freedom....

freedom of mind is not freedom of thinking but freedom to implement our thoughts ...and challenge the logic limits even those of ours :$

أفتكر لما كان وكان: حلم أكبر من الخيال..حلم موته من المحال

كانت الأيد فى الأيد...والحلم واحد ...لكن الرؤية مختلفة وكلنا بنشق الطريق لكن كله راكب طريقته ووسيلته

للأسف النهاردة جالى ايميل على قد ما فرحت وفكرنى بحاجات على قد ما بكيت ..بكيت بحرقة أوى...افتكرت بكاى من 3 أشهر مضت فى دموع هربت وعصت التماسك فى السويد..ما رحمتيش رجلى اللي واقفة على أرض غريبة

أفتكرت حلم عشته وعاشنى...وافتكرت إنه كان نهاية دورى فيه هى السنة دى

وأفتكرت إنه بعد أسبوعين بالضبط من دلوقتى ويوم 15 اكتوبر كان مكتوب فى أجندتى اللي عملتها بايدى ..واللي جمعت ورقها مخصوص علشان مككنتش لاقية وقتها نتيجة أو اجندة ل10/10/2010 إنه يوم احتفالي باعتزال العمل الأهلى الشبابى لبلوغى سن ال30 ...فى الوقت ده كام سنة وبالصدفة من 12 سنة كان أول اجتماع أحضره بمناسبة أول اعداد لحملة بيئية لأحضرها للحفاظ على البيئة والعمل على مشروع قانون ينادى به نشاط شباب للحفاظ على البيئة بعد فاعليات مؤتمر عن المياه كان قبله بشوية كتييير

وبالصدفة فى نفس الوقت بعدها بسنتين كنا بنحضر بمناسبة تأسيس مشروع مبادرة عايزن نعملها جمعية أيام ما كنت لسه عضوة فى نادى إذاعة صوت امريكا من بعض اعضاء المركز الثقافى واللي اتصادف إنهم كانوا زملاء مشروع أصوات شبابية فى منحة الأميديست وكان بيهدف لحاجة اسمها: مشروع التكوين المعرفة الفكرى لأجيالنا الجاية...حاجة كدة

وبالصدفة برده بعدها بسنتين فى نفس الوقت كنا بنعمل بعد تأسيس رابطة للشباب كان الناس مصريين إنها مبادرة نعم..وكنا بنجرى زى النهاردة فى أروقة مكتبة الإسكندرية استعداداً لإحتفال بافتتاحها ..وبنعمل تعبئة شنط مشاركين وقوائم متطوعيين..وحاجات من كدة نسيتها وبفتقدها من سنين دلوقتى

وبالصدفة وبرده بعدها بسنتين وبالصدفة استلم من الشركة اللي كنت بشتغل فيها شهادة عن إكمالى دورة تدريبيبة عن جودة إدارة الأعمال وحاجة تانية اسمها سيجما 6

وبالصدفة وبعدها بسنتين وفى نفس الوقت كنت براجع مسودة دراسة كانت قدمها قدم السعد عليا واللى كانت اطبعت فى كتاب..واللي شفت اسمى ولأول مرة فى كتاب مشاركة فيه مطبوع بره مصر

وبالصدفة تانى وفى نفس الوقت بعدها بسنتين كنت بحضر اجتماع لفظ النفاس الأخيرة لحلمى رسمياً

ومخاض طفل ميت لحمل دام 9 سنوات ...كان فيهم وجوه كتير..وذكريات أكتر

كنت بقول بسن الثلاين هقف مع فلان وفلان ..وأقولهم فاكرينى أول مرة شفتونى كنت إيه ورحت فين..ودلوقتى رايحة فين

كنت كاتبة إنى هقول لحد خلى بالك: إأنا مكنتش أعرف إنى همشي الطريق ده ولا كنت عارفة سكتى ..أنا كنت ماشية مع أخويا وصاحابى اللي كبرت معاهم...وكنت عايزه أحتفل معاهم وأقلهم شكراً بجد على كل لحظة ..لأنى كنت محظوظة بإنهم سمحولى أبقة معاهم.وأعيش تجربتهم وأتعلم..وكمان مش بس أتعلم منهم..وأتكلم وأفهم الكلام اللي كان بيقلو ناس عجيبة بتطلع علينا بعناوين وأخبار وشعارات منعرفش منها إلا التترات...كلام ملموس ..كلام ينفع يجي منه.

واللي بدين لهم بفضل كبير..وأحياناً كتير بشكرهم ..واحياناً أكتر بقول منكم لله لأنكم خلتونى أحلم إنه ممكن

ومش أى حلم...

...لأ وبحلم حلمهم

حلم أكبر من الخيال..حلم موته من المحال

كونتينير حياتى

دخل راسه أكتر وأكتر فى الشاشة اللي قدامه..وبيحاول يعلى الإم بي ثرى على اقد ما يقدر..وقال إيه مش مركز مع مدام/نجوى ..والهبلة التانية اللي اسمها مدام/ سلوى..ما جمع إلا ما وفق نجوى وسلوى فى مكتب واحد وأنا ديك البرابر...الله يسامحك يا قبطان

النهاردة الخميس يا سوسو...ههههه...ضحكتها نجوى بميوعة معبية بريحة باكبورت السجاير اللى حولها لرجل أقرب منها لإمرأة .ورامية نظرة على عادل ..وقال ايه بتكلم العقربة التانية سلوى

والتانية مصدقت ترد وتقوم تعدل الأوراق قال ايه الهوا طيرها ..ومصمصة شفايفها: هو الإيه سي ده بقة مش هيتصلح بقة يا مدام/ نجوى ...الله....أوبس سورى يا بشمهندز

بص عادل من تحت نضارته الرفيعة وبيفكر جدى وبعمقا..الله يحرقكم إنتم الجوز...ده أنا مش طايقكم ساعتين على بعض عمي مين اللى اتهببوا واتجوزوكم ...وقال ايه اللى فاكرة نفسها حماة المستقبل لى عايزة تجوزنى بنتها...يك خى
دى كرهتنى فى طفولتى لأنى افتكرت إنى كنت بتفرج على برنامج ماما نجوى!!!! دى ضيعت مش بس معالم الأسم ...دى ضيعت كل الستات من قدامى ...يامصبر الوحش ..ما علينا خلينا نشرب الشاى

حتى الشاى طعمه ماسخ زى الأيام الهباب ..يتوب علينا من البلد ..أنا عارف ليه مفيش سفرية راضية تضبط ..وكندا تانى مرة أترفض...هووووووف

لسه بيضرب لعاطف يجيب نسكافيه...الموبايل رن..لا مش ممكن..مييين ..إزيك يا معلم فينك؟ يا راااجل ومصطفى كمان....لا لالا لازم أجى ..الساعة كام ع التجارية تمام...بتقول ايه مش سامع
-قالها وهوبيطنطط أخيراً حجة هقوم من المخروبة دى وأشرب الشاي عند الواد عاطف- بتقول ايه يا ابنى...أنا عندى شبكة مش عارف الموبايل ماله...استنى استنى...أيــوة كدة فل...قلتلى هتروحو فين؟؟؟ التجارية قشطة أوى...هتقابلو حسين فين؟ عند الشيخ على الساعة كام؟؟؟ لالالا معاك طبعاً أنا هطق من الزهق...بقولك الواد طارق حفل توقيع الكتاب بتاعه "زقاق الفيس بوك" النهاردة فى ديوان العواطلية ..تيجي؟؟

خلاص يلا بينا ..هقابلك هناك 9ونص ...سلام يا معلم

يااااااه ...عاطف إيه الحلاوة دى...عندك إيه بيتاكل؟؟ ضبطلى الشاى التمام يا طيفة ...يلا

وفجاة التليفون رن...الحقنى يا بشمهندز الكونتينر اتسرق...مييين ايه يخرب بيت أهلك...أنا جى خليك عندك...وجرى عادل على القبطان يبلغه بالمصيبة دى...والشركة اتقلبت طبعاً

