشية مع أخويا وصاحابى اللي كبرت معاهم...وكنت عايزه أحتفل معاهم وأقلهم شكراً بجد على كل لحظة ..لأنى كنت محظوظة بإنهم سمحولى أبقة معاهم.وأعيش تجربتهم وأتعلم..وكمان مش بس أتعلم منهم..وأتكلم وأفهم الكلام اللي كان بيقلو ناس عجيبة بتطلع علينا بعناوين وأخبار وشعارات منعرفش منها إلا التترات...كلام ملموس ..كلام ينفع يجي منه.

واللي بدين لهم بفضل كبير..وأحياناً كتير بشكرهم ..واحياناً أكتر بقول منكم لله لأنكم خلتونى أحلم إنه ممكن

ومش أى حلم...

...لأ وبحلم حلمهم

حلم أكبر من الخيال..حلم موته من المحال

كونتينير حياتى

دخل راسه أكتر وأكتر فى الشاشة اللي قدامه..وبيحاول يعلى الإم بي ثرى على اقد ما يقدر..وقال إيه مش مركز مع مدام/نجوى ..والهبلة التانية اللي اسمها مدام/ سلوى..ما جمع إلا ما وفق نجوى وسلوى فى مكتب واحد وأنا ديك البرابر...الله يسامحك يا قبطان

النهاردة الخميس يا سوسو...ههههه...ضحكتها نجوى بميوعة معبية بريحة باكبورت السجاير اللى حولها لرجل أقرب منها لإمرأة .ورامية نظرة على عادل ..وقال ايه بتكلم العقربة التانية سلوى

والتانية مصدقت ترد وتقوم تعدل الأوراق قال ايه الهوا طيرها ..ومصمصة شفايفها: هو الإيه سي ده بقة مش هيتصلح بقة يا مدام/ نجوى ...الله....أوبس سورى يا بشمهندز

بص عادل من تحت نضارته الرفيعة وبيفكر جدى وبعمقا..الله يحرقكم إنتم الجوز...ده أنا مش طايقكم ساعتين على بعض عمي مين اللى اتهببوا واتجوزوكم ...وقال ايه اللى فاكرة نفسها حماة المستقبل لى عايزة تجوزنى بنتها...يك خى
دى كرهتنى فى طفولتى لأنى افتكرت إنى كنت بتفرج على برنامج ماما نجوى!!!! دى ضيعت مش بس معالم الأسم ...دى ضيعت كل الستات من قدامى ...يامصبر الوحش ..ما علينا خلينا نشرب الشاى

حتى الشاى طعمه ماسخ زى الأيام الهباب ..يتوب علينا من البلد ..أنا عارف ليه مفيش سفرية راضية تضبط ..وكندا تانى مرة أترفض...هووووووف

لسه بيضرب لعاطف يجيب نسكافيه...الموبايل رن..لا مش ممكن..مييين ..إزيك يا معلم فينك؟ يا راااجل ومصطفى كمان....لا لالا لازم أجى ..الساعة كام ع التجارية تمام...بتقول ايه مش سامع
-قالها وهوبيطنطط أخيراً حجة هقوم من المخروبة دى وأشرب الشاي عند الواد عاطف- بتقول ايه يا ابنى...أنا عندى شبكة مش عارف الموبايل ماله...استنى استنى...أيــوة كدة فل...قلتلى هتروحو فين؟؟؟ التجارية قشطة أوى...هتقابلو حسين فين؟ عند الشيخ على الساعة كام؟؟؟ لالالا معاك طبعاً أنا هطق من الزهق...بقولك الواد طارق حفل توقيع الكتاب بتاعه "زقاق الفيس بوك" النهاردة فى ديوان العواطلية ..تيجي؟؟

خلاص يلا بينا ..هقابلك هناك 9ونص ...سلام يا معلم

يااااااه ...عاطف إيه الحلاوة دى...عندك إيه بيتاكل؟؟ ضبطلى الشاى التمام يا طيفة ...يلا

