فلتحيا النجدة ..Chapeau to you ya Nagdat Misr :D

دايماً ..دايماً...بقول يا رب لا تحوجنا لا للنجدة ولا للإسعاف ..ولا المطافي ..ولا أشباهم وانا هنا فى البلد دى، لكن النهاردة وبعد اللي حصل بجد بقول الحمد لله ...بلدنا لسه بخير رغم كل شئ

النهاردة عشت تجربة حلوة أديتنى أمل ..شفت أصحاب حلويين وناس بحبهم ..وخرجت وكمان أكلت ايس كريم ..يا من أنت كريم يا رب

فى الظهرية كدة بعد صلاة الجمعة بشوية..فوجئنا بالبواب عمال بيصرخ : انتم ياللي فى العمارة ..العمارة بتولع أنزلوا أنتم وعيالكم ..واتصلوا بالمطافى

الأول مستوعبتيش الكلام صح..أخدت أجزاء من الثانية أنا وأختى (لأن باقى البيت مكنيش موجود...يوم الجمعة والناس والصيف بقة) وبصينا لبعض : نننننعم البيت بيولع

وطلعنا جري على البلكونة نشوف ايه...لقينا البواب وناس بتبص فى بلاهة عجيبة ويعنى سلبية غريبة على باب العمارة وفى دخان خفيف ...والبواب بيصرخ فى هستريا ومراته وبنته بيلطمه: العمارة بتولع

فى ايه يا جماعة ..بصولى هنا...يا آنسة الحقينا ..الحقى انزلى بوكس الكهرباء الرءيسي مولع والدخان أهو ..هم فين رجالة العمارة دي..وكمل اسطوانة الولولة...ويا رجالة الحقونا....الخ ..الخ
-طبعا معروف باقي الكلام- بصيت بسرعه كدة لقيت حالة عجيبة من التبلد بين الناس واقفين مذبهلين ...مش عارفة مستنيين يتفرجوا على فيلم كرتون ولا ايه...وبيبصوا على الصندوق المولع وبيطلع دخان

زعقت فى البواب..كلمته حد...فوجئت بأغبي رد ممكن أسمعه: ايه ..وأنا مالي مش في بهوات ورجالة كوبرة يتصلو هم من موبيلاتهم...جتلى حالة ازبهلال انا كمان من الرد....فقلته افصلوا الكهرباء يا بنى أدم

جري انا وأختى كل واحدة مسكت تليفون / واحدة بتتصل بالمطافى والتانية باعطال الكهربا
فى نفس اللحظة نزل مهندس جارنا فى السادس ..وفصل سكينة الكهربا الرءيسية عن العمارة لتحجيم الحريق إنه ميجريش تيار للأسلاك كلها..وبرده لسه حالات البلاهة موجودة عند الناس

المطافئ أخدت التفاصيل ...أما اعطال الكهرباء فاعطونى رقم أقرب مركز خدمة لموقعنا، المشكلة فى اللي حصل، واللي استغربتله جداً

فوجئت وأنا على التلبفون مع أعطال الكهرباء بسرينة عربية المطافى..وصلت بعد 8 دقايق من المكالمة بدون مبالغة يا جماعة..8 دقايق بالضبط

وانا على التليفون مع أعطال الكهرباء فوجئت بعامل التليفون أول ما عرف انى بتصل بخصوص حريق ماس كهربي فى الصندوق الرئيسي وراح جبيلي مهندس النبطشية بنفسه وأخدت التفاصيل كلها منى واسمي ورقم تليفونى، قلته يا فندم فى عربية مطافي وصلت خلاص تحت: قالي ياهانم إحنا واجبنا إننا نطمن وأرجو إن حضرتك تطمنى اللي عندك إننا فى السكة وانا هتابع بعد اذنك على التليفون معاكي الوضع أول بأول فأرجو إنك متشغليش التليفون لو سمحتى، واطمنى ما دام انتم فصلتم سكينة الكهربا والمطافى عندك كله بتحت السيطرة فميش داعى لأى قلق حضرتك

بصراحة مصدقتيش اللي بسمعه، أكيد أنا اتصلت بنمرة غلط..لو كان بيكلم انجليش كنت قلت اتصلت ب 911 ولا حاجة بيتوع التلفزيون

وفوجئت إنه بعد 10 دقايق بالضبط من المكالمة بعربية خدمة هئية الكهرباء وطاقم كامل شغال تحت البيت ..وكانت عربية المطافى مشيت..يا سلام وبيحلو الوضع

جتلى ارتكاريا لما التليفون رن وأختى يسرا ردت وفوجئت إنه على التليفون ضابط النبطشية بتاع المطافى بيتصل ويقولها إن العساكر طمنوه إن كل حاجة تمام..وهو بيتصل يطمنا وبيأكد إننا منقلقيش لأن النجدة فى السكة و عمال شركة الكهرباء كمان علشان يشوفو الوضع ويحلو..وأكد إنه هيتابع معاهم الوضع شخصياً وبيأكد اتصاله بيهم...والحريقة كانت حاجة بسيطة ومتستهليش القلق