وهناك لقاها واقفة بتشرب سيجارة على المركب..مين دى وبتعمل إيه؟؟؟
دي الست داليا

داليا مين...صاحبة الكونتينير يا بشمهندز...بس إيه زى ما انت شايف حاجة 10/10 من كلو خريجة الجامعة الأمريكية كمان....أهلاً...أهلاً...ناقصة هبل وغباء...هو أنا زغتطنى من بطنها وهى بتقول انزل الهى يبليك بطوبة معطوبة متمثلة فى أنثى فى كل خرابة....يارب ...ليه بتسلط عليا الحريم الغبية ..ليه ليه..أنا عملت ايه فى مين

بصلها وابتسم ..وهز راسه بالتحية...مساء الخير يا فندم...انا عادل من شركة "انسبكيشن فور يور جود" وحضرتك حسب ما عرفت من شركة أونلى سكاى آند إيرث ليمتيد..مش كدة؟؟

أهلاً..أهلاً

بصلها.وهوبيمسك الموبايل اللي بيرن ..بعد إذنك الموبايل

آنسة/ داليا أنا آسف لازم أمشي علشان أعمل المحضر

هى بترقب : محضر إيه؟؟

لا لا متخفيش محضرنا إحنا..ما إحنا لازم نكتب تقريرنا إحنا كمان..وابتسم بوداعة وبهدوء..وبفرحة أنه هيخلع وبشياكة

من فضلك يا بشمهندز.....

ممم...أهلاً ..انفخينى وقولى أجى معاك...بصلها وهو بيبتسم..وبيقول: أفندم يا آنسة/ داليا حضرتك تأمرى بحاجة؟

حضرتك عندك فيس بوك؟

بصلها نعم يا اختى..جينا لهبل البنات...يلا ضيفنى من فضلك وانفخينى بآب ديتيس : انا المراة الحديدية وبالسيجارة اللي خنقتينى بيها..يلا

قالها: ايوة..وابتسم ومستنى

قالتله تعرف: محمود حنفى...أيوة طبعاً أعرفه معانا من فرع السويس..حضرتك تعرفيه؟

لأ للأسف يا بشمهندز..بس أصله كتب حاجة غريبة على الوال بتاكم على الفيس بوك

حضرتك بتقولى الوال بتاع جروب شركتنا تقصدى؟؟

جوبته بأيوة ...استغرب...خير كتب إيه؟؟

أبداً بعت رسالة باللى حصل...وبعت لينك بالخبر..أظنه صعب إننا إحنا كمان نساعد فى النشر الخبر فى حين إنه التقرير لسه متكتبيش..ولا حضرتك شايف إيه؟

استغرب جداً ثقتها والهدوء,,,وكأنها بتتكلم على حاجة متهمهاش خالص..تعابير وشها بريئة وهادية والنضارة الشمس مش مبينة عينيها وبايدها بترفع شعرها من على وشها ...وبتنفض السيجارة ناحية الماية

بصلها وسكت

لما لقيته سكت..ابتسمته فى هدوء..شكراً على تفهمك يا بشمهندز...أنا مش هعطلك أكتر من كدة عن تقريرك...وأظنه أنا كمان محتاجة أرتب أوراقى وتقريرى ..بس اخلص السيجارة وهدخل علشان المكتب بس..وشورت بايدها علامة توحى علشان الدخان والريحة


وقف شوية وهو مش عارف يقول ايه..طيب اوكى..حضرتك متأكدة إنه أوكى..ممكن أستنى حضرتك لو تحبى؟

لا ميرسي...شكراً لذوقك


وأخيراً الساعة 10 وربع ...هروح...يا خبر ..العيال نسيتهم

ألو أنا آسف..بجد آسف...جتلى مشكلة فى الشغل ولسه هخرج من المينا حالاص...انتم فين؟ طيب انا جيلكم

وعلى باب الشيخ على...لقاها واقفة..أهلاً ...أهلاً...هو إنتى منهم ميبينش عليكى خااالص

إزى حضرتك يا آنسة داليا أرجو إنك تكونى بخير بعد اليوم الطويل ده...حضرتك بتعملى ايه هنا

أنا أبداً مستنية صاحبتى كانت بتجيب فلوس من الماكينة ورايحين الأوبرا..إنت رايح إنت كمان النهاردة "الليلة الكبيرة" بقالهم سنتين معرضوهاش...أظنها هتبقة حلوة..إيه هو النهاردة ممكن لبس سبور؟

بصلها وابتسم لأ...بس كنت رايح اعدى لواحد صاحبى وأجيب كرافت أصلي نسيتها...حضرتك هتكونى قاعدة فين؟

أنا لسه مش عارفة هقعد مع أصحابى..خلاص أوكى أنا أول ما هوصل هبعتلك مسج...سهرة سعيدة

وطلع جرى على النبى دانيال يدور على أول كرافت فين
:))

حبينى بقة

وقف عادل قدام المراية وبيتأمل فى البدلة وممم ويا سلام على الحتة الا روش ,,,ورشة وبيحلم وبيبتسم بثقة أوى لما شاف تأثيرها على داليا ...... لأنه عارف يعنى الفريجرينز بعد الأفتر شيف ...ويا سلام لو كان أكوا كريم بعدها أنسي حاجة إيـــــــــــــه...هدوب البت...والصراحة أنا عايزها تدوب وأدوووووووووووووب بقة

يااااه....آآه...مممم

مفقش إلا على صوت أمه يلا يا عادل: حاضر حاضر..بس إيه ده أنا قلت للحلاق الحيوان يخفف من الجانبين..الغبى ابن الهبلة مقصش عدل باين بوادر الصلعة يا بن الجزمة والشعرتين البيض شكلى ولا فى الأربعين...كبرتنى يا حيوان ...الحمد لله لسه على الأربعين شهرين...يا حيوان ..يا أمى استنى حاضر حاضر...فين الماكينة دى كمان..الله؟ هو يوم باين من أوله انا مش متفائل

بسرعة ضبط عادل المسائل ورشتين كدة بسرعة من اكوا دى روم ..هفتحك يا روما :)

..يلا خلينا نخلص..
والله انا واد جامد..هتلاقى الترابيس دى فين...طول وبعرض ..ومن غير كرش ...أخيراً هتنور البيت نجمة وتكمل حياتى وبنت ناس وكل حاجة مترتبة وجاهز ومخلص

ونزل عادل بيسابق السلالم وبسرعة أكد على محل الورد ,,البوكيه اتبعت ولا إيه..أنا عايز أدخل وألاقى جنينة هناك..منا لازم أضبط المسائل

ماما هى الشيكولاتة لفتها حلوة ولا نجيب حاجة تانية
وتابع كلامه من غير ما ينتظر إجابتها

طيب نتصل ناكد تاني...هى طنط مودها عامل ايه...أنا هكلم داليا تاني..بس مش عارف ليه بتتأخر فى الإجابة..أخر مرة أخوها الغبى رد عليا..متخلف بيرد ع تليفونها ليه..من كتر حبى فيه هكلمه على تليفون أخته..يلا لأجل الورد ينسقى العليق

هه يا ماما مبترديش ليه...أدينا وصلنا..حضرتك إنزلى عقبال ما أركن..ولا أقولك أحسن ننزل سوا وأخلى البواب يركنهالى ماهو عرفنى

السلام عليك أهلاً يا عمى...إزى حضرتك يافندم أتمنى أنه حضرتك فى أحسن حال
أهلاً أهلاً يا طنط ولا أقول حماتى ..بس الله ما شاء تبارك الله