وفجاة التليفون رن...الحقنى يا بشمهندز الكونتينر اتسرق...مييين ايه يخرب بيت أهلك...أنا جى خليك عندك...وجرى عادل على القبطان يبلغه بالمصيبة دى...والشركة اتقلبت طبعاً

وهناك لقاها واقفة بتشرب سيجارة على المركب..مين دى وبتعمل إيه؟؟؟
دي الست داليا

داليا مين...صاحبة الكونتينير يا بشمهندز...بس إيه زى ما انت شايف حاجة 10/10 من كلو خريجة الجامعة الأمريكية كمان....أهلاً...أهلاً...ناقصة هبل وغباء...هو أنا زغتطنى من بطنها وهى بتقول انزل الهى يبليك بطوبة معطوبة متمثلة فى أنثى فى كل خرابة....يارب ...ليه بتسلط عليا الحريم الغبية ..ليه ليه..أنا عملت ايه فى مين

بصلها وابتسم ..وهز راسه بالتحية...مساء الخير يا فندم...انا عادل من شركة "انسبكيشن فور يور جود" وحضرتك حسب ما عرفت من شركة أونلى سكاى آند إيرث ليمتيد..مش كدة؟؟

أهلاً..أهلاً

بصلها.وهوبيمسك الموبايل اللي بيرن ..بعد إذنك الموبايل

آنسة/ داليا أنا آسف لازم أمشي علشان أعمل المحضر

هى بترقب : محضر إيه؟؟

لا لا متخفيش محضرنا إحنا..ما إحنا لازم نكتب تقريرنا إحنا كمان..وابتسم بوداعة وبهدوء..وبفرحة أنه هيخلع وبشياكة

من فضلك يا بشمهندز.....

ممم...أهلاً ..انفخينى وقولى أجى معاك...بصلها وهو بيبتسم..وبيقول: أفندم يا آنسة/ داليا حضرتك تأمرى بحاجة؟

حضرتك عندك فيس بوك؟

بصلها نعم يا اختى..جينا لهبل البنات...يلا ضيفنى من فضلك وانفخينى بآب ديتيس : انا المراة الحديدية وبالسيجارة اللي خنقتينى بيها..يلا

قالها: ايوة..وابتسم ومستنى

قالتله تعرف: محمود حنفى...أيوة طبعاً أعرفه معانا من فرع السويس..حضرتك تعرفيه؟

لأ للأسف يا بشمهندز..بس أصله كتب حاجة غريبة على الوال بتاكم على الفيس بوك

حضرتك بتقولى الوال بتاع جروب شركتنا تقصدى؟؟

جوبته بأيوة ...استغرب...خير كتب إيه؟؟

أبداً بعت رسالة باللى حصل...وبعت لينك بالخبر..أظنه صعب إننا إحنا كمان نساعد فى النشر الخبر فى حين إنه التقرير لسه متكتبيش..ولا حضرتك شايف إيه؟

استغرب جداً ثقتها والهدوء,,,وكأنها بتتكلم على حاجة متهمهاش خالص..تعابير وشها بريئة وهادية والنضارة الشمس مش مبينة عينيها وبايدها بترفع شعرها من على وشها ...وبتنفض السيجارة ناحية الماية

بصلها وسكت

لما لقيته سكت..ابتسمته فى هدوء..شكراً على تفهمك يا بشمهندز...أنا مش هعطلك أكتر من كدة عن تقريرك...وأظنه أنا كمان محتاجة أرتب أوراقى وتقريرى ..بس اخلص السيجارة وهدخل علشان المكتب بس..وشورت بايدها علامة توحى علشان الدخان والريحة


وقف شوية وهو مش عارف يقول ايه..طيب اوكى..حضرتك متأكدة إنه أوكى..ممكن أستنى حضرتك لو تحبى؟