فاختى تصورت إنه بيعاتبها على بلاغ كاذب....فياحرام قعدت تعتذر :أنا أسفة يا فندم إحنا البواب والشارع كانوا بيصرخوا وحريقة ومش عارف ايه...والناس واقفة ومحديش حاول حاتة يطلع طفاية العربية بتاعته يطفى الحريقة ومش عارف ايه..فوجئت بيه بيهديها ويقولها: اطمنى أنا بتصل علشان أطمنك وأنتى اتصرفتى صح وده المفروض اللي يحصل وإحنا هنا لخدمتكم..وممكن النجدة او الكهربا يتأخروا ..لكن إحنا والاسعاف عمرنا ما نتأخر عليكم دى أرواح أهالينا وأمانة فى رقبتنا كلنا ...وأشكرك على سرعه اتصالك بينا وياريت تعذري الناس لأنهم لما بيشوفوا حاجة زى كدة أحيانا بتجليهم حالة ذهول من الدهشة ومن وقع المفاجئة عليهم..فأرجو إن حضرتك تهدي واطمنى إن عربية الكهربا جاية والنجدة جاية لو فى حاجة حصلت

كان رد أختى : قلتله موجودين تحت..فكان رده: تمام أنا كدة اطمنت عليكم وياريت تطمنى كل اللي عندك إنها حاجة بسيطة ومفيش أى داعى للقلق


يسرا حطيت السماعة وانا اخدتها منها مش مصدقة إن المكالمة دى حصلت بجد

--------Amira
Fri, June 26-o9

جريمتى إنى واحدة بنت

فى البداية أحب أشكر نعمة ربنا عليا -الذى لا يحمد على مكروه إلا سواه- واللهم لا اعتراض يعنى...بس من فترة كدة وأنا موضوع الواحدة تبقة واحدة يتحلف بيها زى البنانيات كدة..وتبقة حاجة كدة "لايدي" شغلنى جداً وحكاية الراجل عايز ايه من الست يعنى....والمجتمع ...وايه تعريف الأنثي ..ونظرتنا عموماً للمرأة


المهم ، إن الموضوع جاب أخره معايا فى الشتا اللي فات، بقيت هتجنن الراجل عايز ايه من اللي معاه..وليه الرجالة بيشتكوا وتعبانيين أوى كدةليه يعنى...ليه يعنى وإن إزاى إن فشل المواضيع دايما بتشربها البنات والستات.....وبرده الرجالة مش عاجبهم


ليه لما بشوف الستات والبنات بره -فى البلاد التانية - عينى بتلف -والله العظيم أنا شخص طبيعي جداً- لكن بجد فى حاجة عندنا غلط يا جماعة...وأنا بره ببقة مبسوطة ....البنات شكلها يفتح النفس...أنا نفسي بحسنى ايه ، حاجة كدة ما شاء الله...لكن هنا أجارك الله -وعلشان محديش يتكلم انا أولكم يا بنات- بس مش ممكن كدة يعنى بجد فى حاجة غلط فى مناظر البنات عندنا

لغاية لما جت سفريتى الأخيرة وكانت فى السعودية وهناك ربنا كرمنى بزيارة الحرمين، المكي والنبوي....وهناك ايه بقة يا سلام ....اتفرج على البنات والستات من كل حتة وشكل ولون

ولقتني بتفرج وبشوف وبتعرف وبتكلم مع دى ودى....ومش كلهم كنت بعرف أتواصل الصراحة لكن إن جيتم للحق لغة الإشارة كانت بتمشي والنفس الحلوة بتكمل الكلام اللي بيسقط منننا...هنا بتظهر التلقائية والابتكارية فى فهم والتواصل مع الأخر

شفت شابات من ماليزيا ، اندونسيا، أفغانستان/ باكستان، بريطانيا، تركيا، ايران، المغرب، أمريكا ، بريطانيا....الخ ...من حتت كتير ومن مصر طبعا

فى البداية هديكم صورة أنا كان نظامى ايه فى أوقات الصلاة: الأول كنت بروح أشوف فين الاندونسيات والمالزيات واروح أقعد جنبهم...ملقيتش يجي بعدهم التركيات أو الايرانبات..ملقتيش يبقى الخلجيات...ملقيتيش تيجي بقية المنطقة العربية من سوريا والعراق...ملقيتش أتشهد على روحي وأقعد جنب المصرييات!!

طيب ليه في ايه...عيب ده انتى مصرية يا بنتى..مش كدة..لأكن لااااا أنا مستغنية على روحي...الله فى سماه لا وألف لا

ولقتني لما بشوف مصرية ة جاية عليا بقيت أغنى : أبعد بعيد يا حبيبي ياحيران...وكانت الصاعقة بتنزل على الناس اللي بتقعد جنبي أو تكلمنى وتعرف إنى مصرية ...تقولى لا شكلك ولا طريقة كلامك مصرية لهجتك مختلفة شوية...رغم إنى شكلى وكلامي عادي جدا...وأغلب الظن كان بيروح إنى باكستانية عايشة فى بلد أوروبي مثلاً ولا لاتينية حاجة كدة ...والاقي المصريات تبصلي كدة إنتى متأكدة إنك عايشة فى مصر؟؟

المهم ما علينا، لقتني بتفرج على الستات والبنات المصرييات وأنا بقسم بالله إن فى حاجة غلط ولازمن ولا بد إنى أعرفها....