احم ...احم ..السلام عليكم

ابتسم عادل وجلس بوداعة مبسوط وفرحان...وميمنعيش إنه من لحظة للتانية بيلعن الرسميات اللي ملهاش لازمة..هى الناس ليه مبتجبيش من الأخر وتخلص..وليه لازم ندل محشورين فى إزيك وأهلا,,,يلا خلصونا..هى فين دي كمان...مبترديش ليه ع التليفون...طيب أبعتها لها مسج أطلعى يا هانم...خلاص عرفنا انتى قمر..ولا اقولك انا معنديش مشكلة ..ملحقتيش تلبسي قشطة وبيس يلا تعالى حتة نبقة قاعدين على راحتنا..أهو ده عيبه ..الأجانب بينجزوا..معندهمش كتير يلبسوها هى حتة وخلاص...لكنا هنا سبع طبقات وخيمة..ما علينا

أهلاً بحضرتك..أبداً يافندم ..أنا موجود ..على فكرة أعتذر مرة تانية ع التأخير ماما بقة ..حضرتك عارف بقة
وطبعاً مبصش ناحية أمه اللي بتبصله بذهول وعادى جداً

وأخيراً زيست ..جت الهانم..يخرب بيت أهلك..إيه الحلاوة دى..أنتى حلوة أهه بس النهاردة جامدة جامدة يعنى..شكلها هتبقة جوازة عسل إن شاء الله

وبعد الرسميات والبيع والشراء والتفاصيل وكلو كلو..وقت العصير ووقفة البلكونة

أخيراً...أخيراً..ممم

إزيك يا داليا....إيه مكسوفة...أخيراً الحمد لله...بس ايه ده

ايه ساكتة ليه يا بنتى...مش تحبينى بقة...آمال أنا خطبتك ليه
!!!!!!!!

الباب المقفول

اتقابلو على العشا...اتعرفوا على بعض عادى ..ابتسامات مجاملة ..كلمات عادى...الناس قاعدة بتضحك عادى..اللمة حلوة عادى

لكن هو اللى مكنش عادى...شافها وعرفها..مع انه كان أول مرة يقابلها

كانت هى بكلامها..بنظراتها.وبكل ملامحها هى

بس هو ..مكنش هو

تابعها ..ابتسمتله عرف بسمتها

اتكلم معاها ..مش لأنه عايز يتعرف ولكن علشان عايز يتأكد..واتأكد


مشت نداها.ابتسمتله آسفة نسيت أقولك سلام..تصبح ع خير

مشت ونست نفسها فى عتمة الليل

راح وقف على باب أودتها يسمع أحلامها ملقاش نفسه فيها رجع


رجع..وهى بتحضن دمعتها خايفة من الوحدة



وعلى بابه وقف...وافتكر الباب المقفول


وهو لسه مستنياها تفتحله ويجيها

الراجل بيعيط وإحساساه بيوجعه!!

النهاردة فى سابقة لطيفة من نوعها لقيت بواب العمارة وانا طالعة ع السلم لقيته واقف على الباب ويببص ناحية باب سكنه وبيتابع زعيق وخناق اتنين ستات -صوتهم مش عالي أوى بس مسموع (طبعاً مش بواب عمارتنا وإلا لكنت رميته تحت الترام ورمتنى وراه)المهم طلعت وأنا مش فى بالى

لكن أكيد أكيد بعد كدة بقة فى بالي وأنا نازلة...لأنى ببساطة لقيته واقف على الباب بيعيط وبينتحب وبيقول: "يا أبويا" يا أبويا يا انا"...وصوت واحدة من الستات بتقوله "أجعد يا أبا متخافيش جلتلك أقعد"...والراجل بيبص ناحية الباب وكانى مستنى ماما زونبى

ولقيتنى ببص أنا كمان..ولقيت اللي عمرى ما كنت اتخيله
!!!!!!!!!!!!!!!!!!!!!!
v
v
v
v
v
v
v
v
v
v
الراجل خايف يقعد ليضرب من مراته...وبنته بتحوش عنه
!!!!!!!!!!!!!!

أتفرجوا يا بنااات أسمع واحدة تقولى حقى ..ياك حؤ منك ليها

Need a Telescop

I am not a futurologist,,,I am not astrologer... I am not astronomer.... I am not a science fiction author ...nor monopoly-er of any science

but I know the side effects of not to use my mind...so plz keep ur atomic waste away, my mind got enough...al.hamdoelah

you don't need a telescope to think deeper thoughts nor to be modernlized....fanzel mn 3la wedany ..we ela al.ga7eem ya aba laheb ..or let me enjoy mine ;)

نصرانية وأفتخر

فى خبر من الأخبار اللي بتعدي علينا كل يوم ..وتجيبلي السكتة القلبية...والدماغية..وشئ من الشلل الرعاش عينة من مثل هذه الأخبار:

"هيئة شملي حائل تقبض على وافد احتفل بحمل زوجته": واللي الخبر بيتناول فيه -على حسب ما جاء فى الخبر "كوبي وباست": تحولت فرحة مزارع مصري احتفل بنبأ حمل زوجته الذي انتظره 6 أعوام إلى كابوس مخيف بعد احتجازه في مركز شرطة الشملي بحائل لعدة ساعات. وكان أشرف قد دعا نحو 200 من أبناء جاليته لحفل نظمه في إحدى الاستراحات بمدينة الشملي (170 كيلو مترا غرب حائل) قبل أن يتدخل أعضاء مركز هيئة الأمر بالمعروف والنهي عن المنكر لتفريقهم واقتياد أشرف إلى الشرطة.

http://www.alwatan.com.sa/news/newsdetail.asp?issueno=3446&id=139273&groupID=0

المهم بغض النظر عن الخبر صحته من عدمه..استوقفنى الجزء ده:أن التعليل الرسمي للخبر من قبل الهيئة /السلطة السعودية الآتى:

قال الناطق الإعلامي في هيئة الأمر بالمعروف والنهي عن المنكر بحائل مطلق السميحان إن أعضاء هيئة مركز الشملي داهموا إحدى الاستراحات التي شهدت احتفال جالية أجنبية أزعجوا جيرانهم، واستعانت الهيئة برجال الأمن لتفريقهم والقبض على المسؤول والقائم بالحفلة.

كما قال الناطق الإعلامي في هيئة الأمر بالمعروف والنهي عن المنكر بحائل مطلق السميحان إن أعضاء هيئة مركز الشملي داهموا إحدى الاستراحات التي شهدت احتفال جالية أجنبية أزعجوا جيرانهم، واستعانت الهيئة برجال الأمن لتفريقهم والقبض عن المسؤول والقائم بالحفلة. وأضاف السميحان: الجالية جهة غير رسمية ولم يصرح لها بالاحتفال، وقال: الحفلة صاخبة ومزعجة للجيران، وتمت إحالة القضية إلى الجهات المختصة.

يا ربي ...لا بجد ...يا ما شاء الله- خلاص وصل بينا الحال فى بلادنا إنى لما أحتفل وأفرح "أخد أذن من السلطات..ممكن أفرح لو سمجت اصل مراتى حامل"!!

يا لهو بالي...ألطم بإيه..

صحيح بما إنى ذكرت اللطم :

هل يسري الأذن أيضاً فى حفل القرح برده، ولا هنا مش هتبقة مشكلة علشان هشغل قران..ماهو الأتنين صوتهم عالي ومع كل إحترامي

لأ وكمان ايه اللي ينقت فى الخبر -على حسب المواطن المصري المتهور والمتجرأ إنه يقول يلا افرحولى يا أحباب (وكوبي وباست برده)-:

أشرف، الذي يعمل بمهنة مزارع في السعودية منذ 12 عاما، عاش ينتظر نبأ حمل زوجته بعد كل إجازة يقضيها معها في صعيد مصر، يقول: عندما عدت للعمل قبل أيام في السعودية نقل إلي نبأ حمل زوجتي فعزمت على الاحتفال وجمع أصحابي واستأذنت أحد أصحاب الاستراحات لإقامة الحفله واشتريت منه خروفا لأولم به. ويضيف أشرف: بعد العشاء، وبحضور أكثر من 200 مصري إضافة إلى كفيلي، قمنا بتشغيل بعض الأغاني، وتفاجأنا بأعضاء الهيئة الذين اقتادوني للشرطة واتهموني بأنني نصراني وأنني أحتفل بـ "عيد مش عارف إيه الكريسمس" حسب تعبيره. ويضيف أنها المرة الأولى التي يدخل فيها مركزا للشرطة، قائلاً "لو علمت بما سيحدث لأجلت الاحتفال حتى أعود لمصر" موضحاً: لم أقتل ولم أرتكب أي خطأ ولم يجرحني سوى اتهمامهم لنا بأننا نصارى ونحن من أمة محمد، ولم نخرج من مركز الشرطة إلا الساعة الثالثة فجرا. وأكد أشرف أنهم لم يزعجوا الجيران وجميع الاستراحات المجاورة سكانها من العزاب والمصريين، ولا توجد منازل قريبة منا، مضيفاً أنه سيتقدم بشكوى لحقوق الإنسان، لتنصفه.

