امال هم عملو المناديل ليه..ده حتى مفيش أرخص من المناديل الورق

عادي جدا..هم كلهم دمعتين

..واه ..ثم نفة عميقة ..وخلاص..

امال هم عملو المناديل ليه يعنى..مفيش ارخص من المناديل الورق

الحقيقة الواحد اكتشف انه يعيش فى مجتمع يدعم الصناعة الوطنية ...مجتمع معطاء ..يعنى نضرب مثال : شركات المناديل الورقية بتعمل مجهود جبار لخدمة شعبنا الكريم وبتحاول مش تحرمنا من حاجة خالص كمبادرة للتشجيع على التعبير عن الذات لأن شعبنا الكريم كل يوم بيجود علينا بكل ما هو جديد فى عالم الأخلاقيات الغربيةشعب معطاء بكل معاني الكلمة: متجدد.. فياض.. فيضه لا ينقطع.. مبتكريعنى بجد...فعلا شعب بيشجع شركات المناديل ..على التسويق، واهو كل تشجيع للعمالة الداخلية، كل ما مناديل اكتر تتباع ... كل ما المكن فى المصانع يدور اكتر..وعجلة الصناعة تدور

بذمتك شفت شعب له نظرة منتعمقة للأمور كدة، ومن ناحية تانية بقة يكون فى علمك أوعى تفتكر انه شعب مادى بيبص على دعم الصناعة وبيع المناديل وخلاص....لا لا لاالشعب بيفكر بأسلوب تاني خالص...دلوقتى تقدر تشوف المناديل بروايح مختلفة، فتستنشق العبير بكل انواعه،

لأننا شجعنا التنافسية تلبية للأذواق المختلفة

فتلاقي ايشي بريحة الفل، وايشي بالياسمين، فانت بقة لما تاخد المناديل ...كل ما تشتري عبوات اكتر تجد روايح اكتر....وتستنق عبق الجنة

بجانب الشكل المبتكر لعلب المناديل..ولا هى بتريح النظر ..بألوانها واشكال عليها المختلفة..فمش مقتصرة على الريحة فقط او المنظر

وده بيدعم فكر التخيل، تخيل بقة دى الريحة الحلوة...امال ريحة الجنة تبقة عاملة ازاى..فكدة بقة يخلوك تعمل المزاج دوبل...مزاجك انك شميت ريحة حلوة..وعملت لأخرتك

فبكدة حققت المراد تمام... عملت للدنيا والاخرةواهى تصبيرة برده...شفت بقة ان شعبنا معطاء ازاى...فكل ما تعيط اكتر كل ما تشم اكتر

وطبعا انت عارف انه بجانب الفائدة الروحية والمادية على اقتصادنا القومى دى..فى فوائد تانية كتير منها مثلا: - انك لما تنف مثلا انت فى حقيقة الامر بتسلك مراخيرك- وكمان لما تبكي بتغسل حدقة العين بتاعة سيادتك، وعين تنضف من اثار التلوث العالقة أول بأول-

ومن ناحية تانية بذمتك انت مش لما بتعيط وتقعد تمسح كتير بالمناديل كدةعلى خدودك...خدودك بتحمر..فاصبحت مورد الخدين... واهو تنشيط للدورة الدموية وبالتالي تمشي الناس تعكسك وتقول اه با احمر الخدين- اما بقة شفافيك... فمش هيكون فى فرصة انك تحط زبدة كاكاو...لأنها هتكون محمرة طبيعيى تماموبالتالي

وبناءاّ على ما سبق فلتحيا صناعة المناديل الورقية وليحيا شعبنا المعطاء الذى لا يبخل علينا كل يوم بكل ما هو مسبب للدموع....ويلا نشجع صناعة بلدنا


--------Amira--------
Sun., 27-07 2008