شوف البسكتوتات من ماليزيا واندونسا...ولا قمرات تركيا..رغم ان التركيات مش ذوات الجمال الباهر اوى يعنى...أنا احب رجالتهم اكتر يعنى...بس ما علينا

يعنى مثلا تشوف الست الايرانية: صالبة حيلها كدة، ممشوقة القوام، راسها وأكتافها مرفوعة، وونظرة عينها

ذات الأربع حسان الدقيقة : الحاجبان والأنف والشفتان والأصابع ....
ويا سلام ذوات الأربع طيب الرائحة: الريح والعرق والأنف والفم
وأحلى ما فيها: الأربع عفاف : الطرف والبطن واللسان واليد

ما شاء الله الإيرانيات أحلف بيهم، دخلو دماغي، أنا لو راجل هتجوزلى ايرانية، الصراحة، الواحدة ماشية ماشية صح، فيها شموخ وعظمة ، الله الله، تحسها أنثي بجد، حاجة ملكة متوجة وخاصة مع الاسدال بتاعهم، خطفنى الاسدال خطف والهوا بيحركه ولما تيجي نسمة الهوا تطيره وتروح تعدله، آه يا قلبي يانا، مش ممكن

والصفة الأخيرة للإيرانيات (الأربع عفاف) بيشترك فيها برده الستات التانية وخاصة من تركيا وماليزيا واندونسيا والسوريات وفى خليجيات برده يعنى، والبلاد التانية كمان يعنى علشان مكتريش فى الجنسيات،بعكس أغلب العينات من مصر والهند وباكستان

تلاقي الواحدة من دول -سواء ايرانيات، اوروبيات...الخ-: عندها نوع من أنواع العفة والعظمة عجيب:

عفيفة الطرف: لا تبص ولا تبحلق فيك تتأمل فيك من فوق لتحت،

عفيفة البطن: لا مكرشة ولا طفسة،

عفيفة اليد: متمديش ايدها عليكي ولا تخطف الحاجة منك-تيجي تناوليها المصحف مثلا تستني لما تديها انتى،

كوباية الماية ،
اتفرجي عليها وهى بتاخدها منك، ولا لما تشاورلك وتنادي عليك اتفرجي يا سلام، واللسان لما تكلمك/ الصوت الحلو الناعم الرقيق..أنوثة ..ملهاش كلمة تانية،

أما المصرييات مقصديش حاجة والله بس إحنا فعلا فى حاجة غلط ...الستات كلها مكرشة كبار وصغار...وتلاقي الواحدة من دول لابسالك العباية الضيقة وما شاء الله جسمها من ورا ومن قدام ايه...طيب يا شيخة إذا بليتم فاستتروا....مش عارفة أقول ايه ده حتى صوتنا عالي فى الكلام وكتير مننا بيتكلم بصوت خشن الحنجرة ما شاء الله فيها حاجة غلط....حتى اللي بتترقق فى كلامها برده فى حاجة مش متركبة ايه مش عارفة

قلت طيب لما أوسع نطاق الرؤية شوية ، وبدأت أتأمل فى العائلات واتفرج...ولقيتها الرجالة وشفتهم بيعاملو بناتهم وستاتهم إزاى....وبرده لقيتنى فرحانة بالعائلات الايرانية والاتراك زالماليزيات والاندونسيات جداً....وبقيت أشوف العائلات المصرية ويفور دمى واتعكنن

وتبدأ درجة العكننة تترواح درجتها ما بين التنقل بين العائلات أهل الشرق وأهل الغرب...فتلاقينى العائلات العربية بيبدأ مؤشر العكننة فى الذبذبة ...تروح عند الايرانيات والمالزيات والاندونسيات والاجانب بيبدأ فى الهدوء


أحنا عندنا فى حاجة غلط..عندنا المرأة مهانة..عندنا الانسان مش محترمة آدميته...وده اللي مخلى ستاتنا شكلها وحش ومقرف كدة...تلاقي الراجل من دول مفتري ..ولو هو مش كدة نفسه يبقة مفتري

اتفرج على الكبت اللي عندنا، تلاقي عيب ان البنت تاخد بالها من نفسها، لو البنت لبست مش عارف ايه، ولا لو كانت بتدلع شوية ولا واخدة بالها من نفسها...يتقال عنها دى شايفة نفسها

-(وطبعاً مش عايزه حد يفتكر الكلام على إنها دعوه كيف تكونى متنشية أو عوجه ولا إنها دعوه مفتوحه لحملة اتفرج يا سلام)-


للأسف عندنا مدفونة فى ثقافتنا حاجات زى: خالف النساء وهواك . . وأفعل ما شئت،

المرأة لعبتها الرجل،

حيلة الرجال : الأدب وحيلة النساء : ما يلبسونه،

وناقصات عقل ودين، رغم إن الكل عارف معناها الحقيقي ايه

وغيرها كتير..إحنا ثقافتنا مبنية إننا نكسر البنت، علشان مستقواش، يعنى استغربت جداً لما عرفت إن فى الأرياف :الستات والأمهات هناك فى الرضاعة بيفطموا البنات بعد 6 أشهر علشان عضمها مينشفيش علشان متطلعيش قوية...فى حين الولد بيتفطم بعد سنتين واربعة كمان

تلاقي البنت والست تكتمل أنوثتها بالانجاب..يعنى دور البنت بيتلخص فى إنها ماكينة انجاب..وتلاقي الراجل من دول يحلف بأمه وبطبخها ...ومهما كانت زوجته ست بيت شاطرة فلا يمكن تيجي جنب طبخ الحاجة...ومهما مراته ولا خطيبته كانت طيوبة و حنينه عليه فمش هتيجي حاجة جنب دلع الست الحاجة


إحنا مجتمعنا بيبهدل البنات ...فى البيت ..فى الشارع من تحرشات ومعاكسات فارغة ومسخرة وقلة أدب..