يعنى سؤال يعنى إيه "نصرانى وبيحتفل بالكريسماس"؟طيب ولو هو كده بيوت الناس تتدخل كده من غير لا أحب ولا دستور..بيتجسسوا على الناس فى بيوتها!!

فين دينا اللي بيقولنا السلام...ده أحد أسمائه -عزوجل- السلام..الودود!!

فكرونى بالفتاوى اللى بتحرم التعييد والتهنئة بالكريسماس ... يعنى إيه..جاري وصاحبي عايزة أقوله كل سنة وأنت طيب..بطلت ..حرام..إنسانياً يا اخى ..الله

يبقة ربي اسمه "الودود" وأنا "أضايق" خلقه..بدل ما "أودهم"...يعنى بجد مش عارفة أقول ايه

كل يوم يطلع علينا ناس غريبة بفتاوى وآراء غريبة ومواقف أغرب ويقولولنا مش عارف ايه...يعنى بجد بجد من امتى أصبح التشدد العنصري أحد ملل دين الإسلام؟

(وعلشان محديش يتذاكي عليا..برده فى ناس مش مسلمين عايزين ضرب النار..ودي استعارة مكنية)

الأصولية والعنصرية كلها ألوان قميئة على مراية الجهل والرجعية

دينا جه نصرة للحضارة الإنسانية وإنتشالاً للآدمية من نار العبودية: واللى أشدها العبودية الفكرية والطائفية القبلية

أحداث كتيرة مرت علينا فى الفترة اللي فاتت خلتنى أبكي وأقول حرام عليكم كسفتونا ...كفاية حرام

ولو النصرانية جريمة دلوقتى (تمنع الناس من الإحتفال والفرح وفرص المساواة والحق فى الحب والعيشة الحلوة بتاعة أيام زمان -أيام الفن الجميل - الأبيض وأسود...أيام ماري منيب وفؤاد المهندس-) فانا بقولها أهو وبعلو الصوت: نصرانية وافتخر

نصرانية لأنى مسلمة..أؤمن بعيسي وموسي

نصرانية لأنى مسلمة...أؤمن بنصرة أخوتى فى الإنسانية

نصرانية لأنى مسلمة...أوؤمن بنصرة قيم دين الإسلام ..فهو دين السلام ..كتابة الفرقان..من رب السلام...رب العالمين

======

Amira S.
Tue. March 9, 2010

بنتى ب100 راجل

أخرسي مش عايزة أسمع نفس...حسك عينك أسمع صوتك...نزلى عينك فى الأرض وانتى بتكلمي الأكبر منك...عيب تقعدي وانتى حاطة رجل على رجل قدام الأكبر منك.. البنات المؤدبة متفرديش شعرها فى المدرسة يا بنت عيب... أربطي الكرفت ونزلى الشميز، إنتى فين هنا فى سوق السمك علشان تشمري كمك بالشكل ده..وقفلى الزراير للأخر...إيه دي الجووب فوق الركبة ليه، خلى الماما تكلمنى فوراً، وألبسي شراب تقيل بعد كدة...إيه الدوافر الطويلة دى تتقص فوراً يا سيستر فتكات شيلها الحاجات دي فوراً...تعالي هنا إيه ده فى حد يشيل الكتب كدة؟؟ بقينا خلاص زي الولاد بنربط الكتب بالكرفت؟ يلا البسي الكرفت بلاش قلة أددب...

إيه ده إنتى عايزة ترقصي؟؟ بلا قلة أدب ومسخرة، قومي ذاكري....طيب ممكن ..ممكن إيه؟؟ مش قلت قومي تبقة قومي...يلا ..البنات المؤدبة تسمع الكلام من غير نقاش...بنات أخر زمن

وفى مرة كدة فى ساعة صفا (واللي فى الغالب بتكون فى غفلة من الزمان): ماما..ماما فاكرة حضرتك لما قولتيلي بلاش كذا ..ممكن تقوليلي ليه؟

ههه...وبعدين معاكي لما تكبري هقولك..روحي قومي ذاكري يلا...يلا ...الله يلا يا اميرة
يا ماما ..أيوة حاضر...بس عايزة أقول لحضرتك حاجة واحدة..إحنا فى الصيف...واجازة

(الآباء والآمهات مبيغلبوش): إنتى هتفكرينى انا موجهة يا أميرة...حضري للسنة الجاية يا حبيبتى..أنا مش جبتلك الكتب الجديدة..جري عينك عليهم يلا يلا يا شطورة

بس يا ماما..مش ممكن المناهج تتغير السنة دي

لا لا يا حبيتى ..قلت قومي...يلا ...يلا...مممممم


اتربينا على حاجات كتير منها صح..وكتير منها محتاج إعادة نظر
فى كل الحالات كنت هسمع الكلام (لأنه بمنتهي البساطة أنا لازم اسمع الكلام..وبكل صراحة) بس كنت هبقة مبسوطة وأنا بسمع الكلام وانا فاهمة ليه ده غلط وليه ده عيب

وبالتالي لما كبرنا بنفوجئ بينا بنعمل حاجات ..وإحنا مش متأكدين هى فعلاً غلط...ولا علشان الكبار قالوا كدة..فهى تبقة كدة

يا تري أنا مع أولادي هقولهم كدة ..وهعمل كدة..

وليه دايماً دايماً...إنتى فاكرة نفسك ولد ولا إيه؟؟
ولما كبرنا: إنتى فاكرة نفسك راجل ولا إيه؟؟

بس فى الأوقات المعينة إياها يجي ويتقالك: بنتى ب100 راجل

!!!



=================

Amira S

Mon. 8 March, 2010

ليلي بيعشقك

ليلي بيعشقك ..علشان عارف إنه فجر اليوم الجديد هيشرق على نور حبك

نهاري بيعشقك..علشان عارف إنه نسيم العصاري هيبعتلك سلامي


يومي بيعشق ...علشان عارف إنه هيختم تعبه فى كنف ليلك

شوقى بيعشقك....علشان عارف إنه هيدوب بين أحضانك

ضعفى بيعشقك..علشان عارف إنه هيتحمي فى جناحك

عيونى بيتعشقك ..علشان عارفة إنها هتنور بنور عيونك

كلماتى بتعشقك..علشان عارفة إنه هتسمعلها بودانك


أحلامي بتعشقك...علشان عارفة إنك بطل غناويها

===================
Amira S.
Friday, February 26, 2010

فى القلب تصحر

أغنية جميلة بسمعها لمروان خوري "يا من بدمعى" ....كلمات الأغنية فظيعة جداً...عندما يتجبر المحبوب ...ويذل المعشوق ....ياااه يا من بدمع المحب تعطر وبعتم ليل المحب تكحل الحبيب....يااااه ع الكلمات ...وياااه ع الوصف ...ولما بيقول: القلب تصحر .....ولا لما تيجي الأغنية اللي بعدها بينادي محبوبته من قصر شوقه ...بيناديها بيا من يري فيها أم أولاده... ياااه على الروعة

