العاطفه العاصفة....أو العاطفة الجياشة .....
وكتير غيرها من الكلمات القوية اللي بتلحق بكلمة رقيقة...المفترض إنه العاطفة حاجة بسكوته كده ..فجأة هوب درب ضاف إليها بقدرة قادر حاجة طرخ طرخ..شئ ناشف يكسر العضم....ولا طخ طخ ...وبوووم
يعنى ده معناه إنه لازم ولابد إنه ميفيعش رقة صرف ..متنفعيش و إلا بقت مياعة غير مستصاغة ...لازم دعامات تسندها يعنى...دراعات قوية تتدغدغدها عند اللزوم وتحوطها أوى بسياج من نار...
أفتكر زمان لما كنا بنذاكر العربي، يقولك إيه رسم بريشته أبدع الكلمات..وضع المذكر قبل المؤنث، ولا يقولك سن بريسته أقوي الألحان....نعم ...سن؟؟
جري إيه ..هو فى إيه...حتى الألحان استخدمنا لها تعبير صعب أوى..يحسسك إنك داخل السلخانة...وتحس إن الكلمات يا حرام بقت فى خبر كان...عادي جداً
وأفتكر إنى فى مرة كتبت -محاولة شعرية كده- فيها: تراني محبرتى ..وترقبنى ريشتى ...حاجة كدة مش فاكرة بالضبط ...لما افتكرتها دلوقتى لقتني بقول : نعم يا هانم ريشة ومحبرة إحنا فين هنا ...بذمتك أنتى عمرك مسكتى ريشة ولا تعرفي شكل الحبارة ايه يا نصابة؟؟
ده حتى بالإمارة يبقة خير وبركه إنك تعرفي إنه للطابعة بيحطولها حبارة ..وممكن تتملى ألوان كمان !!
لكن وبرغم كل شئ تلاقيك لما تتكلم ونفسك مشبعة بالأحاسيس كده ..وحاجة عظيمة -بغض النظر عن كونها سعيدة أو لأ- بتحس نفسك عايز تعبر عنها وتكتبها وبتقول تلقائي فى عقلك الباطن أنا هرسم بريشتى لوحة من أحلى الألوان..وكأن الواحد منا بيحسس إنك تشيل قلم عادي وتكتب هيبقه تقيل عليك..وعلى أفكارك...ماهو قلم جاف...مش زي الريشة وخفتها ورشاقة حركتها
وكأن طرفها بيرقص على الورقة...وطرفها التاني بيداعب أنفاسك ...وبياخدخا ويطير مع أفكارك فوق السحاب.....وتحس نفسك بقيت خف الريشة اللي ماسكها بجد...وتطير مع أفكارك لتنفصل عن العالم المجنون والجاف اللي انت عايش فيه...وكأنك بتعلن عصيانك ورفضك لفكرة إنه الحبر ينطلق من رحم مذكر ....أصله ضد الطبيعة
لأنك عايز أفكارك وكلماتك تعيش فلازم تخرج من رحم أنثي..وياحبذا لو كانت رشيقة وجميلة...لتعبر بيها محيط أفكارك ....وتسبح فى بحور عواطفك الجياشة.......وتهز أوتار أحلامك .......وترسملك بسمة الأمل فى بكرة
ويمكن علشان الريشة ناعمة ...تدوب مع لمستها أحزانك وهمومك.....وتاخدك بملمسها الحريري لدنيا تانية..غير الدنيا,,تخليك تقول يااااااه ....يا سلام
----Amira Sobeih- -أميرة صُبيح
Wednesday, October 14, 2009
وكتير غيرها من الكلمات القوية اللي بتلحق بكلمة رقيقة...المفترض إنه العاطفة حاجة بسكوته كده ..فجأة هوب درب ضاف إليها بقدرة قادر حاجة طرخ طرخ..شئ ناشف يكسر العضم....ولا طخ طخ ...وبوووم
يعنى ده معناه إنه لازم ولابد إنه ميفيعش رقة صرف ..متنفعيش و إلا بقت مياعة غير مستصاغة ...لازم دعامات تسندها يعنى...دراعات قوية تتدغدغدها عند اللزوم وتحوطها أوى بسياج من نار...
أفتكر زمان لما كنا بنذاكر العربي، يقولك إيه رسم بريشته أبدع الكلمات..وضع المذكر قبل المؤنث، ولا يقولك سن بريسته أقوي الألحان....نعم ...سن؟؟
جري إيه ..هو فى إيه...حتى الألحان استخدمنا لها تعبير صعب أوى..يحسسك إنك داخل السلخانة...وتحس إن الكلمات يا حرام بقت فى خبر كان...عادي جداً
وأفتكر إنى فى مرة كتبت -محاولة شعرية كده- فيها: تراني محبرتى ..وترقبنى ريشتى ...حاجة كدة مش فاكرة بالضبط ...لما افتكرتها دلوقتى لقتني بقول : نعم يا هانم ريشة ومحبرة إحنا فين هنا ...بذمتك أنتى عمرك مسكتى ريشة ولا تعرفي شكل الحبارة ايه يا نصابة؟؟
ده حتى بالإمارة يبقة خير وبركه إنك تعرفي إنه للطابعة بيحطولها حبارة ..وممكن تتملى ألوان كمان !!
لكن وبرغم كل شئ تلاقيك لما تتكلم ونفسك مشبعة بالأحاسيس كده ..وحاجة عظيمة -بغض النظر عن كونها سعيدة أو لأ- بتحس نفسك عايز تعبر عنها وتكتبها وبتقول تلقائي فى عقلك الباطن أنا هرسم بريشتى لوحة من أحلى الألوان..وكأن الواحد منا بيحسس إنك تشيل قلم عادي وتكتب هيبقه تقيل عليك..وعلى أفكارك...ماهو قلم جاف...مش زي الريشة وخفتها ورشاقة حركتها
وكأن طرفها بيرقص على الورقة...وطرفها التاني بيداعب أنفاسك ...وبياخدخا ويطير مع أفكارك فوق السحاب.....وتحس نفسك بقيت خف الريشة اللي ماسكها بجد...وتطير مع أفكارك لتنفصل عن العالم المجنون والجاف اللي انت عايش فيه...وكأنك بتعلن عصيانك ورفضك لفكرة إنه الحبر ينطلق من رحم مذكر ....أصله ضد الطبيعة
لأنك عايز أفكارك وكلماتك تعيش فلازم تخرج من رحم أنثي..وياحبذا لو كانت رشيقة وجميلة...لتعبر بيها محيط أفكارك ....وتسبح فى بحور عواطفك الجياشة.......وتهز أوتار أحلامك .......وترسملك بسمة الأمل فى بكرة
ويمكن علشان الريشة ناعمة ...تدوب مع لمستها أحزانك وهمومك.....وتاخدك بملمسها الحريري لدنيا تانية..غير الدنيا,,تخليك تقول يااااااه ....يا سلام
----Amira Sobeih- -أميرة صُبيح
Wednesday, October 14, 2009
No comments:
Post a Comment