فنتيجة طبيعية إنهم يكونو شكلهم متبهدل...وأسفة يا بنات بس احنا فى مجتمع بحسه بيجرمنا على كوننا بنات وستات ..وده طفح على مناظرنا..مش عايزة أقول إننا بقينا "وش بهدلة"....محدش ياخدها شخصية

---Amira--------
Tue. June 16-09

My Father is the Best -:))

Today is the "Father Day...annnnndd

I wish to share with you all the story of the "Hero of my life:

ana 3ayza a7kilkom about my Dad's love and how it affected my soul -:))

when i was a kid my Dad used to take me for a walk by the sea to see the sunset, and used to ask me to tell her a good story: and this story should be about me "Amira" and should be a productive and attractive story about my day,as she (the sun) is going to her bed - the sea- and while she pulls her cover (the waves)....i've to keep telling the good things in my day to give her a reason to shine above my house and kiss my window :))

he taught me the real meaning of the endless love , when tears are in my eyes he always dry them all and never let me until he sees my smile ;)

always in my side, his faith in Allah and believe in me gave me power to stand up against the storms,

always keep a space for me to see how i'll handle things ..telling me you are a big girl now so go girl by ur self and it is time now i've to go but never he let me down or alone...he is there watching me out of the circle

Papa's love is uncountable as much as the sands of the sea shore..,,

Today is the "Father Day" -Rabna ye7'lieh- ....-:))

Did u told ur father I love you TODAY-:))

and if u miss ur father for any reason sure YOU will have something to tell him ..wt ever it is..JUST DO IT ..we only have one father ;)


----Amira-------
Sun, June 21 -09

Youth with Special Challenges

Individuals with different mental abilities are given different names through medical history starting by mentally retarded, mentally handicapped, individuals with mental disabilities and now, mentally challenged individuals. These definitions reflect the community’s outlook to those individuals from neglecting to independency.

The developmentally challenged individual is a person with certain degree of disability that renders him in need for extra-help in order to develop to his capacity

Mental challenge implies significant deficits, with inset early in life, in intelligence and in adaptive behavior (e.g., communication, social interaction, school and/ or work). The deficits are recognized in the performance of social roles and age-appropriate tasks.

The infant and preschool child may fail to achieve developmental milestones of sitting, responding to familiar faces, walking, talking and sphincter control at expected ages. The schoolchild falls short of social expectations for classroom behavior and for reading, writing and arithmetic. The adult may have difficulty in the performance of work roles within and outside the home, in communication skills, or in the understanding of money, transport, and locality.

In the mind of parents of mental challenge children a lot of questions that need a proper answer. Some of these questions are what is wrong with my child? What shall I do? Where I can go? Are the current services enough? What about the next pregnancy?

Finally the main question: If you have a mentality challenged child/youth at home, would you like the community to neglect him/her or would you like to be proud of his/her achievements like the others?

WHERE ARE THEY IN OUR SOCIETY ????

WHY I CAN'T SEE THEM IN PUBLIC EVENTS represented probably not as HALF INDIVIDUALS?
I dislike see us as fool singing like clowns -with all respect to clowns!!- for them in silly events with no real adding value nor developed and reputable events, shaking their real talents and building up their life skills :(


THEY ARE PART OF US...AND ..WE ARE PART OF THEM


WHY I CAN'T FIND THEIR PROPER RESPECT?


ALL IN ONE....ONE IN ALL



------Amira S.------

فأشتهى كفيه

أتذكرنى وقد أقبلت متزين محياك المستبشر بأحلى اطلالة
أتذكرنى وقد ناجيتنى اطلالاتك المنيرة راجية بطلعتك البهية
أتذكرنى وقد خطفتنى بسمتك فعانقت بسمتى بسمتك خلسة

أتذكرنى وقد هللت فارساً مقبلاً غازياً برومانسية
أتذكرنى وقد تتلمذت فى مدرسة عشقك حالمة
أتذكرنى وقد تلمست أنلملى مراسل حبك متهافتة
أتذكرنى وقد وقفت مسبحة فى محراب نداك متعبدة
أتذكرنى وقد تغنيت بتراتيل عروة حبنا المحكمة

أتذكرنى وقد رأيتنا سابحيين مع غمرة قلبينا بنشوة
أتذكرنى وقد تعانقت أرواحنا وتشبثت كفينا بعزة
أتذكرنى وقد تعاهدت أنفسنا على خالص المحبة
أتذكرنى وقد خفضت لنا الدنيا أجنحة الرحمة مباركة


أتذكرنى وقد رأيت الحاملات وقراُ أتية شاهقة
أتذكرنى وقد رأيت شمس نهارنا مولية مودعه
أتذكرنى وقد رأيت قصرنا صادعاً وأرضه مزلزلة
أتذكرنى وقد رأيت قمرك اتسق من ورائه عتمة طابقة

أتذكرنى وقد رأيت كفيك هائمة عنى فى رعشة حانقة
أتذكرنى وقد رأيت كفاى مبسوطة فى رجفة مؤلمة

أتذكرنى....... وقد نخرت قواى فاشتهي كفيه

----Amira--------
Thr. June 18 -09v

A Train of Dream

We are proud to welcome you to Train of Dream’s station; a train drives you through a fantasy world of challenges and hopes.