ياااه على الإحساس...كتير من الأغانى بتتكلم عن مشاعر بنحسها ...أو بنحلم نحسها...أو حد يحسها لينا

فى أخر يوم فى السنة ببص على السنة الجديدة بنظرة شايفة فيها أم أولادي برده...بس مش زي أولاده اللي فى الأغنية.... أولادي اللي فى الأغنية هم أيام عمري الجاي

كل سنة زي النهاردة بحلم وبأمنى نفسي بغنى هغير حياتى والكون كله من حولى فى السنة الجديدة...بحلم وبحلم وبحلم

وبطييير فوق فوق أوى...وبرفع راسي علشان أحلم فوق السما العالية لغاية لما رقبتى تتقطم ....وعمودي الفقري يطقطق... وعينى متشوفيش الحلم إلا فى منامي ...وأحلام يقظتى

والسنة دي بقة قررت بالعند بقة إنى مش هحلم...أنا قررت قرار لطيف إنى أعيش نيتى كده وأخليها هي اللي تحلم لى

مرة حلم حلو ومرة حلم مر

وهعيش مع أحبابي أحلامهم ..ماهو أصلي اكتشفت إنه لما تعجز أحلامنا عن تحمل أجسادنا الواهنة وأرواحنا المتعبة ..ده مش معناه إن أحلامنا فشلت...هي يمكن يكون إننا تقلنا عليها أكتر من الازم ...أو معرفناش نحلم صح

وبالتالى أشوف حد بيعرف يحلم وأحلم معاه

ماهو يا أما أنت تعيش الحلم...أو تعيش مع اللي بيحلم الحلم...أو حاجة تالتهة خاااالص ...تخلى الحلم يعيشك

شوفى يا سنة يا اللي جاية عليا ...شوفى يا عشرة ...أنا قررت إنى هعمل معاكي ومع سنين عمري عشرة...هعيشك وأخليكي تعيشينى... أحبك وأكرهك ...أفرحك بيكي وأزعل عليكي....مش عايزة ألوم عليكي زي ما كنت بلوم على أخواتك

مش هقدر أوعدك إنى مش هاخد على خاطري منك..يعلم ربي إنى بكلمك وفى القلب صحرا جرداء ...صحراء بتحلم بواي أخضر .ا....
وجندول ماية يروي نخلات باسقات فى مهب الريح ...فى عز العواصف ..واللي بتحلم بفروعها مزهرة برطب يرطب ويزيل بحلاوته مرارة الأوجاع

يا سنة 2010 كونىسهلة المعشر ...كونى عُشِر بكل ماهو خير وبركة وسلام ومحبةء ورضا بقضاء الله وقدره...علمنى إزاى أعيشك

علمينى إزاى أحب أيامي معاكي.... عاشرينى بما يرضي الله

George Galloway نفسي أفهم

http://en.wikipedia.org/wiki/George_Galloway

مع كل احترامي لكل المشاعر الجميلة اللي بيكنها السيد المبجل/ جورج جالوي للجاليات العربية -وخاصة نسائها- ومع كل احترامي
لمجهوداته تجاه قضايا الحرب والسلام فى المنطقة الإسلامية


ومع كل أسفى لعدم إدراكي ليه عقلي اللي بياخدنى فى مناطق لا يجوز التفكير فيها...ولكن رغماً عنى بلاقي عقلي اللي نفسي ياخد اجازة شويه بيروح هناك

تابعت زي ملايين الناس تنديدات النائب المحترم والقديس المدافع /جورج جالوى عن القضية الفلسطينية تنديداته بالحكومة المصرية والقائمين عليها لعدم سماحه بالمرور بالكام كيلو اللي معاه من معنونات لإنقاذ جوعي الفلسطينين فى الأرض المحتلة -واللي على حسب ما أظن إنه الإحتلال جاء نتيجة إنه بلد النائب المذكور هي اللي عملت لنا الصداع ده كله من الأساس، واللي على ما يبدو جايين هنا على الحدود المصرية النهاردة يغسلو ماء وجههم بإراقة ماء وجه المصريين بعد كل هذه السنين- وكيف إن المصريين الخونة وزعيمهم اللي لا يعرف الانسانية ووزير خارجيتها المنافق أبو وشين مانعيين الحاج الزائر
للأراضي المقدسة فى أعياد الميلاد المجيد بالمرور

تابعت بشغف مع الملايين على التلفزيون الرسول المنتظر المؤذن لميلاد صلاح الدين على الأجراس المجيده ، واللي بدق فصل جديد من القضية الفلسطينية ومآساة شعبها

حدثتني نفسي إنه الناسك العابد هو قدوتى المبتغاة فى عالم اختلط العابل على النامل-ولا مش عارف بتتقال إزاى- وإنه فعلاً أهو النبي المرسل لنا من عناية السماء -من باب ولقد شهد شاهد من اهلها- هو قدوتى ..ومادام سيكون قدوتى فيجب ان أسلك نهجهه

بحثت عنه ..وكل ما أبحث كل ما ثارت تساؤلاتى عنه مين وليه

من ضمن علامات الإستفهام ما دام هو ضد الهولوكوست اليهودي كما اعلن -والهولوكسيت الإسرئلي إيه معنى الصوره دى فى مسيرته !!





http://gerontios48.files.wordpress.com/2009/07/jew1.jpg

يعنى مش فاهمة الأمن الإسرئلي بيأمنه ولا ايه مش فاهمة يعنى ..ولا الشباب المنور دول شباب أمن حماس...وأكيد بقه على كده اللي واقف جنبه "هنية- نيو لوك" وأنا بس اللي متابعتيش أوى خطوط موضة الساسة

هل هو مدافع حقيقي عن الأخلاق يستحق إنى أتبناه كمدافع عن حقوقى وحرماتى...ولا هو عاشق لحرمات نساء المسلمين..هو مسيحي وأسلم ولا إيه؟؟

على أساس تعدد علاقاته بنساء مسلمات ..ولا دي اكاذيب ..ولو هى أكاذيب ليه مذكور منها فى صفحته على الويكبديا وفى موقعه الرسمي
!!!!
http://en.wikipedia.org/wiki/George_Galloway

يعنى مش فاهمه معنى تعدد علاقته بالنساء العرب والمسلمات ، اشمعنى المسلمات يعنى؟ إيه اللى فى نساء العرب دون الغرب، وتنوع العلاقات بين الزواج، الخطبة، أو حتى العلاقات العابرة
!!!

"Mr Galloway and Dr Abu-Zayyad have been estranged for several years, and in May 2007 he had a son by his Lebanese researcher Rima Husseini."

http://www.telegraph.co.uk/news/newstopics/celebritynews/4292303/George-Galloway-divorced-over-unreasonable-behaviour.

أنا آسفة لكن عندي مشكلة مع كل من هو متعدد العلاقات النسائية .....يعنى بجد مش بقدر أفهم واحد بيستبيح حرمات النساء بأى شكل -بغض النظر عن مسمي التعدد: سواء بإنه يتزوج ثم يطلق ليتزوج بأخري، أو بيكتفى بالخطبة ليخطب أخري، أو بيبقة كده مقضيها محبة مع بعض كدة وبالنفس الحلوة – مش بعرف أستوعب إنه ممكن شخص زي ده يدافع عن حرمة مقدسات ...لا أستصيغ فكرة من يغزو النساء يدافع عن الأرض...فكلاهما أنثي ولها قدسيتها وشرفها الذى لا يدنس

البيت كبر ولا صغر ..مش تفرق كتير بالنسبة لى إذا ما تمت خيانته...فى الأخر هو بيت اتخان....

يا من تنادي بحق الفلسطينيات المغتصبات ..والأرامل الثكالي ...يعنى إنت مش عارف تصون حرمة بيتك الصغير ..هتيجي تعلمنى إزاى أصون حرمة بيتى أنا ..والبيت الكبير كمان...اتق الله

While most MPs go to Parliament George was seen dancing on the show in a leotard and imitating a cat drinking milk on actress Rula Lenska's knee.

