أخرسي مش عايزة أسمع نفس...حسك عينك أسمع صوتك...نزلى عينك فى الأرض وانتى بتكلمي الأكبر منك...عيب تقعدي وانتى حاطة رجل على رجل قدام الأكبر منك.. البنات المؤدبة متفرديش شعرها فى المدرسة يا بنت عيب... أربطي الكرفت ونزلى الشميز، إنتى فين هنا فى سوق السمك علشان تشمري كمك بالشكل ده..وقفلى الزراير للأخر...إيه دي الجووب فوق الركبة ليه، خلى الماما تكلمنى فوراً، وألبسي شراب تقيل بعد كدة...إيه الدوافر الطويلة دى تتقص فوراً يا سيستر فتكات شيلها الحاجات دي فوراً...تعالي هنا إيه ده فى حد يشيل الكتب كدة؟؟ بقينا خلاص زي الولاد بنربط الكتب بالكرفت؟ يلا البسي الكرفت بلاش قلة أددب...
إيه ده إنتى عايزة ترقصي؟؟ بلا قلة أدب ومسخرة، قومي ذاكري....طيب ممكن ..ممكن إيه؟؟ مش قلت قومي تبقة قومي...يلا ..البنات المؤدبة تسمع الكلام من غير نقاش...بنات أخر زمن
وفى مرة كدة فى ساعة صفا (واللي فى الغالب بتكون فى غفلة من الزمان): ماما..ماما فاكرة حضرتك لما قولتيلي بلاش كذا ..ممكن تقوليلي ليه؟
ههه...وبعدين معاكي لما تكبري هقولك..روحي قومي ذاكري يلا...يلا ...الله يلا يا اميرة
يا ماما ..أيوة حاضر...بس عايزة أقول لحضرتك حاجة واحدة..إحنا فى الصيف...واجازة
(الآباء والآمهات مبيغلبوش): إنتى هتفكرينى انا موجهة يا أميرة...حضري للسنة الجاية يا حبيبتى..أنا مش جبتلك الكتب الجديدة..جري عينك عليهم يلا يلا يا شطورة
بس يا ماما..مش ممكن المناهج تتغير السنة دي
لا لا يا حبيتى ..قلت قومي...يلا ...يلا...مممممم
اتربينا على حاجات كتير منها صح..وكتير منها محتاج إعادة نظر
فى كل الحالات كنت هسمع الكلام (لأنه بمنتهي البساطة أنا لازم اسمع الكلام..وبكل صراحة) بس كنت هبقة مبسوطة وأنا بسمع الكلام وانا فاهمة ليه ده غلط وليه ده عيب
وبالتالي لما كبرنا بنفوجئ بينا بنعمل حاجات ..وإحنا مش متأكدين هى فعلاً غلط...ولا علشان الكبار قالوا كدة..فهى تبقة كدة
يا تري أنا مع أولادي هقولهم كدة ..وهعمل كدة..
وليه دايماً دايماً...إنتى فاكرة نفسك ولد ولا إيه؟؟
ولما كبرنا: إنتى فاكرة نفسك راجل ولا إيه؟؟
بس فى الأوقات المعينة إياها يجي ويتقالك: بنتى ب100 راجل
!!!
=================
Amira S
Mon. 8 March, 2010
3 comments:
Mirooooooooo , Awl mara 2a3raf en
3andek blog 7elw kedaaa , nice post wallahy , sa3at ba2ool lenafsy e7na 7anekber w ne3mel zay 2ahalina bezabt , w sa3at ba2ool Allah 2a3lem yemken ne3raf netaba2 el-toro2 el7adesa elly nefsena 2ahalena yesta5demoha ma3ana :D
Narrrr00000000 al.gamela :))
merci ya 2amar....mmm yes i hve a blog...shofety :))
but used to keep it very personal..a free space for me ;)
----
anyway; seems that we all share the same concern...unfortunately yes we believe in values we not quite sure if we really believe in or not :D
3alem magnona :)))
السلام عليكِ من جديد
هذا أيضاً حديثاً مقبولاً جداً
وأتفق معه
دمتِ بود
Post a Comment