You are entering a mysterious and fascinating world of dreams where the rules of obstacles do not apply.

Dream Trains carry you from where you are to where you want.

I am very happy to let you know that many worked very hard over years to produce a “Train of Dream” passing into the reality of action, where dreams come true :)

Dream Train ‘s engines move the hearts of men, and it will introduce the start of the next generation to dream anything they want to dream.

Thank you for taking your “Train of Dream”…The ONLY transport you will ever need for faith in your dreams, dreaming and creating dreams, dreams analysis and getting in action.


All Dream tools on “enta.enta,enta,enta.egry shof 7alek ya ebny” are completely free for all dreamers (please contact Allah to support and help and enjoy downloading his teachings and update your mental and spiritual strength with love, passion and hardworking on your career and brain system, or use it within in your work product).


You can also use your dream loops and failures trials as educative and motivation backgrounds for your life, future, dream editing and “dream for other and with others” multimedia designs.


Easily browse the newest Dream Success Stories on “anyweb.site “ and “AnyTrueModel in RealLife”

Make your desktop more interesting with sharing your passion with friends and family and believe in God.

Finally here we are, our train is moving on. Now you are in no way, the final say in what YOUR dream


-----Amira--------
Wed, June 17 -09

على باب اللجنة

أولاً ربنا مع كل الي بيمتحن، بدعيها من قلبي ، وخاصة بعد اللي شفته النهاردة فى الكلية علشان أطلع شهادة قيد بانى فى قسم الدراسات العليا...وبما إننا فى امتحانات فده معناه إن الدكاترة مش موجودين (وده الطبيعي) و كمان موظفين شؤون الطلبة مش فى مكاتبهم....هذا بالاعتبار إلى حرب المائة ختم ودمغة من مبنى لمبنى

المهم ما علينا، لولا الشديد القوي وإنى عايزة أحجز فى كورس ضروري ولازم الورق، وحاجات تانية تخلص، روحت الكلية وأمري لله وكان ما كان

بداية المشوار وفى عز الحر والتلزيق بالعافية بتعرف تشق طريقك قدام حقوق، بين الناس اللزجة المتبتة قدام المجمع وفى الشارع...عادي جدا...هيجي الفرج عند الباب..وبتعدي ..وبتدخل المجمع وعادي..وبتروح للموظف ..وعادي جدا...الدنيا زحمة والناس مستنية علشان تدخل اللجنة أو طالعة من اللجنة...شئ طبيعي الزحمة والعرق المفحفح فى الجو...يا رب احتسبه فى ميزان حسناتك لزوم لقب شهيدة العلم

قضيت فى الكلية حوالي ساعتين، حصل فيهم 5 مشاهد هحكي منهم 4 الآتيين، وأعتذر لو طولت دول ساعتين يا جماعة


وهلخص الاول الخمس مشاهد عبارة عن ايه:

المشهد الأول: موظفين قسم الدراسات العليا: حديث عن حادثة مدرس عمل مشكلة ما مع طالبات (وتقريبا اتكلم عنها عمرو أديب)...ومناقشة عن مأمورية زيارة فى أحد السجون

المشهد التاني: على باب مبنى العميد: ولد وبنت واقفين ومناقشة عن فنون المكياج وأصول العناية بالبشرة

المشهد الثالث. أمام مكتبة التصوير ومجموعة طلبة ومناقشة عن حركات صيفية

المشهد الرابع: عند كشك الدمغة ومجموعة المنافيستو للتلقين عن بعد

المشهد الخامس: على باب مدرج حقوق أمام مكتبة الطالب ومناقشة ودية على مشروع انفصال بين عصفورين

فى البداية أحب أقول إنى مش عجوزة والله ولا معقدة يعنى ..لا أنا شيخة ولا يحزنون...ولا بحب اسمع لأحاديث غيري أو أتدخل فى اللي مليش فيه ...بس أول مرة أخد بالي من الكلام ده ..بلأنى داايما كنت بروح الامتحان متاخرة بنص ساعة كدة..فيظهر كان بيفوتنى كتير من احاديث الطلبة على باب اللجنة

طبعا المشاهد كانت متقطعة لزوم المشورة رايح جاي بين المكاتب...وأعتذر يا جماعة لأنى فى جمل سقطت منى كتير...رغم إنى كنت هموت وأقف اسمع بقيتها


بعد ما بخلص ورقى فى شؤؤون الطلبة كان لازم اروح اختم اوراق وامضي حاجات فكنت بروح لمكتب العميد وارجع تاني لشؤؤون الطلبة يتأكدوا إن الحاجة تمام علشان أعمل الاجراء التاني وهكذا الحال

وفى سكتى ما بين مبنى شؤون الطلبة ومبنى العميد حصلت المشاهد ، ومنها المشهد التانى وأنا داخلة على مبنى العميد -تحت العواميد قدام الباب كدة ، اتنين ولد وبنت -:

هي:لا يا أحمد انا بحط الكونسيلر قبل كريم الاساس..وده مش بودرة ...