ممكن يدافع عن أى شئ أخر لكن ليس الحرمات...آسفة عقلي عاجز عن فهمه...وعقلي عاجز ليه رجال حماس شكرو له وجميع الناس شكرت له وقفته ..ولم يعر أحد قوافل المصريين ووقفات المصريين -من قوافل نقابة الأطباء اللتى لا تنقطع وهى شهرية ، ولا قوافل الحركات الشعبية واللي غالباً ما بينادى بيها الأخوان المسلمين بغض النظر أنا مع ولا ضد الأخوان-، ونقابة المحامين...والناس العادية، وغيرهم غيرهم---ولا هى عقد الخواجة

لا يا عرب أنا آسفة ...مصر والمصريين عمرها ما باعو القضية الفلسطينية ومن حق مصر تدافع عن مصالحها..ومع احترامي للى مضايق انه مصر قفلت الحدود ولا هتنبي سور -بغض النظر عن رأيي فى حكاية الحائط ده ولا السور ده - لأى سبب يجي يقف ويوقف أولاده هو على الحدود...وفين الاعانات اللي رصدت لإعمار غزة بعد الغزو...ولاهو كلام ...وإحنا علينا التنفيذ...أعتذر ..

أنا مصرية وأفتخر

ومش هيجي حد يدينى دروس فى الأخوة ولا إزاى أتجاوب معاه ولا مع مسيرات فيها عناصر أمنية اسرائيلية -للمرور على الحدود المصرية ..واللي كتير من أهلى ماتو علشان يبقه عليها حرس وطنى مصري مش أى جنسية تانية

أنا أنادى بالسلام والمحبة عندما تكون محبة بجد ..وليست قائمة على إزدراء رموز الشعوب ...وأنادي بالسلام وليس الاستسلام أو تدنيس المقدسات...

أرفض المساس بوطنيتى وإخلاصي

أنا أنثي فعارفة يعنى إيه نزوة وحد يتحرش بيا حتى ولو كان بمجرد نظرة أو كلمة سخيفة اتقالت من واحد معدي جنبي فى الشارع وأنت يا سيدي لم تحترم حق المرور ..وتحرشت بي...بتنديدك بأمي مصر...وملكيش فيها أنا وهى كويسين ولا هى زعلانة ولا أنا زعلانة منها...حضرتك مالك..أعذرينى من تدخل فيما لا يعنيه سمع مالا يرضيه....آسفة أنا لست واحدة من نساء فراشك

أو قولى إنى غلطانة ومش فاهمة حاجة..وإن دي نقرة ودي نقرة تانية..

أرجوك قولى ...وفهمنى..محتاجة أفهم المعادلة.

يعلم ربي إنى أقدر مجهوداتك بس فسرلي ....ليه و1000ليه؟؟!!

أعذرينى يا رسولى المخلص والأب الحانى على الآم أطفالي فى غزة وفلسطين وكافة البلدان الإسلامية




====Amira Sobeih ====
==Wed. 30 Dec., 2009==

Truly are we who we look like ??!!

some people believe that we are angles in dress of human ....while others think that we are devils wearing human masks .....

Truly are we who we look like ??!!

some of us have faked faces ..draw faked frames...and some not...
most of the times I believe that not all of these people truly realize that they are faking unknown images belong to someone else ...or someone looking to be ....or try hard to be....

so you can see outdoors a person ...and indoors a totally different creature -:(

while others their face and physical features help in drawing faked frames ...good or bad about true who they are...

what I really believe in: that everyone of us; under his skin has the true he\she.

sometimes we can't see this until someone comes and tell us..see your self in the mirror , have a closer look ..plz don't forget who you are -:))

sometimes we keep waiting someone...a special one who confer us a special photos with her\his lens, it might not look like our faces, but it might look like our souls....

sometimes this photo is far away from our reality ..but sometimes we dream to be -:)
while other times we just hate it..... :D :D

and here is a photo i got it...and i used to draw it when i was little small girl....didn't tell my friend that i love that figure ..but expressed how i truly grateful I am :D

so million thanks to remind me to look under my skin ..and dig for me..even if this belongs to real me or not....but at least reminds me with the cartons i used to love and draw :$ :$

Thank you :))))



======Amira Sobei=====
----Mon. 28 Dec. 2009-----

يا من أحبتنى فأغرقتني

بصي علشان نتكلم بصراحة ..لو بتحبنى بصراحة قوليلي ..مفيش داعى بفكر

فكري وخد ي وقتك بس مش كتير أوى يعنى..خلى بالك دلوقتى أنا قدامك بكرة لأ

أنا دلوقتى فاضي ...بكرة عايز أكون نفسي

أحبك تشوفنى وأنا ببدا الطريق..مش هوعدك إنى اللي هعمل امبراطورية أمحتب ...بس أوعدك إنى هفتح بيتنا ان شاء الله

وخلينا نتفق سوا ..لو عايزانى مبصيش على بنت ولا أسلم على بنت ...انتى كمان أعملى كده..علشان اللي عليا عليكي

شوفى مش عايزك جميلة الجميلات بس عايز وأنا ماشي معاكي أفرح بيكي

وأحبك معايا جنبي ..وأحب الناس تشوفنا تقول لايقين على بعض....تعرفي ده هيجي إزاى ؟؟

هيجي لما الناس تبص فى عنيا متشوفيش غيرك..ولما تبص فى عنيك مش تشوف غيري

مش هقول تلغي شخصيتك قدامى...عايزك تبقى زي توآم روحي

عايز نسمع بعض حتى ولو مش مع بعض

عايزك أفكارنا وأحلامنا تعيش مع بعض

عايزك تخالفينى ..ومش كل حاجة حاضر بس أقنعينى باللي انتى عايزاها وأنا هقولك حاضر لما تعرفي تقوليها إزاى وامتى

وكلامنا يشهد عليه الزمان

عايز الناس لما تكلمنا تفتكر إننا شخص واحد بس مع فرق النوع

بس عايزك انتى وعايزنى أنا ...متسألنيش إزاى

عايز أبوكي يفرح بدخلتى عليكم وأمي تشيل ابننا

وأبوك وأخوك وأمك وإخواتك يستنو دخلتى عليهم

كبرينى أكبرك

متعاقبنيش إنى حبيتك...حتى ولو كان حبي هو كل اللي أقدر عليه

أنا حبيتك علشان تبحر سفيتنا سوا فى بحر الحياة ..أنا قبطانها وإنتى دفتها وشراعها

بقولك ايه مش أنا اللي هغنى: يا من أحبتنى فأغرقتني


امضاء
حبيبك اللي ممكن يحب غيرك لو انتى اخترتى ده




===============
------Amira Sobeih -----
----Tue. Dec 22- 2009

حبيبي لا تكن جميلاً جداً

حبيبي أحبنى بجنون ونشوة ...أحبنى كما لو كنت أجمل نساء الكون

حبيبي كن لى أنا وحدى..................ولكن

تأملهن لتعرف من أكون

حبيبي تملكنى فأنا مليكتك ملك لك ........فاعرف مفاتيح مملكتك

حبيبي لبي ندائي ورغباتى......................ولكن لا تطع أوامري

حبيبنى تنسمنى كما تتنسم زهرة ربيع .....يحفو شذاها بين أناملك


حبيبى كن لى رجلاً....أكن لك أنثى



حبيبي أعلم إنى لا أهتم كثيراً بشكلك ولا نعومتك.........فهذا من شأننا نحن معشر النساء

حبيبي أعلم إنى لا أهتم برجال غيرك وأنا معك...........فهذا من شأنك أنت أن تدفعهم عنى

حبيبي أعلم إنى لا أريدك فارس الزمان.............فهذا من المحال أن أتلهف لمحاربة النسوان

حبيبي أعلم إنى لا أريدك حاكم الزمان وفقية العصر....فمالى شأن بحكم البلاد ومصالح العباد