لا ميرسي...شكراً لذوقك


وأخيراً الساعة 10 وربع ...هروح...يا خبر ..العيال نسيتهم

ألو أنا آسف..بجد آسف...جتلى مشكلة فى الشغل ولسه هخرج من المينا حالاص...انتم فين؟ طيب انا جيلكم

وعلى باب الشيخ على...لقاها واقفة..أهلاً ...أهلاً...هو إنتى منهم ميبينش عليكى خااالص

إزى حضرتك يا آنسة داليا أرجو إنك تكونى بخير بعد اليوم الطويل ده...حضرتك بتعملى ايه هنا

أنا أبداً مستنية صاحبتى كانت بتجيب فلوس من الماكينة ورايحين الأوبرا..إنت رايح إنت كمان النهاردة "الليلة الكبيرة" بقالهم سنتين معرضوهاش...أظنها هتبقة حلوة..إيه هو النهاردة ممكن لبس سبور؟

بصلها وابتسم لأ...بس كنت رايح اعدى لواحد صاحبى وأجيب كرافت أصلي نسيتها...حضرتك هتكونى قاعدة فين؟

أنا لسه مش عارفة هقعد مع أصحابى..خلاص أوكى أنا أول ما هوصل هبعتلك مسج...سهرة سعيدة

وطلع جرى على النبى دانيال يدور على أول كرافت فين
:))

حبينى بقة

وقف عادل قدام المراية وبيتأمل فى البدلة وممم ويا سلام على الحتة الا روش ,,,ورشة وبيحلم وبيبتسم بثقة أوى لما شاف تأثيرها على داليا ...... لأنه عارف يعنى الفريجرينز بعد الأفتر شيف ...ويا سلام لو كان أكوا كريم بعدها أنسي حاجة إيـــــــــــــه...هدوب البت...والصراحة أنا عايزها تدوب وأدوووووووووووووب بقة

يااااه....آآه...مممم

مفقش إلا على صوت أمه يلا يا عادل: حاضر حاضر..بس إيه ده أنا قلت للحلاق الحيوان يخفف من الجانبين..الغبى ابن الهبلة مقصش عدل باين بوادر الصلعة يا بن الجزمة والشعرتين البيض شكلى ولا فى الأربعين...كبرتنى يا حيوان ...الحمد لله لسه على الأربعين شهرين...يا حيوان ..يا أمى استنى حاضر حاضر...فين الماكينة دى كمان..الله؟ هو يوم باين من أوله انا مش متفائل

بسرعة ضبط عادل المسائل ورشتين كدة بسرعة من اكوا دى روم ..هفتحك يا روما :)

..يلا خلينا نخلص..
والله انا واد جامد..هتلاقى الترابيس دى فين...طول وبعرض ..ومن غير كرش ...أخيراً هتنور البيت نجمة وتكمل حياتى وبنت ناس وكل حاجة مترتبة وجاهز ومخلص

ونزل عادل بيسابق السلالم وبسرعة أكد على محل الورد ,,البوكيه اتبعت ولا إيه..أنا عايز أدخل وألاقى جنينة هناك..منا لازم أضبط المسائل

ماما هى الشيكولاتة لفتها حلوة ولا نجيب حاجة تانية
وتابع كلامه من غير ما ينتظر إجابتها

طيب نتصل ناكد تاني...هى طنط مودها عامل ايه...أنا هكلم داليا تاني..بس مش عارف ليه بتتأخر فى الإجابة..أخر مرة أخوها الغبى رد عليا..متخلف بيرد ع تليفونها ليه..من كتر حبى فيه هكلمه على تليفون أخته..يلا لأجل الورد ينسقى العليق

هه يا ماما مبترديش ليه...أدينا وصلنا..حضرتك إنزلى عقبال ما أركن..ولا أقولك أحسن ننزل سوا وأخلى البواب يركنهالى ماهو عرفنى

السلام عليك أهلاً يا عمى...إزى حضرتك يافندم أتمنى أنه حضرتك فى أحسن حال
أهلاً أهلاً يا طنط ولا أقول حماتى ..بس الله ما شاء تبارك الله