أحمد :ايوة يا حبيبتى بس شكله مجير أوى عليكي


سمعت الكلام ومجبتيش منطق..عيب عادي سيبك انتى الحقي اطلعي اجري اامضي الحاجة ...والحمد لله مضيت الورقتين بسلاسة وبدون اى مشاكل...وطلعت اجري علشان اكمل بقيت الحاجة وابقة الحق وكيل الكلية فقلت انزل اصور الأول الحاجات وقدام المكتبة لقيت الشباب الحلو واقف وبيتناقشوا مناقشة ساخنة جدا حول كيفية الاستفادة من الاجازة فى كل ماهو صحي ومنتج:وكان المشهد التالت:

الباشا الفصيح: ايوة يا جماعة إنتم هتيجي عندى فى الكينج ..ومتخفوش يا بنات إنتم هتبقوا فى الدور التاني وأحنا فى الارضي..بييس...قشطة..احسن من حوار العجمي...نخليها يومين فل كدة


لا ما شاء الله عليه فكيك وبيفكر ...يا رب خلص التصوير ده على خير مكنوش ورقتين ..والحمد لله خلصت التصوير الحق اجيب الدمغات وكان المشهد الرابع:

الولد الشطورة أبو برمودا وسليبر مربوط فيه سلسلة كبيرة يظهر بتاعة كلب كان معدى ولا حاجة:
انت بس اكتبلي التعريفات والمصطلحات ..اخلص طلعت روحي مش هنلحق كدة نخش اللجنة...لما أشوف البت سماح ضبتطلللي القصايا ولا ايه هى روخراااا


بصيت وابتسمت لا والله بيتعب ..فعلا لكل مجتهد نصيب والحمد لله سكتنا خضرا ..مفيش طوابير ولا زحمة خلصت المسألة بسرعه ..وجري علشان الحق شؤون الطلبة وعلى باب المدرج كان المشهد الخامس :

هو: نعم ناااااعم....انتى بتقول ايه
هى: زى ما بقولك يا روح .....*شوف انت بقة انا جبت أخري وبقولك ايه اتلم بدل ما انت عارف ...علشان مصلحتك يعنى ...بدل حواراتك ال......تييييييييييييييت ....تيييييييييييييييييين ...تييييييييييييييت


ما شاء الله ..هو ده اللي بنسميه يا جماعة "تمكين المراة" ...وأسس حل المنازعات والحوار..تشوفها وهى بتتكلم بهدوء بصوتها الحنون وحركات الوجه الملائكي ...الواحد بتيجي عليه أوقات بيطنط وهو مش عارف يقول ايه بيكون فى أمس الحاجة لدعم قاموسه اللغوي

ما علينا يلا، طلعت الحمد لله بسلام الدور التاني فى مكتب شؤؤون الطلبة ولقيتهم سبحان الله لسه بيكملو الأحاديث ...يظهر محبوش الموضوع يفوتنى فاكيد اكيد استنونى لما اجي علشان يكملو المواضيع واللي مسحتها علشان الصداع بس وطبعا أخدت بعضي على مكتب العميد وفى طريقي لقيت اصحاب المشاهد السابقة لسه فى مكانهم

وكان الولد اياه والبنت اللي معاه بتوع المشهد التاني: على باب مبنى العميد:
هو: اسمعى انا عايزك تجربي النهاردة ...........كذا.......... ولو معرفتيش اتصلي بيا
هى: انت شايف كدة

!!!!!!!!!!!!!!!!!!!!!!!!!!

!!!!!
بغض النظر هو قال ايه ...ممكن يكونوا مخطوبين أو متجوزين عادي جدا...والله انا مش معقدة أوى كدة ..يمكن عادي بس مش فى الحرم الجامعى ..ٌقدام مكتب العميد..طيب بصوت وشوشة ..ليه أنا اسمع...والغريب انى لما اتسمرت فى مكانى للحظة والورقة وقعت منى ..الاتنين بصولى حتة دين بصة..فاعتذرتلهم وطلعت اجري

وأنا بسمع الولد بيقول: الناس بقت غريبة أوى
!!!!!!!!!!!!
----------------------------

المهم الحمد لله: خلصت كل حاجة ..يلا يدوبك اروح اسلم الاوراق واحجز الكورس...بس الاول اصور كام نسخة للإحتياط واجب برده

اوكانت لسه مجموعة شباب الغد الواعد مازالت واقفة ومواصلة حوار من أجل انطلاقة صيفية منتجة
!!!!!!!!
طيب من هنا لبكرة هنرتب على تليفونات....هو خالد اتأخر ليه...هو لسه ماشي مع العيال الفاكسانة دول...ايوة بصوا ..نفخونى الصبح وخصوصا البت اللي اسمها ...الخ الخ

------------------

مديت الخطي بسرعة وانا مش مصدقة نفسي أنى بسمع وسمعت كل ده...يا سلام على لجان الامتحان كل ده كان بيتقال قدام اللجنة ومكنتيش باخد بالي منه...وأنا اللي زمان كنت فاكراهم بيراجعوا مع بعض..انا دلوقتى عرفت ليه بيقولو ايام الكلية وبيغنوا بايام وبعيال المجمع ...ياااه الواحد ميعرفيش قيمة الحاجة إلا بعد ما بضيع منه