حبيى أعلم كيف تكون حبيبي


حبيبي لا تكن أغنى الناس ..فتطمع فيك النساء

حبيبي لا تكن أقوي الرجال...فتصرعنى قسوتك

حبيبى لا تكن أحد غيرك ...........فأنا أريدك أنت

حبيبى لا تجعلنى أحد غيري معك


حبيبي لا تتلاعب بي و معى......... ..فذاك ما خلقت له أنا

حبيبي لا تانورنى كقطع شطرنجك ...فذاك مالم خلقت له أنا

حبيبي أنا خلقت لتسكن إلى


حبيبي تذكر إنى خير العالمين بنذواتك ..ولكنى بيقين ملذاتى

حبيبي تذكر إنى أعلم الناس بشخيرك......ولكنى هنا بيمينك

حبيبي تذكر إنى أعلم الناس بغسيلك.....ولكنى به ما مفرتة

حبيي أحفظنى أحفظك


حبيبيى أعلم أنك لست أكمل الرجال...ولكن بك أكمل أنا مملكتى

حبيبي كن مليكي ....أكن ملكتك



حبيبي لا تكن جميلاً جداً..................فلا أجد أنا ما أعاتبك عليه
حبيبي لا تكن معى صادقاً جداً.....فلا أجد ما أبتسم له وأغازلك به

حبيبي أشعرنى بالأمان والحب ...فلا أبحث عنهما عند غيرك
حبييى أشعرنى بالقوة والعزة.......فلا أكسر وأذبل بين يديك

حبيبي كن رجلاُ......أكن إمرأة


------------------Amira Sobeih-------------
-----------أميرة صثبيح---------------

Sunday, December 20, 2009

لما بكون أنا

ما بحب أكون أنا..بلاقنى أخدنى أمشي على البحر...وأسيب نفسي أسرح فى الماية والهوا..وأشوفنى نجمة بحر فوق الصخره اللي بعيد بتلمع تحت نور الشمس

,لما بحب أكون نفسي...مبعرفيش ليه مبخدنيش واروح النادي وسط الخضرا والهوا.....

لما بحب أكون أنا...بلاقنى أخد نفسي وأعزمها على سندويتيش طع100 سخن ..وأتمشي مع رجلى أعمل شوبينج وأتفرج على الناس وهم بيشتروا الحاجات..والولاد بالأيس الكريم ..والبايعيين بيبعدوهم عن البضاعه علشان متبقعيش

لما بحب أكون أنا...بعزمنى على السنما فى الفترة الصباحي ولا الضهر لما الناس بتكون فى مدارسها ومفيش غير الولاد اللي مزوغين من المدرسة ..وأسيبنى أتفرج على الفلمين ...الفيلم اللي بيتعرض ع الشاشة ...والفيلم اللي بيتعرض برده قدامى

لما بحب أكون نفسي بسمع الكاسيت...وأغنى وأرقص مع نفسي....واتفرجلى على فيلم كرتون..وأشوف يوتيوب ولا فيلم وقصة كتاب واعملى أكله حلوة وعصير..واكل شيكولاتة وايس كريم

ولما بكون انا ...بسبنى مع أغانى عمر دياب القديمة..وشويه منير.....وكمان يانى وعمر اسماعيل...وصباح وورده ...وأشتغل معاهم وأفكر بصوت عالي معاهم

لمابحب أكون نفسي ...بنزل أروح مرسي أبو العباس ..أدخل هناك ...أقعد فى المسجد أتفرج على الناس اللي داخلة ...وأسمع شكاوهام للشيخ...وأغنى مع نفسي آآآآه يا بشر ..وآآآه يا دنيا على اللي فيكي

لما بحب أكون نفسي ...بسيب نفسي مع نفسي تحكيلي وتشكيلي ...وتاخدنى مع افكاري فى ملكوت الله ,,,وتشهدني على خلق الله


---------Amira Sobeih--------
--------أميرة صُبيح----------

Tuesday, December 15, 2009

شهقة الملوخية بدعة...صدق الشيخ

من شوية لقيت والدي بينادى عليا : يا أميرة تعالي شوفيلي القناة دى إيه..شكلها حلو عقبال ما أعمل المكاللمة دي..اكتبي اسمها ورقمها لو سمحتى ...ي



حاضر يا بابا بس ثوانى...يا أميرة يلا بسرعة وشوفيلي الشيخ ده مين

حاضر حاضر يا بابا

أروح وكلى نشاط ورضا طبعاً ..إنى أسيب اللي فى ايدي علشان أجيب القناة لبابا !!!

المهم أروح وهناك قد كان: ألاقي الشيخ بيقول طيب بسرعة علشان وقت البرنامج نلخص أهم المسائل وتوصيات حلقة النهاردة جيبو ورقة وقلم: فقلت أقعد أسمع ..الواحد بقة حاسس نفسه اليومين دول محتاج شويه نصايح بدل ما ماشي يطيح فى خلق الله ..يمكن أسمع حاجة أطلع بيها ...المهم

المهم أسمع الشيخ بيقول: وخاصة أخواتنا اللي فى المنوفية : شهقة الملوخية بالله عليكي يا أختاه بلاش..شهقة الملوخية بدعة....

وقد كانت الكلمة وقفت وأنا بحاول أتاكد انى سمعت صح...أفوجئ بيه بيكررها وبيعدها قدامى تاني....ننننننعم يا ...يا ...يا ....يا ......فضيلة الشيخ!!!!

شهقة الملوخية..حضرتك نازل من بيتكم ..ونورولك الاستوديو بالاضاءة دى كلها ..علشان تنورنا على الشاشة بطلعتك البهية ...علشان تقولنا شهقة الملوخية!!!

ويا ريته يكتفي...لأ...ده مصمم ي؟!!

النصيحة التانية -واللي المفروض إنى بكتبها وراها- الصلاة على النبي عند رؤية الأحباب لا تصح يا اخوتى الأحباب...مش معقولة يعنى هتصلو عليا لما أكون جاي عليكم...كرمكم الله وإيانا ..هذا لا يجوز ولا يصح!!!



هنا بقه انا انهارت لأ ...ل ...ل ....لا اااااااااا



==========================

=
إضافة و لابد منها ، على رأى عبدالغنى بيه:
كل بدعة ضلالة و كل ضلالة في النار يعني تسيبها تتسوى على البوتجاز و كلها نار ....



=========================

--------Amira Sobeih-----------
----------أميرة صُبيح--------------

Sunday, December 13, 2009

Ms. Magda

Just arrived ....and she was setting over there in front of me on the same table...looking to each others ...eyes keep pilfering glances ...checking the face...for over a couple of hours both of us setting send smiles from time to time ...pretending being busy watching the dancers and the happy couple :)

i was going to leave early but didn't dare to devote my self away :$
chained to my chair ...drowned in her splendid sacredness ...her brown scarf lighted her face with extra beauty blinded my eyes ...hindered me to see how really she looks like ...

in my silence keep sinking .......don't know why was keep waiting her look and smile

it was dark all over the place ..and all these music and dancing ...plus the camera lights make everything look dark ...except her face..shine as a star ...her sparkling eyes jest my curiosity to ask her ...and she will have the answer for any...challenge me to dare :D

and FINALLY here it is the dinner and the lights...OMG..is she the ONE?? i thought she is ??

oh no....she is setting there infront of me after all these years ...looked over here and there wanna ask any one ..is that true ..is she who i think she is !!!

and again her smile invites me again..couldn't resist this time: are you Ms. Magda?

and her smile was like that ...answering: and u were that small little girl who insist to cut her hair garcon :))

oh.. no no wayyyyyyyyyyyyyyyyyyyyyyy she was " Ms. Magda" ...one of the best teachers ever....

she looks the same..she didn't change ...or me the one who will never change infront of her ...

she will be always the teacher..and I am the naive kid seeking her wisdom :$

she is the one... she made me believe ...day after day i discover that she helped me to realize that any other teacher won't be like our school teachers :((

I remember that when i asked her why she is so adorable and smart ?
why we all crazy about her?
why we all respect her?
how come she is so solemn and cooool?
why she loves teaching while i -just- hated?
how smart i'll be ...so i won't be a teacher ...

as I'll be a famous writer ...or important figure somewhere....but most probably business :D

I never had a private lesson nor groups with Ms. Magda ...and she didn't teach me in class -:))

but she was there always for me over there :D
now most of the teachers treating u well, because u were there in one of their privates lessons or school groups...

not much who just love because he\she is a teacher , he\she has to get the benefit to let you deserve her\his love..