احم ...احم ..السلام عليكم

ابتسم عادل وجلس بوداعة مبسوط وفرحان...وميمنعيش إنه من لحظة للتانية بيلعن الرسميات اللي ملهاش لازمة..هى الناس ليه مبتجبيش من الأخر وتخلص..وليه لازم ندل محشورين فى إزيك وأهلا,,,يلا خلصونا..هى فين دي كمان...مبترديش ليه ع التليفون...طيب أبعتها لها مسج أطلعى يا هانم...خلاص عرفنا انتى قمر..ولا اقولك انا معنديش مشكلة ..ملحقتيش تلبسي قشطة وبيس يلا تعالى حتة نبقة قاعدين على راحتنا..أهو ده عيبه ..الأجانب بينجزوا..معندهمش كتير يلبسوها هى حتة وخلاص...لكنا هنا سبع طبقات وخيمة..ما علينا

أهلاً بحضرتك..أبداً يافندم ..أنا موجود ..على فكرة أعتذر مرة تانية ع التأخير ماما بقة ..حضرتك عارف بقة
وطبعاً مبصش ناحية أمه اللي بتبصله بذهول وعادى جداً

وأخيراً زيست ..جت الهانم..يخرب بيت أهلك..إيه الحلاوة دى..أنتى حلوة أهه بس النهاردة جامدة جامدة يعنى..شكلها هتبقة جوازة عسل إن شاء الله

وبعد الرسميات والبيع والشراء والتفاصيل وكلو كلو..وقت العصير ووقفة البلكونة

أخيراً...أخيراً..ممم

إزيك يا داليا....إيه مكسوفة...أخيراً الحمد لله...بس ايه ده

ايه ساكتة ليه يا بنتى...مش تحبينى بقة...آمال أنا خطبتك ليه
!!!!!!!!

الباب المقفول

اتقابلو على العشا...اتعرفوا على بعض عادى ..ابتسامات مجاملة ..كلمات عادى...الناس قاعدة بتضحك عادى..اللمة حلوة عادى

لكن هو اللى مكنش عادى...شافها وعرفها..مع انه كان أول مرة يقابلها

كانت هى بكلامها..بنظراتها.وبكل ملامحها هى

بس هو ..مكنش هو

تابعها ..ابتسمتله عرف بسمتها

اتكلم معاها ..مش لأنه عايز يتعرف ولكن علشان عايز يتأكد..واتأكد


مشت نداها.ابتسمتله آسفة نسيت أقولك سلام..تصبح ع خير

مشت ونست نفسها فى عتمة الليل

راح وقف على باب أودتها يسمع أحلامها ملقاش نفسه فيها رجع


رجع..وهى بتحضن دمعتها خايفة من الوحدة



وعلى بابه وقف...وافتكر الباب المقفول


وهو لسه مستنياها تفتحله ويجيها

الراجل بيعيط وإحساساه بيوجعه!!

النهاردة فى سابقة لطيفة من نوعها لقيت بواب العمارة وانا طالعة ع السلم لقيته واقف على الباب ويببص ناحية باب سكنه وبيتابع زعيق وخناق اتنين ستات -صوتهم مش عالي أوى بس مسموع (طبعاً مش بواب عمارتنا وإلا لكنت رميته تحت الترام ورمتنى وراه)المهم طلعت وأنا مش فى بالى

لكن أكيد أكيد بعد كدة بقة فى بالي وأنا نازلة...لأنى ببساطة لقيته واقف على الباب بيعيط وبينتحب وبيقول: "يا أبويا" يا أبويا يا انا"...وصوت واحدة من الستات بتقوله "أجعد يا أبا متخافيش جلتلك أقعد"...والراجل بيبص ناحية الباب وكانى مستنى ماما زونبى

ولقيتنى ببص أنا كمان..ولقيت اللي عمرى ما كنت اتخيله
!!!!!!!!!!!!!!!!!!!!!!
v
v
v
v
v
v
v
v
v
v
الراجل خايف يقعد ليضرب من مراته...وبنته بتحوش عنه
!!!!!!!!!!!!!!