كنت فيين أنا من حوارات المجمع .....وعجبي

ليه يعنى ..وعلشان ايه

يعنى أنا مش فاهمة ليه وجع القلب...أيه لزمة إنى أخلى قلبي ينبض بالمشاعر..مش كفاية عليه ان بينبض علشان يضخ الدم...ليه أحمل على سليريندات قلبي بتبضات الحب..وأحرق فى طاقة حب...يعنى ايش ضمنى إنها طاقة متجددة

ليه أتعب نفسي بالتفكير فى الناس اللي حوليا ...هو مخي ناقص تحميل على أفيوزاته ....كفاية الأفيوزات اللي ضربوها لى فى طفولتى البريئة بحجة التعليم واللي بنشوفه كل يوم من متطلبات تشغيل المخ

ليه أحمل على أوتار ومواصيل دراعاتى علشان أساعد غيري....ولا علشان أشد على أيد حد....أضمن منين رد فعل قوى الدفع المضاد...ولا آثار قوة الإحتكاك يعنى

ليه أحمل على قفصي الصدري و أخلى عندى سعة صدر لهفوات بسيطة ....ولا أصبر ليه أساساً على حد....أضمن منين عدم حدوث كارثة فوق بنفسجية تنتج عنها كميات هائلة من الطاقة هتضطرنى لإحتوى الضعيف ده حتة كدة أكيد هيعمل نوع من انواع الكميا هتسبب فى دايرة كهربية مغلقة مع الشخص ده....هى ناقصة كهربا

ليه أوجع رجلى وأتحرك وأشوف الدنيا ماشية إزاى ...لا أخاف يحصلي سقوط حر و بصراحة أخاف على أوتار رجلى من الشد العضلي من كتر التحريك الحراري ..ماهو أكيد الحركة هتولد حرارة ..ناقصة حر وخنقة....ولا ليه أقوم أقف من أصله وأخد مكانى ولا أقف جنب حد ...هى ناقصة تلزيق ...ده حتة أبعد حبة تزداد محبة

ليه أفتح عينى ولا أوجع عينى بالقراية....هو العملية ناقصة تحميل على المخ وفيوزاته ....لسه هستقبل ضوء واتفاعل مع حركة وظل ...لا وكمان اسكانها واكون صور تمشي فى أمواج للمخ علشان يترجمها فى جزئيات اللي بتشوفها بؤرة عينى ...هي شبكة عينى ناقصة ....كفاية شبكة المنتخب المترقصة بأهداف الفرق التانية علينا

ليه أوجع ودانى وأسمع للناس علشان أفهمها صح...ناقصة هى استقبال ذبذبات وترددات ...علشان أحولها لإشارات عصبية ..هى أعصابي ناقصة تحميل...ولا أفيوزات مخى ناقصة

ليه أتعب لسانى بكلام حلو ومعسول...ده حتة كلها جلوكوز وفركتوز ..أضمن منين إنه دمى مبيبقاش زى السكر ...دى تبقة كارثة حتة يتجمع فى الدم ويجيلي السكر يعنى...مش ممكن

لا لا لا لا ده كتير عليا...مش ممكن طبعاً

------Amira------
Sun, June 14-09

أسفة

أسفة يا زمانى لو نسيت....................فأيامك علمتنى النسيان

أسفة يا مكانى لو مشيت...............فأيامك علمتنى إنى ما أقفوش
أسفة يا سماي لو حلقت ....................فأيامك علمتنى الطيران
أسفة يا بلد لو ضاع منى العنوان.........فسانجيك علمتنى انى مقعدش

أسفة يا نفس لو ضعفت ....................فأخطاءاك علمتنى الدرس

آسفة يا وهن لو قويت.....................فانتكاساتك علمتنى النصر
أسفة يا جرح لو اتشفيت........................فآلامك علمتنى الطب
آسفة ياغضب لو هديت...................فأعاصيرك علمتنى الصبر
أسفة يا ضغينة لو حبيت........................فأحقادك علمتنى الحب

أسفة يا جهل لو اتطلعت....................فأرهاصاتك علمتنى البحث

أسفة يا عصيان لو خشعت.....................فجحودك علمتنى السجود

أسفة يا رزق لو رضيت.......................فأنصابك علمتنى الشكر


أسفة يا زمانى لو ضحكت.................فأيامك علمتنى الفرج بعد الهم

أسفة يا مكانى لو رقصت ...............فأيامك علمتنى الفرح بعد الطرح


-------Amira------
Sat. June 13-09

يا تري..يا هل تري ..الشيطان أكثر معرفة منا بالله!!!!!

كل يوم بنستعيذ من الشيطان الرجيم، ولو شفنا حد وحش بنقول عليه علطول ده شيطان...يا ساتر..ده ميعرفيش ربنا... أعوذ بالله

طيب ليه؟ مين ده اللي الناس كلها بتكلم عنه!! ..

وكتب وحواديت وقصص اتتألفت وكان هو بطل أحداثها...يعنى مشفتيش حد إى ولا لازم بيذكره..ودايماً بالشر –حتى ولو مش بيؤمن بأى دين- هو فعلاً الشيطان وحش أوى كدة؟

بصراحة أنا شايفة إننا ظالمينه جداًمين قال إن الشيطان ميعرفيش ربنا؟ يعنى إزاى؟ ...

