النهاردة كان عندى محاضرة عادي جدا..والمفروض اننا هنتكلم عن "حل النزاع" وفوجئت بي باصاب بحالة اعياء شديدة
وفى صعوبة فى التنفس..وعايزة أبكي بشدة، رغم انى كنت جاية فريش ومفيش أى مشكلة، فى البداية تصورت انها نوع من الحساسية لرائحة بياض فى القاعة المجاورة من زيوت الطلاء
لكن لأ...الحقيقة إنى مع كل كلمة بقيت حاسة انى عايزة اطلع اجري واصرخ زى المجنونة : كفاية ..كفاية بقة..مش قادرة .يا ناس ارحمونى شوية
أفتح التليفزيون: أطفال بتموت..وأجساد بتتحرق لدرجة انى حاسة انى بشم ريحت شوائهم على نار تخازلنا...وانى بشرب الدموع الحرمان
المثلجة بنكهة الحرمان من اثر المجاعات
فى الشارع: الناس بتتخانق مع بعض
فى البيت: فوجئت بأخى بيترجانى إنى أخرج مع بابا لأن بابا بدأ يربي دقنه اكتئاب وحزناً على أهل غزة...وهو حاسس بالعجز انه يعمل حاجة ..وهو اللي كان المحارب الشجاع
الولاد الصغيرة والشباب فى سن الورد: صوتها متحشرج وعايزين يحاربو ..ياااه قسوة قلوبنا بدل ما ولدنا يتكلموا عن أحلام المستقبل..بيتكلموا عن الانتقام
الحبيب بيطعن الحبيب...الأب بيقتل أولاده خوفاً على عليهم من غدر الزمان...خلاص مش هقرا الجرنان
أدخل على الفيس بوك: برده.أفوجئ بشباب صغير زي الفل بيقول انه بيعاني من الاكتئاب وعايز يبكي...وبيعانو من الاكتئاب وأمراض القلب...طيب أروح فين...ياربي حقيقي مش قادرة...خلاص انا هاخد اجازة من الفيس بوك..وهروح السينما...أفوجئ بالاعلانات عن افلام حرب جديدة..أنا ناقصة
روحت اشتري مجلة أطفال: الراجل بيبصلي وانا داخلة بمنتهى الثقة على قسم الاطفال والشباب: أفوجئ بحرب العصابات..يا نهار ابيض ...دى مؤامرة بقة
بصي إحنا هنقرفك هتقرفك.
عايزة أخد اجازة..إحنا ليه بنعمل فى بعض كدة..بجد مكنتيش قادرة اتكلم ومخنوقة..الكلمة نفسها مش راضي تطلع..نفسي أسافر واغير جو...بس اروح فين...مش عايزة حد يعيط وحد يشتكي وحد يقول الحقونى واقف عاجزة انى اساعده
كفاية...أنا عايزة اقدم طلب لناسا بفتح باب الهجرة للفضاء
بس إزاى الإجراءات..والتذكرة بكام...وهل هحتاج "خطاب ضمان" أو كفيل" وهل هحتاج أوقع مذكرة تفاهم
طيب وهل فى ا يمنع إن مصر وطنى جبيبي ميكنيش موقع على مذكرة تعاون مع الهئية العالمية لفلك الكون
Amira------
Fri. 16-01-2009
No comments:
Post a Comment