خطاب تفاهم مع ذاتي العربية

من: السلبية الصامتة الخانعة....اللائمة على الأخرين إلى: من يتسلمه... تتقدم ذاتى الحانقة مسلوبة الارادة والمتابعة للاعلام العربي؛ والمعاصرة لواقع عربي مبشر لمستقبل واعد فى الدرك الأسفل من بدروم "قصر التنمية" ... بخطاب تفاهم حول مكنة تعاملى مع محيطي... تلك الذات الخاضعة للمجتمع عربي أصيل يتمتع بازدواجية من المعاييرالأخلاقية لا بأس بها من تيار دينى أجوف وتيار علماني متفلسف، وأنظمة بيروقراطية تعيش أزهى أزمنتها، وشباب منعش يثلج الصدر..متابع جيد لأحدث الأغاني والمقاهي الجديدة وذو فكر خلاق فى الكوتشينة ولعب ألعاب"راحت عليك..عقبال المرة القادمة" ..ليس هذا فقط بل ملاحظ جيد فى الطرقات والنوادى (ومختلف الأماكن) ومعقب جيد على كل حركة وهمسة تصدر عن أي شئ يحمل فى أخره تاء مربوطة ?حتى ولو كانت ذبابة- (رادار يتفوق على الرادار الالكترونى لاشارة المرور)، وفتيات متنمرة ومسترجلة، وآباء أعزهم الله يتسمون بقدر لا باس به من الكروش المنتفخة والعقول المتخمة والمراهقة المتأخرة، وأمهات جميلات متعطرات بأعتق روائح الفسيخ والبصل، متزينات بأعلى الأصوات وأغلظها، متمتعات بقوام جاموسي تحتار العين أيهن الأقرب لجوال البطاطا. لكل هذا: كفاية بقي...كفاية فذلكة وكلام فاضي...أنا تعبيت كفاية ........ تعبت من كثرة الكلام المتفلسف والقواعد النحوية المرصوصة والتشكيل الأجوف من أى معنى.... لغاية امتى هيفضل كلامنا مجرد كلام فى كلام..زهقت من كتر الفشل وتعب الأعصاب...لغاية امتى اعلامنا موجه لنا فقط.. لغاية امتى هتستمر حملات التعبئة العامة الغير مدروسة دى.... يعنى ايه المطلوب اننا ننفجر..طب ازاى؟.... والمولود هنا مدفون ...ممنوع مسيرات احتجاجية..ممنوع تعبير...ممنوع تنقل..ممنوع هجرة/سفر....ممنوع شغل إلا بالواسطة أو عمل تحت ظروف لا انسانية وبدون ضمانات وبمرتب شهري يكاد يكفي الأسبوع الأول من كل شهر....ممنوع الرقص فى الشارع أو الضحك وإلا بوليس الآداب......ممنوع الذهاب إلى المساجد وإلا مراقبة مخبرين المباحث العامة....ممنوع النجاح أو الترقية إلا بعد اتباع سياسة الحنجل والمنجل.... ممنوع انقضاء المصالح العامة والخاصة إلا بعد القهوة والبقشيش.... ممنوع الاستمتاع باى عمل فنى/أدبي إلا تحت الرقابة: وزارة الثقافة على الأعمال السياسيةو الدينية ...ورقابة الأزهر على الأعمال الأدبية العلمانية ....طب تقرا ايه ..ونتفرج على أفلام ايه ..حمو وتاتا....طب أنا لا بحب حمو و لاتاتا..اتفرج على ايه.... طيب ما أنا لازم أعمل حاجة..شغل مفيش..نجاح وتفوق مفيش...راحة بال وفرفشة مفيش... روحانيات مفيش...تطوع والتطلع للجهاد مفيش...طب في ايه... مش هقول انى لازم أتغير والمجتمع..أظن دى مسألة وقت ...طب الناس اللي بتتقتل دى والفاشية الجديدة والنازية الجديدة ننعمل فيها...والاعلام اللى مش بيوجه رسالته للخارج..والناس اللي دوشانة بالأخبار على المنتديات العربية... شريحة كبيرة من المستخدمين الناطقين بالعربية بيرسلوا كم هائل من شحنات الغضب وجرعات المرارة المركزة...لغاية لما الواحد بقاش عنده مرارة.. أعرف شخصية طريفة جدا ..حاولت تعمل حاجة...حاولت تعبر عن نفسها..بس العيار فلت منها حبتين لدرجة انها خسرت أصدقاء، عمل، بل وتطور الأمر معها أن أصبحت تستقبل بعض المكالمات من أحد الضباط اللي هي تشرفت بزيارته فى مكتبه (طبعا المسألة كانت ودية ..أصلها غلبانة وعلانيتها قوى)..لدرجة انها آثرت ألا ترد على أى مكالمات وأن تغلق المحمول نهائيا ..ولزمت البيت..بل وصلت لمرحلة انها سافرت للخارج كام يوم كدة..طبعاً علشان تصيف وتغير جو ..ومش لأي حاجة تانية.... مابنقلش أن الواحد يعمل زيها..