ده كان طاووس الملائكة..حاجة تجنن

طيب أنا راضية ذمتك...حكم عقلك كدة معايا براحة،

واحد بيقول لربنا –سبحانه وتعالي-: " وَمَنْ يَتَّخِذِ الشَّيْطَانَ وَلِيًّا مِنْ دُونِ اللَّهِ فَقَدْ خَسِرَ خُسْرَانًا مُبِينًا " [النساء:119]،يعنى واحد بيقول إن اللي هياخد ولى غيرك يا ربنا ...هيخسر خسارة كبيرة وظاهرة جداً...يعنى حاجة فضايح كدة..

فمنين ميعرفيش ربنا...والله بيضحكوا علينا وبيكذبوا كمان..

وقال ايه لما روحت شفت فى مكان اسمه "جبل الرحمة عرفات " فى السعودية واللي طبعا زى ما أغلبنا يعرف إن أركان الحج خمسة ، منها اثنان متفق عليهما عند جميع الأئمة)، المهم ما علينا،

إن فى المنطقة دى وما حواليها بتحصل فيها مناسك الحج ومن ضمنها "رمي الجمار " –أو الجمرات زى ما إحنا عارفينها بعاميتنا- الجمار جمع جمرة وهي : الحجر الصغير ، ورميها قذفها وهذا في اللغة ، وأما في الشرع فالمراد برمي الجمار هو : القذف بحصى معين في زمان معين ومكان معين -فى الحج طبعاً-.

المهم إنى فوجئت بيهم بيعلموا تجديدات رهيبة فى المكان كله –وما شاء الله تسهيلات كبيرة وحاجات رائعة، يا رب عمرها كمان وكمان- ومن ضمنها بيعملو حاجة زى تراكات أدوار –أو مبنى كبير من عدة طوابق مفتوحة – علشان الناس ترمى منه الجمرات منعاً للزحام الشديد فى يوم رمي الجمرات.

فلقيت نفسي بتخيل المنظر، ولفكر ...يا حرام كل الناس دى رايحة ترمي الغلبان ده بالطوب ده كله، ده الواحد لما بتوقع عليه طمطماية بييتوجع أسبوع..يااااه ...يانهارلو...

وليه يعنى كل دول يرموه، هم يعرفوه منين يعنى، حد شافه مثلاً....محدش فكر يسأل سؤال هو أحسن منه فى ايه؟

غصب عنى فكرت، يعنى قد كدة الشيطان يعرف ربنا –عزوجل- وأكلت نفسه الغيرة إن ربنا فضل عليه كائن أخر!!" قَالَ أَنَاْ خَيْرٌ مِّنْهُ خَلَقْتَنِي مِن نَّارٍ وَخَلَقْتَهُ مِن طِينٍ" [الأعراف:12]، ...للدرجة دى غيرته كانت كبيرة...

يا حرام الصدمة عليه كانت أكبر من إنه ممكن يتخيل إن فى حد ممكن يكون فى مكانة أعلى منه عند ربنا!! يا نهار أبيض..مش ممكن ...للدرجة دىوبسسبب ذنب واحد عمله، أنه مقدرش يسمك نفسه من كتر الغيرة فأخدته العملية ونأححت عليه نفسيته فتكبر!!...وعلشان كدة اطرد من رحمة ربنا؟ وعلشان كدة كل أمة لا إله إلا الله بترميه بالطوب!!!

يا "سلام ...علي كدة انا محتاجة كل يوم أنزل من بيتنا معايا شوال طوب...أحدف بيه الناس كلها...مين مش معوج ولا مين مش شايف نفسه ...دى الأرض اشتكت من كتر ما اتهد حليها من طنطيط البشرطيب...ده واحد اتعوج علي نفسه...

يعنى طيب نفسر بايه ذنوبنا إحنا: ظلم وقتل وحروب وأسلحة دمار شامل ونهب ....وظلم الإنسان لأخيه الإنسان والذل والهوان اللي بنسقيه لبعض..ليه إحنا وحشين أوى كدة...ليه ...الخ الخ ..الخ

يا حرام الشيطان مأقتل حد فبنا...بس بسبب مشاعر وأفكار معرفيش يسيطر عليها، تسبب إنه طرد نفسه من رحمة ربنا..مش علشان عظمة ذنبه لكن علشان عارف عظمة من عصي...وعارف إنه حياته كلها مش تكفى حقد إن حد غيره أخد مكانه عند ربنا أعلى منه ، فطلب زيادة علشان ينتقم من ذرية آدم كلها ..يعنى مكفهوش آدم " "قَالَ أَنظِرْنِي إِلَى يَوْمِ يُبْعَثُونَ" [الأعراف:14] ...

وعلشان يثبت إن آدم وذريته مش احسن منه " قَالَ فَبِمَا أَغْوَيْتَنِي لأَقْعُدَنَّ لَهُمْ صِرَاطَكَ الْمُسْتَقِيمَ " [الأعراف:16]

يااه للدرجة دى ربنا عظيم....للدرجة دى رضاه ومعيته حاجة كبيرة ...الشيطان مقدريش يتخيل إنه يبعد عنهايا ساتر هو مين الشييطان اللي بجد...يا ربي كام واحد فينا بيغلط وبيعتذر..كام واحد فينا .بيظلم أخيه الإنسان ....كم من مظالم على باب المحاكماللهم إنى أعوذ بك من شرور أنفسنا..وأعوذ بك أن أظلم أو أظُلِم ....يا عفو أشهدك إنى عفوت عن من ظلمنى فاعفو عنى

--------Amira---

Mon. June 8, 2009