Ms. Magda was one of those teachers that in my days -by that time, really don't know about now- she NEVER gave a private lesson to anyone, and if you insist you have to be regular in her school class or school group.....

if you have any problem her office is always opened for you -:))

she was one of those prophets who believe in their message, they didn't deal in education business, every time we have a chat I get something new ....

she is smart, knowledgeable, honest , she is one of those who you can trust and seek advice, which she is really talented in :)

Ms. Magda brought me today back to school days, in my days not all of us had private lessons, some had school groups..and some just don't feel like to have.....but all of us had fun in school :))

she reminds me by Mr. Sob7y Kayser, Mr. shreef Mo7eb, Ms. Mona Ma7'azom, Mr. Refe3aat : those who i didn't have private lessons with , and some of them knew that I may join other teachers classes but they were there for me ..with pure love and tender :))

all of us loved our teachers -and hate others- :)

Ms. Magda is someone who surely proud to be near by .....

despite she didn't teach me regular school lessons..but she taught me life ....

I remember her once ...when the class was over control and our teacher was getting crazy ,,,and she just came in ...with no single word..just her look :))

she made me remember "Ms. Nadia El. 3aqad' :))

al.hamdoelah ,I am not a teacher ..and won't be :D
the idea getting me crazy...bs ya wad bs ya bent....

the idea to educate ppl...I can't imagine my self standing over there "teaching" .....and the secrete button -to drive the monster crazy- when i found my self in the shoes of a teacher had to teach something ..OMG

ya haram ..teachers should be candles keep lighting other ways' life -as Ms. Magda- , she didn't influence my way of thinking....but she made me think...

she taught me to be me ...although i loved her much but she didn't like to see me doing something is not me ...even if she is doing it ..or love it :))

I don't have to look like her to be good..alll i've to be is to be me ...

i totally agree about about this Sunday, December 13, 2009movie quote "I like a teacher who gives you something to take home to think about besides homework."- ~Lily Tomlin as "Edith Ann-

Ms. Magda did so with me in school...and now again she did today and here I am thinking 'how my life could be without some teachers like Ms. Magda"??


--------Amira Sobeih -----
------أميرة صُبيح------------

Sunday, December 13, 2009

شفتو ابنى؟

شايف يا أبو العيال ابنك واقف أهو هناك.روح نادي عليه خليه يقف هنا جنبنا

فاكر لما كنت بتغنيله ماما زمنها جايه وإنت محتاس مش عارف تسكته إزاى

ولا لما ودانك طلعت شرار أول ما ختم بعلامة الجوده على بدلة الإجتماع

وفاكر أول يوم له فى المدرسه بالشورت وهو بيغمز للبنوتة بنت الست اللي واقفة جنبي..وانا مش واخده بالي وفى نص هدومي منه

ولا لما نزلت تخلصه من خناقة فى الشارع بعد ما بتجاب جووول... ولا لما العيال بكانت تجري وراه ومتلحقيش تسبقه

وفاكر لما ناظر المدرسة بعتلك خطاب استدعاء ولى أمر علشان الواد بيحرج المدرسين أوى لأنهم مش عارفين يجاروه

ولا فاكر لما ضبطنا فى جيب غسيله علبة السجاير ، ولما سألته ايه ده؟ ، ووهو بيجاوب ببراءة دى بتاعه مدرس الفيزياء طبعاً


ولا فاكر لما قفل على نفسه أسبوع بعد قصة أول حب وأول بمبة اخدها من بنوتة جميلة تقوله لا شكراً ميرسي

و أول سفرية سافرهاورجعوه باللي شافو فيها عباد الله فى بلاد الله .. والحاجات والمحتاجات ..وشخطتك بس كفاية يا ولد ...خلفة أخر زمن !!

وأول مرتب وهو بيحب على ايدك..وبيقولك يلا يا بابا نعزم ماما على السينما بقه

و بنات عماته وخلاته وهم بيتعدلو على دخلته...احم... وبيسلمو "إزيك يا ابن عمتنا شوفت الفستان الجديد"..ورده بتقل: الله..يجنن

وفرحتنا بعروسته وانا بزفلها فارس الزمان وهو بيقولى شوفى يا أمى قمر حياتى واقفه ولا شمس الشموس

والواد العفريت ابنه وهو بيجري يورينا بدلة العيد اللي اشتراها امبارح


والنهارده يوم ما بتزفنا للقاء مالك الملك ..وملائكة رحمته تبارك كل خطوة بيخطيها ابنى على الصراط اللى رفع راسنا عند سؤال ربي من خلفتم فى الأرض يا ابنى آدم؟

نادي عليه يقف هنا جنبنا ده ابننا فرحة أملنا وسبب عزتنا


---Amira Sobeih---
----أميرة صُبيح-----

Dec. 10- 2009

The Broken vase

few moments ago just finished reading an article titled "The Broken Vase" By May Rostom.

about if human relationships are like fine china, once broken can never be mended; the article mainly about the broken hearts ...lap lap lap
http://www.arabia.msn.com/Women/Relationships/2009/november/Broken_vase.aspx

the article is just awesome not because it is all about partnerships between couples ,,,,etc
but mainly it stopped me for a wider scope -to be honest didn't read it word by word just a quick scanning- as some quotes stopped me :D

i love her idea which wonders "When should we just throw the broken vase away and find a better vase?

in life we have different vases with different forms and sizes :
- the friendship vase
- the brotherhood vase
- the motherhood vase
- the passion vase
- the ....the.....the..........m

any and many

some vases we fall in love with in the first sight , its colorful shiny shape attracts us, takes us with its glory fantasy but later on the flame get weaker and weaker day after day and we use its shape , to turn to be just a piece of something over there, ..........................................................

later on we found our selves denying it, and may be avoiding it in some other times ,

while -in most of the time- by the time we try to hide it instead of cleaning its dust as we afraid to be hurt by these dust for the sack of our healthy lungs ...we prefer to just hold those vases away to not look like " having too sensitive lung"...otherwise our cough will show our weakness

some people when they show their feelings are often put down and told they are "too sensitive," "over- reacting," "emotional," and not "objective....they told to be "strong," "confident," "logical," and "objective"......

in matter of fact they asked to be "wild" , and "insolent"....living in isolated islands !!!!

what the shame in feeling our feelings? what the shame in witnessing our whooping?
what is wrong with some little pure drops of tears? it could clean up the dust ...it won't brake it...

even if we did broke our vases or the other vases ...I believe the little pieces of its china could build a splendor Mosaic Pavement, a pavement designed to lead us through life path.

indeed we could hurt our hands while collecting the broken pieces but by the end -if we got the enough courage- we get our markable and magnificent mosaic.

so why people insist to live in just isolated islands in self-conceit oceans!!!
why should we throw the broken vases away ??

Human all over the world are superb souls, every single person is just a master piece in this Mosaic , cutting of one of these faces forfeitures the wholeness harmony of this universe ....

should we fall apart to prove that we can stand alone "Ares"? or playing "Artemis"?
forgetting about nobility, brotherhood and humanity solidarity for the sack of foolhardy pride!!!

what is wrong with "Apollo"? or may be "Athena"?
both are GODs tooo..aren't they??!!


--------Amira Sobeih------
------أميرة صُبيح-------------
Monday, November 23, 2009