ألف أول حرف من اسمي...ألف أول حرف فى لغتى...ألف أول حرف من اسم ربي
ألف: أول أنفاسي فى الدنيا وأنا بستهجي أول حرف فى سطري بصرخة الحياه
ألف: أخر أنفاسي فى الدنيا وأنا بتشهد بأخر حرف فى سطري بشهقة الحياه
ألف: أحلم ولسه بكون حروفى وأنا برسم كلمات سطري مره بالطرحة ومره بالفرحه
وألف نقطة من أول السطر ببدأ بيها من تانى وبقول باسم الله
--------Amira-----
Wed, July 1-09
تعقيب:
دايماً كانت بتستهوينى فكرة حياه الإنسان (واللي اتأثرت بمرجعيتى الدينية والمنعكس فى موروثتنا الثقافى المصري برده..وتلاقيهم أى حد لما بتحصله حاجه يقوله "أذن فى ودانه") وإننا لما بيتولد أطفالنا بنأذن فى ودانهم ........و حين لما بنصلي على الميت ..بنقيم علطول بدون آذان...يا تري ليه؟
ولما أتأملت فيها -وده اجتهاد شخصي بحت يحتمل الصحة ويحتمل الخطأ- إن حياتنا تقع ما بين الأذان والإقامة..حياتنا هى الفترة ما بين التكبيره فى ودانا عند ميلادنا ...والصلاه على وفاتنا عند رحيلنا
ولما بلاقي إن كل ملة ودين كل واحد بيصلي على طريقته وبيدعي كمان...و يقال إنه لا يوجد في العبادات عبادة تقرب الانسان إلى الله أكثر من الدعاء. ...وده تقريباً موجود فى كل ديانات العالم..كل واحد فينا بيدعى بحاجه معينه وبيناجي ربه بشئ معين-بغض النظر عن ربه أو طبيعه سلطانه ايه أو مين
وشوية تأمل تانيين نلاقي إن القاسم المشترك فى الصلوات الخمس عندنا -باعتبار إن بعضها لها سنة قبلية والبعض له سنيه بعديه- إننا ما بين الأذان والإقامة: هو الدعاء
وبالإعتبار إلى قوله الله تعالى : { وما خلقت الجن والإنس إلا ليعبدون }
وبالإعتبار قوله صلى الله عليه وسلم(الدعاء هو العبادة)
وهو ما يتصور معه أن الدعاء هو مخ العبادة
اذن فالدعاء هو جوهر العبادة وروحها...وبالتالي الدعاء هو جوهر الحياه وروحها
طيب اشمعنى الدعاء يعنى..لقيتنى بضحك قوى...لأن الدعاء عباره عن حلم ما أو أمنية ما نفسي فيها....وبدعي لربنا علشان يحققها لى ...ودعائي كله أمل فى الله..كله رجا فى الأحلام تبقة حقيقة
وكأنه ربنا بيطلب مننا إننا نعيش الأحلام ونستحضرها ...ونتنفسها....طول ما نفسنا بينبض بالحياه...لأنه ببساطه لو بطلنا نحلم نموت
يكون عندنا أمل فى الله...إننا نتطلع للخير دايماً..وإننا نعيش الحلم و إحنا بنقول ربك لما يريد أحلامنا حتقق طول ما إحنا بنسعي
يعنى قيمة حياتى تتلخص فى قيمة حلمى
فياتري هحلم بايه النهاردة ؟
دايماً كانت بتستهوينى فكرة حياه الإنسان (واللي اتأثرت بمرجعيتى الدينية والمنعكس فى موروثتنا الثقافى المصري برده..وتلاقيهم أى حد لما بتحصله حاجه يقوله "أذن فى ودانه") وإننا لما بيتولد أطفالنا بنأذن فى ودانهم ........و حين لما بنصلي على الميت ..بنقيم علطول بدون آذان...يا تري ليه؟
ولما أتأملت فيها -وده اجتهاد شخصي بحت يحتمل الصحة ويحتمل الخطأ- إن حياتنا تقع ما بين الأذان والإقامة..حياتنا هى الفترة ما بين التكبيره فى ودانا عند ميلادنا ...والصلاه على وفاتنا عند رحيلنا
ولما بلاقي إن كل ملة ودين كل واحد بيصلي على طريقته وبيدعي كمان...و يقال إنه لا يوجد في العبادات عبادة تقرب الانسان إلى الله أكثر من الدعاء. ...وده تقريباً موجود فى كل ديانات العالم..كل واحد فينا بيدعى بحاجه معينه وبيناجي ربه بشئ معين-بغض النظر عن ربه أو طبيعه سلطانه ايه أو مين
وشوية تأمل تانيين نلاقي إن القاسم المشترك فى الصلوات الخمس عندنا -باعتبار إن بعضها لها سنة قبلية والبعض له سنيه بعديه- إننا ما بين الأذان والإقامة: هو الدعاء
وبالإعتبار إلى قوله الله تعالى : { وما خلقت الجن والإنس إلا ليعبدون }
وبالإعتبار قوله صلى الله عليه وسلم(الدعاء هو العبادة)
وهو ما يتصور معه أن الدعاء هو مخ العبادة
اذن فالدعاء هو جوهر العبادة وروحها...وبالتالي الدعاء هو جوهر الحياه وروحها
طيب اشمعنى الدعاء يعنى..لقيتنى بضحك قوى...لأن الدعاء عباره عن حلم ما أو أمنية ما نفسي فيها....وبدعي لربنا علشان يحققها لى ...ودعائي كله أمل فى الله..كله رجا فى الأحلام تبقة حقيقة
وكأنه ربنا بيطلب مننا إننا نعيش الأحلام ونستحضرها ...ونتنفسها....طول ما نفسنا بينبض بالحياه...لأنه ببساطه لو بطلنا نحلم نموت
يكون عندنا أمل فى الله...إننا نتطلع للخير دايماً..وإننا نعيش الحلم و إحنا بنقول ربك لما يريد أحلامنا حتقق طول ما إحنا بنسعي
يعنى قيمة حياتى تتلخص فى قيمة حلمى
فياتري هحلم بايه النهاردة ؟
No comments:
Post a Comment