أصل بصراحة ما أظنش ان تكون حاجة ظريفة أن الواحد يشعر انه تحت الميكرسكوب أو يشعر انه ممكن يسبب ضيق/احراج لأهله لكن ممكن نعبر عن نفسنا بالأسلوب ده: http://sabbah.biz/mt/about / http://sabbah.biz/mt/archives/2005/07/17/future-superstar-ammar-hassan-facing-armed-men/ أو بده: http://www.halturnershow.com/IsraeliAtrocities.html http://www.halturnershow.com/index.html أو ممكن نشترك فى المنتديات الأجنبية العالمية ونشوف الناس بتفكر فينا ازار ونرد عليهم زى كدة مثلاً: http://forums.filefront.com/showthread.php?t=264521 http://www.xenith.net/forums/lofiversion/index.php/t1026.html نصمم مواقع بها ألعاب الكترونية وترفيه وكرتون للرد على الاساءات بس من غير تعصب علشان نكسب تعاطف ، بدل ما هم عملينا مسخة بالشكل ده http://www.chick.com/reading/tracts/1000/1000_01.asp http://www.clantemplates.com/ / ده امبارح كنت بقلب فى صفحات وبالصدفة فتحت موقع للأسف مش عارفة اجيبو تانى وكان هو السبب انى أكتب الخطاب ده: عامل مقدمة للموقع عبارة عن قطعة موسيقية تلعب لحين تحميل الموقع..وهو لحن راقص جميل جعلنى اهتز طربا مع الايقاع السريع الصاخب إلا أن بعض الكلمات المألوفة طرقت أذنى..فدققت السمع ..وإلا بها: أه يا حزب الله يا جزمة يا بن الكلب !! ...ثم موسيقي وكلام تانى وبعدين ياجبان يا خسيس... طبعا مش هقول احساسي ايه لما عرفت أن الموسيقي اللي تمايلت معها ما إلا سب وقذف كنت أتمنى أنى أضيف الموقع لكن للأسف غير محفوظ عندى ..خاصة وانى فتحته بالصدفة اثر طباعتى كلمة خطا فى البحث فى موضوع معين وبعدها الكمبيوتر هنج...حتى الكمبيوتر مستحملش الكلام وطب ساكت... ليه منجربش نشوف هم بيعملوا ..وازاى نجحوا يخدوا تعاطف الناس بالشكل ده ونشوف طريقتهم الناجحة ونلبي احتياجات السوق العالمية احنا كمان (مش بيقولوا لاجل الورد ينسقي العليق) بص شوف عملوا ايه http://www.likud.nl/index.html http://www.likud.nl/extr90.html http://www.jewfaq.org/whoisjew.htm http://www.keshertalk.com/archives/2006/07/hizballahs_figh.php ليه احنا كمان ما نصممش حاجات زى دى..فى محاولات جريئة واخدة شكل مباشر وصريح جدا ، زى دى مثلاً: http://www.pointsofjew.com/ http://frumcommunity.com/ http://www.cafepress.com/rightwingstuff بصراحة يهيئ لي لو كل واحد من مستخدمى اللغة العربية على الانترنت لو خصص وقت ضيل من يومه أو أسبوع فى ترجمة أحد الرسائل المرسلة له أو التعبير عن فحواها بلغة أجنبية وتمريرها ممكن يساعد شوية فة توصيل وجهة نظر الشارع العربي..بس ده لو حصل من غير تعصب وهمجية بلهاء أو نولول زى الولايا ونقول عيالنا ونوريهم الدم ونعيط ونتمسكن زى ما بيعملوا على المنتديات ونطلب الدعم ..يمكن نكسب تعاطف أو ممكن نكلم بتوع البيئة والشجر الأخضر وايشي الأصفر: الحقونا يا خلق الطبيعة عندنا بتتدمر ..احنا مش بنقول ادونا سلاح نموت بيه ..ساعدونا نحافظ على البيئة ولا حتى نراسل بتوع حقوق الحيوان: ونحكى ايه اثار الضرب وزيوت السفن الحربية على السواحل اللبنانية وازاى البيئة البحرية بتحتضر وازاى السمك بيموت يا حرام ، وازاى مش هيكون فى سمك زينة ملون وجميل كدة ولا ازاى العصافير أصيبت بالهلع السماعى والصداع اثر الضرب المتواصل ودائرة الحروب طبعا احنا هنركز على الحاجات دى لأنها الأهم.. ولن وألف لن : للتطرق كيف أن شبابنا بيموت ونسائنا وأراضينا تغتصب...لأن فى أولويات وفقة الضروريات سيأخذ مجاله فى هذا المضمار: لأن التجارب العملية لواقعنا المعاصر : أثبت ان تمثال بوذا مش عارف فين اللي تم تحطيمه أثار جلبة أكثر من المذبحة التى حدثت فى نفس القرية فحنا نخلينا فى المهم: نولول على العصفورة اللي طارت وقطة بوسي اللي جاتلها سكتة دماغية والسمكة نينو اللى كانت فى زيارة لعمتها فى لبنان وتاهت مما يترتب عليه ضرورة البحث مجددأ على نينو ...وهكذا من تبعات الحرب.. ويا ريت ننسي مؤقتا حكاية أصل ده سنى وايشي شيعى وده عربي مأصل وده مهجن وده من اتباع فلان ومريدي علان كلنا بنضرب يا سادة يلا يا رب نعرف نلعبها صح ..ويجعل كلامنا خفيف على حبايبنا اياهم وكفا المسلمين شر القتال والسلام عليكم