أتفرجوا يا بنااات أسمع واحدة تقولى حقى ..ياك حؤ منك ليها

Need a Telescop

I am not a futurologist,,,I am not astrologer... I am not astronomer.... I am not a science fiction author ...nor monopoly-er of any science

but I know the side effects of not to use my mind...so plz keep ur atomic waste away, my mind got enough...al.hamdoelah

you don't need a telescope to think deeper thoughts nor to be modernlized....fanzel mn 3la wedany ..we ela al.ga7eem ya aba laheb ..or let me enjoy mine ;)

نصرانية وأفتخر

فى خبر من الأخبار اللي بتعدي علينا كل يوم ..وتجيبلي السكتة القلبية...والدماغية..وشئ من الشلل الرعاش عينة من مثل هذه الأخبار:

"هيئة شملي حائل تقبض على وافد احتفل بحمل زوجته": واللي الخبر بيتناول فيه -على حسب ما جاء فى الخبر "كوبي وباست": تحولت فرحة مزارع مصري احتفل بنبأ حمل زوجته الذي انتظره 6 أعوام إلى كابوس مخيف بعد احتجازه في مركز شرطة الشملي بحائل لعدة ساعات. وكان أشرف قد دعا نحو 200 من أبناء جاليته لحفل نظمه في إحدى الاستراحات بمدينة الشملي (170 كيلو مترا غرب حائل) قبل أن يتدخل أعضاء مركز هيئة الأمر بالمعروف والنهي عن المنكر لتفريقهم واقتياد أشرف إلى الشرطة.

http://www.alwatan.com.sa/news/newsdetail.asp?issueno=3446&id=139273&groupID=0

المهم بغض النظر عن الخبر صحته من عدمه..استوقفنى الجزء ده:أن التعليل الرسمي للخبر من قبل الهيئة /السلطة السعودية الآتى:

قال الناطق الإعلامي في هيئة الأمر بالمعروف والنهي عن المنكر بحائل مطلق السميحان إن أعضاء هيئة مركز الشملي داهموا إحدى الاستراحات التي شهدت احتفال جالية أجنبية أزعجوا جيرانهم، واستعانت الهيئة برجال الأمن لتفريقهم والقبض على المسؤول والقائم بالحفلة.

كما قال الناطق الإعلامي في هيئة الأمر بالمعروف والنهي عن المنكر بحائل مطلق السميحان إن أعضاء هيئة مركز الشملي داهموا إحدى الاستراحات التي شهدت احتفال جالية أجنبية أزعجوا جيرانهم، واستعانت الهيئة برجال الأمن لتفريقهم والقبض عن المسؤول والقائم بالحفلة. وأضاف السميحان: الجالية جهة غير رسمية ولم يصرح لها بالاحتفال، وقال: الحفلة صاخبة ومزعجة للجيران، وتمت إحالة القضية إلى الجهات المختصة.

يا ربي ...لا بجد ...يا ما شاء الله- خلاص وصل بينا الحال فى بلادنا إنى لما أحتفل وأفرح "أخد أذن من السلطات..ممكن أفرح لو سمجت اصل مراتى حامل"!!

يا لهو بالي...ألطم بإيه..

صحيح بما إنى ذكرت اللطم :

هل يسري الأذن أيضاً فى حفل القرح برده، ولا هنا مش هتبقة مشكلة علشان هشغل قران..ماهو الأتنين صوتهم عالي ومع كل إحترامي

لأ وكمان ايه اللي ينقت فى الخبر -على حسب المواطن المصري المتهور والمتجرأ إنه يقول يلا افرحولى يا أحباب (وكوبي وباست برده)-:

أشرف، الذي يعمل بمهنة مزارع في السعودية منذ 12 عاما، عاش ينتظر نبأ حمل زوجته بعد كل إجازة يقضيها معها في صعيد مصر، يقول: عندما عدت للعمل قبل أيام في السعودية نقل إلي نبأ حمل زوجتي فعزمت على الاحتفال وجمع أصحابي واستأذنت أحد أصحاب الاستراحات لإقامة الحفله واشتريت منه خروفا لأولم به. ويضيف أشرف: بعد العشاء، وبحضور أكثر من 200 مصري إضافة إلى كفيلي، قمنا بتشغيل بعض الأغاني، وتفاجأنا بأعضاء الهيئة الذين اقتادوني للشرطة واتهموني بأنني نصراني وأنني أحتفل بـ "عيد مش عارف إيه الكريسمس" حسب تعبيره. ويضيف أنها المرة الأولى التي يدخل فيها مركزا للشرطة، قائلاً "لو علمت بما سيحدث لأجلت الاحتفال حتى أعود لمصر" موضحاً: لم أقتل ولم أرتكب أي خطأ ولم يجرحني سوى اتهمامهم لنا بأننا نصارى ونحن من أمة محمد، ولم نخرج من مركز الشرطة إلا الساعة الثالثة فجرا. وأكد أشرف أنهم لم يزعجوا الجيران وجميع الاستراحات المجاورة سكانها من العزاب والمصريين، ولا توجد منازل قريبة منا، مضيفاً أنه سيتقدم بشكوى لحقوق الإنسان، لتنصفه.

يعنى سؤال يعنى إيه "نصرانى وبيحتفل بالكريسماس"؟طيب ولو هو كده بيوت الناس تتدخل كده من غير لا أحب ولا دستور..بيتجسسوا على الناس فى بيوتها!!

فين دينا اللي بيقولنا السلام...ده أحد أسمائه -عزوجل- السلام..الودود!!

فكرونى بالفتاوى اللى بتحرم التعييد والتهنئة بالكريسماس ... يعنى إيه..جاري وصاحبي عايزة أقوله كل سنة وأنت طيب..بطلت ..حرام..إنسانياً يا اخى ..الله

يبقة ربي اسمه "الودود" وأنا "أضايق" خلقه..بدل ما "أودهم"...يعنى بجد مش عارفة أقول ايه

كل يوم يطلع علينا ناس غريبة بفتاوى وآراء غريبة ومواقف أغرب ويقولولنا مش عارف ايه...يعنى بجد بجد من امتى أصبح التشدد العنصري أحد ملل دين الإسلام؟

(وعلشان محديش يتذاكي عليا..برده فى ناس مش مسلمين عايزين ضرب النار..ودي استعارة مكنية)

الأصولية والعنصرية كلها ألوان قميئة على مراية الجهل والرجعية

دينا جه نصرة للحضارة الإنسانية وإنتشالاً للآدمية من نار العبودية: واللى أشدها العبودية الفكرية والطائفية القبلية

أحداث كتيرة مرت علينا فى الفترة اللي فاتت خلتنى أبكي وأقول حرام عليكم كسفتونا ...كفاية حرام

ولو النصرانية جريمة دلوقتى (تمنع الناس من الإحتفال والفرح وفرص المساواة والحق فى الحب والعيشة الحلوة بتاعة أيام زمان -أيام الفن الجميل - الأبيض وأسود...أيام ماري منيب وفؤاد المهندس-) فانا بقولها أهو وبعلو الصوت: نصرانية وافتخر

نصرانية لأنى مسلمة..أؤمن بعيسي وموسي

نصرانية لأنى مسلمة...أؤمن بنصرة أخوتى فى الإنسانية

نصرانية لأنى مسلمة...أوؤمن بنصرة قيم دين الإسلام ..فهو دين السلام ..كتابة الفرقان..من رب السلام...رب العالمين

======

Amira S.
Tue. March 9, 2010

بنتى ب100 راجل

أخرسي مش عايزة أسمع نفس...حسك عينك أسمع صوتك...نزلى عينك فى الأرض وانتى بتكلمي الأكبر منك...عيب تقعدي وانتى حاطة رجل على رجل قدام الأكبر منك.. البنات المؤدبة متفرديش شعرها فى المدرسة يا بنت عيب... أربطي الكرفت ونزلى الشميز، إنتى فين هنا فى سوق السمك علشان تشمري كمك بالشكل ده..وقفلى الزراير للأخر...إيه دي الجووب فوق الركبة ليه، خلى الماما تكلمنى فوراً، وألبسي شراب تقيل بعد كدة...إيه الدوافر الطويلة دى تتقص فوراً يا سيستر فتكات شيلها الحاجات دي فوراً...تعالي هنا إيه ده فى حد يشيل الكتب كدة؟؟ بقينا خلاص زي الولاد بنربط الكتب بالكرفت؟ يلا البسي الكرفت بلاش قلة أددب...

إيه ده إنتى عايزة ترقصي؟؟ بلا قلة أدب ومسخرة، قومي ذاكري....طيب ممكن ..ممكن إيه؟؟ مش قلت قومي تبقة قومي...يلا ..البنات المؤدبة تسمع الكلام من غير نقاش...بنات أخر زمن

وفى مرة كدة فى ساعة صفا (واللي فى الغالب بتكون فى غفلة من الزمان): ماما..ماما فاكرة حضرتك لما قولتيلي بلاش كذا ..ممكن تقوليلي ليه؟

ههه...وبعدين معاكي لما تكبري هقولك..روحي قومي ذاكري يلا...يلا ...الله يلا يا اميرة
يا ماما ..أيوة حاضر...بس عايزة أقول لحضرتك حاجة واحدة..إحنا فى الصيف...واجازة

(الآباء والآمهات مبيغلبوش): إنتى هتفكرينى انا موجهة يا أميرة...حضري للسنة الجاية يا حبيبتى..أنا مش جبتلك الكتب الجديدة..جري عينك عليهم يلا يلا يا شطورة

بس يا ماما..مش ممكن المناهج تتغير السنة دي

لا لا يا حبيتى ..قلت قومي...يلا ...يلا...مممممم


اتربينا على حاجات كتير منها صح..وكتير منها محتاج إعادة نظر
فى كل الحالات كنت هسمع الكلام (لأنه بمنتهي البساطة أنا لازم اسمع الكلام..وبكل صراحة) بس كنت هبقة مبسوطة وأنا بسمع الكلام وانا فاهمة ليه ده غلط وليه ده عيب

وبالتالي لما كبرنا بنفوجئ بينا بنعمل حاجات ..وإحنا مش متأكدين هى فعلاً غلط...ولا علشان الكبار قالوا كدة..فهى تبقة كدة

يا تري أنا مع أولادي هقولهم كدة ..وهعمل كدة..

وليه دايماً دايماً...إنتى فاكرة نفسك ولد ولا إيه؟؟
ولما كبرنا: إنتى فاكرة نفسك راجل ولا إيه؟؟

بس فى الأوقات المعينة إياها يجي ويتقالك: بنتى ب100 راجل

!!!



=================

Amira S

Mon. 8 March, 2010

ليلي بيعشقك

ليلي بيعشقك ..علشان عارف إنه فجر اليوم الجديد هيشرق على نور حبك

نهاري بيعشقك..علشان عارف إنه نسيم العصاري هيبعتلك سلامي


يومي بيعشق ...علشان عارف إنه هيختم تعبه فى كنف ليلك

شوقى بيعشقك....علشان عارف إنه هيدوب بين أحضانك

ضعفى بيعشقك..علشان عارف إنه هيتحمي فى جناحك

عيونى بيتعشقك ..علشان عارفة إنها هتنور بنور عيونك

كلماتى بتعشقك..علشان عارفة إنه هتسمعلها بودانك


أحلامي بتعشقك...علشان عارفة إنك بطل غناويها

===================
Amira S.
Friday, February 26, 2010